1 Timoteo 4:15 - Biblia Dc en Mixe de Quetzaltepec

¹⁵ Mëtoow'it ya'atë yajxon ets ja ja'ay t'ixtëty wi'ix ja mmëpëjkën yeeky pyetyën.

Biblia Mixe de Quetzaltepec

¹⁵ Mëtoow'it ya'atë yajxon ets ja ja'ay t'ixtëty wi'ix ja mmëpëjkën yeeky pyetyën.

1 Timoteo 4:15 ပူးပေါင်းရင်းမြစ်များ

Mateo 5:16

Näyjyëtu'un miitsëty, tuk'ixtë ja ja'ay ja m'oyjä'äy'ajtënëty. Jä'äts ja ja'ay y'ixtëp ets tmëjjawëtëty tjaantyjawëtëty ja Dios Teety mëti'ipë tsajpjotmën.

Salmos 143:5

Nja'amyejtsypës wi'ix ijty tëëyëpën, nmëmääpy nmëtäjpyës wi'ix ojts winë xytyunyën.

Salmos 104:34

Jääpëk yë Dios t'oyjyawë yë njot nwinma'anyës, jä'ä ko ma yë'ëjën, jamës yë nxoontakën tsyoony.

Hechos 6:4

Ëëtsëty minës yë Dios n'ëkja'amyätstë ets minës n'ëknikajpx n'ëknimëtya'aktë ja Dios ja y'aaw y'ayuk.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Salmos 119:97

Mëkës ntsojkën'aty yë m'ënä'ämën mtëyajtën. Ko nyäxy yë xëëw po'o yi'iyës nmëmääpy nmëtäjpy.

Josue 1:8

Xëmë xymyëmay xymyëtajëty mëti'ipë ja Dios ja y'ënä'ämën tyiyajtën nyikäjpxypën, yë'ë xëmë mja'amyätsëp xëëny koots ets xytyunëty mëti'ipë nyikäjpxypën. Aak oy nëjkx tii mwinpëtsë'ëmxëty ko tii xytyunëty.

1 Timoteo 4:6

Tukni''ixë ya'atë mëku'uk, Kristë Jesús ënety jëtu'un oy mmëtuumpy, ets mnaxëty tu'uk ja mëtuunpë mëti'ipë yajnikëxëypyën ja mëpëjkën ets ja ijxpëjkën mëti'ipë mkuuyjyuuky'äjtypyën.

Salmos 119:148

Maanëm ka'ap kyootsënëm, jëjp'ixyës nyajpatnë ets nmëmayä'äny nmëtaja'anyës ja mëti'ipë të xywyinwanën.

Salmos 119:99

Wa'atsës ni'ik winë nja'akyukë këtiinëm jyëtu'unëty mëti'ipës xyaj'ijxpëjktëpën, jä'ä ko yi'iyës nmëmääpy nmëtäjpy yë m'ënä'ämën mtëyajtën.

Salmos 119:48

Ntsojkpy nja'apës yë m'ënä'ämën mtëyajtën ets jamës yë nwinma'any kyatsoony ma m'aaw m'ayukën.

Salmos 119:15

Yë'ëjës nmëmayäämpy nmëtajäämpy yë m'ënä'ämën mtëyajtën, etsës yë nwinma'any jam npëjktaka'any ma mnë'ë mtu'ujën.

2 Corintios 8:5

Wäänëni'ik ja näypyutëkë tyajktë këtiinëm ijxtëm ënety njëjp'ixtënës. Je'eyë ojts nyäpyëjkta'akëtë Wintsën kyë'ëjotm ets tpatuuntë ja Dios ja tsyojkën.

Salmos 105:5

Yë'ë ja'amyätstë wi'ix winë mëj këjää të tuny të tkäjpxyën ets ja y'aaw y'ayuk mëti'ipë të tmëtyä'äkyën;

Salmos 49:3

Tyamës nkajpxa'any mëët yë wijyajtën kujk'ajtën, yë'ëjës nimëtya'akäämpy mëti'ipës nmääpy ntäjpyën, mëti'ipë yäjkpyën mëj këjää ja nija'awën.

Salmos 19:14

Kupëky nyaxëty mijts mwintum yë n'aaw n'ayukës ets njot nwinma'anyës. Wintsën, yajtsokpë ets yaj'ëwaatsëpëtsëëmpë.

1 Corintios 16:15

Mëku'uktëjkëty, mnija'awëtëp ko ja Estéfanas ja myëku'uktëjk yë'ë ojts jëyëjp tmëpëktë ja Dios ja y'aaw y'ayuk jam Acaya y'itjotm ets yë'ë tyam pyutëjkëtyëp ja ja'ayëty mëti'ipë mëpëjktëpën.

Salmos 119:23

Oy yë kumeenyjyä'äytyëjkëty ets jotmëktëjkëty wi'ix xyatuna'antës, ya'atë mtuunpë yi'iyë myëmayäämpy myëtajäämpy yë m'ënä'ämën mtëyajtën.

Salmos 77:12

yë'ëjës nmëmayäämpy nmëtajäämpy mëti'ipë të tyajkojy të tpëjktä'äkyën.

Salmos 63:6

Koots, koos nma'ajanë; ënätës yë nwinma'any jyä'ty ma mijtsën ets nja'amyetsy;

Salmos 1:2

yë tsyojkën jya'awën jam tpëjktä'äky ma Dios yë y'ënä'ämën tyiyajtën, ets yi'iyë myëmääpy myëtäjpy xëëny koots.

2 Corintios 4:14

Jä'ä ko nnija'awëm ëëtsajtëm ko ja Dios mëti'ipë yajjuukpyëjkën ja Jesús, näjyëtu'un xyajjuukpyëka'anëmë, ets mëët miitsëty mëët tu'ukyë xyajnëjkx'anëmë wyintum wyinkujk.

1 Timoteo 4:14

Këtii ja mtuunk xyajtëkoyëty mëti'ipë mëët'ajtypyën, mëti'ipë ja Dios të mmo'oyën ets käjpxynyajxpë m'itëty ko ojts ja mëjja'aytyëjk mkënu'kxyë.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënety mëtoow'ijtëpën.