1 Timoteo 4:3 - Biblia Dc en Mixe de Quetzaltepec

³ Ya'atë ja'ayëty yajkupojktëp ja pëjkën ukën, ja kääky uuky mëti'ipë ja Dios të tuknipëjktaakën ets ja mëpëjkpëtëjk tkaytyëty t'uuktëty mëti'ipë nyija'awëtëpën ja tëyajtën ets tkukajpxëtëty.

Biblia Mixe de Quetzaltepec

³ Ya'atë ja'ayëty yajkupojktëp ja pëjkën ukën, ja kääky uuky mëti'ipë ja Tios të tuknipëjktaakën ets ja mëpëjkpëtëjk tkaytyëty t'uuktëty mëti'ipë nyija'awëtëpën ja tëyajtën ets tkukajpxëtëty.

1 Timoteo 4:3 ပူးပေါင်းရင်းမြစ်များ

Génesis 9:3

Jyëkyejpy mijts xytsyu'utstëty xyjyë'kxtëty oymyëti'ipë jëyujkëty ets oymyëti'ipë aay myëti'ipë ujtsëty, mëti'ipë ënety mtsojkën'ajtëpën. Ëjts nyäjkpyës yam.

Eclesiastés 5:18

Yi'iyës ëjts oy njaak'ijxyp ko ja'ay kyäy y'uuky ets ko tukxoontä'äky mëti'ipë jam pëtsëëmpën ma kyam tyu'ujën mëti'ipë të tnitunën naaxwiiny naaxkëjxy ma yaa wäänë jyuuky'ajtkojyën mëti'ipë Dios xymyo'oyëmën, jä'ä ko jëtu'unyë jëtu'un mëpaat njak winma'anypyätëmë.

Daniel 11:37

Ya'atë yajkutujkpë ka'ap nëjkx tmëjpëjktä'äky ja Dios mëti'ipë y'aptëjk y'ëwtajtën ets ni yë'ë nëjkx tkamëjpëjktä'äky ja tios mëti'ipë ja to'oxytyëjktëjk y'ëwtajtëpën ets mëti'ipë tios nëjkx tkamëj'ixy, jä'ä ko yë'ë mëj nëjkx ni'ik nyäyajnaxyë këtiinëm jyëtu'un'atë ja tiostëjkëty.

Mateo 14:19

Ënet ni'ënä'ämëy ets ja mayjyä'äy nyaaxwäätstëty ujtskëjxy. Tääts tkoonë'ky ja mëkoxkpë ja tsajpkääky ets mäjtsk ja ajkx. Ënet pya'at'ijxy tsajpkëjxm ets ojts tkënu'kxy. Tääts ojts tujkwä'kxy ja tsajpkääky ets tmooy ja y'ijxpëjkpëtëjk, e ja y'ijxpëjkpëtëjk ots tkumaaytya'atë ja mayjyä'äy.

Mateo 15:11

Mëti'ipë aawjoty tëjkëpën ka'ap yë'ëjëty ja'ay yaj'ëxëëkëty; yë'ë tëy mëti'ipë jap aawjoty pëtsëëmpën.

Mateo 15:36

ets tkoonë'ky ja wëxtujkpë ja tsajpkääky ets ja ajkx. Ko ja Dios tkukajpxëy, tääts ojts tujkwä'kxy ets tmooy ja y'ijxpëjkpëtëjk. Ja y'ijxpëjkpëtëjk jä'ä kyumaaytyë ja mayjyä'äy.

Lucas 24:30

Ko ënety jam y'u'unyëtë ma ja kaaypyäjnën, tääts ja tsajpkääky ojts nixajë ets ja Dios tkukajpxëy ets ojts myo'ojëtë.

Juan 6:23

Ënet ojts wiinkpë kepy nëëwinye'eyë jya'të mëti'ipë tso'ontëpën Tiberias, ma ënety ja tsajpkääky të tkaytyën ko ja Wintsën jëyëjp tkukajpxëy ma Tiosën.

Hechos 27:35

Ko ja Pablo jëtu'un y'ënäny, tääts ja tsajpkääky tu'uk tkoonë'ky ets ja Dios tkukajpxëy ma ënety japëtyën ni'ëmukë ets ojts kyääytsyoony.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Romanos 14:3

Pën jyi'kxyp oytyiijëty, ka'ap tpäxëty mëti'ipë ka'ap oytyiijëty tjë'kxyën; ets pën ka'ap oytyiijëty tjë'kxyën, ka'ap tpäxëty pën jyi'kxyp oytyiijëty, jä'ä ko tëë ja Dios kyupëkyë.

Romanos 14:6

Pën tu'uk ja xëëw y'ëmaay'äjtyp, Dios wyintsë'këp ko t'ëmaay'äty; pën tii jyi'kxyp, Dios wyintsë'këp ko tii tjë'kxy ets yë'ë kyukajpxëp; e pën ka'ap tii tjë'kxyën nän Dios wyintsë'këp ko ka'ap tii tjë'kxy, ets nän kyukajpxëp ma Tiosën.

1 Corintios 6:13

Näyjyëtu'un yajnimëtyä'äky: Ko ja uuky, jot tsooy je'eyë wyä'äny; ets jot yë'ë uuky të yajtuknikojë. Oy jyajëtu'unëty, Dios yajwintëkoyäämpy yë jot ets uuky. E ka'ap tyiyëty ko yë ni'kx kopk paat'ajtëp yajtook yajyakëty; yë ni'kx kopk Wintsën yë'ë jyä'ä; ets Wintsën ni'kx kopk jä'ä'ajtëp.

1 Corintios 7:28

E pën mpëjkp, ka'ap pyokyëty; ets pën pëjkp tu'uk ja to'oxy'ëna'k, nän ka'ap pyokyëty. E Mëti'ipë pëjktëp, myëët'atantëp ja jotmay yaa naaxwiiny, ets ka'apës ntsoky ets ja jotmay xymyëët'atëty.

1 Corintios 8:8

Ka'ap yë'ëkyëjxm ja Dios xykyakupëjkmëty ko tii një'kxmëty, ni yë'ëkyëjxm ja Dios xykyakupëjkmëty ko tii nkajë'kxmëty.

Colosenses 2:16

Këtii xymyëjpëjkta'aktëty ko ja'ay mnikajpx mnimëtya'akëtëty pën tii mkaaytyëp mjë'kxtëp, mëti'ipë xëëw m'ëmaay'ajtëp mka'ëmaay'ajtëp, pën yë'ë jempyo'o ëkë po'kxënxëëw.

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Dios ja kukajpxën Jesukristë mëët.

1 Timoteo 2:4

yë Dios tsyojkpy ets ni'ëmukë ja'ay nyitsokta'atëty ets nijawëtëty ja tëyajtën.

1 Timoteo 4:4

Jä'ä ko tu'kë'ëyë mëti'ipë Dios të tyajkojyën aak'oy yë'ë; ets ka'ap tjëkyepy yajjëjpmëkajpxëty mëti'ipë ja Dios jëyëjp të yajkukajpxën,

1 Timoteo 5:14

Paatyës nëëmëtë ja ku'ooky tyo'oxytyëjkëty ëna'këtypë ets ënätyë pyëktëty, wä'än tmëët'atë y'u'unk y'ëna'këty, wä'än jyëënjoty tyëkoty tuntë, këtiipë nëkoo tëkatsy ja mëtsip nyikajpx nyimëtya'akëtëty.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Hebreos 13:9

Këtii myajwin'ëëntëty mëët ja wiinkëtypë ja ijxpëjkën ets mëti'ipë wiinktsow tso'onpën. Yë'ë ni'ik oy ko amëk jotmëk nyajpatmëty ma ja Dios ja tsyojkën jya'awënën ets këtii ko npatu'unmëty ja ënä'ämën mëti'ipë nyikäjpxypën wi'ix ja ka'ayën ukën mëpaat yajjë'kxy yajpëkyën; jä'ä ko tääpë ënä'ämën ka'ap nimaa tyuny.

1 Samuel 9:13

Paaty ko jam mja'tëty, yë'ë tim ixtaaykyojtë ënätyë, naamka'anëm jam nyijkxynyëm tsajptëkotm ma ja ëkujkyxyëëw y'apaatëja'anyën. Yë ja'ayëty yë'ë jëyëjp y'ëwxitantëp koonëm jya'tëty täänëm kyäya'antë, jä'ä ko kopkpëky ko jëyëjp tkënu'kxëty ja wintsë'kën, täänëm kyäya'antë mëti'ipë të yajwowtën. Paaty jotëkoytyë, nëjkxtë jëtu'un timtyämyë tääts xypyaatëty.