1 Timoteo 4:12 - Biblia Dc en Mixe de Quetzaltepec

¹² Këtii xykyupëkëty ko pën mkawintsë'ëkëtëty ko mutsknëmëty; mijts ni'ikyë mëpaat ijxpäjtën xyäky ma mëpëjkpëtëjkëtyën, ko oy mkajpxëty, oy winë xytyunëty; mmëët'atëp ja tsojkën ja'awën ets ja mëpëjkën ets oy yajxon mnäyajjuuky'atëtëty.

Biblia Mixe de Quetzaltepec

¹² Këtii xykyupëkëty ko pën mkawintsë'ëkëtëty ko mutsknëmëty; mijts ni'ikyë mëpaat ijxpäjtën xyäky ma mëpëjkpëtëjkëtyën, ko oy mkajpxëty, oy winë xytyunëty; mmëët'atëp ja tsojkën ja'awën ets ja mëpëjkën ets oy yajxon mnäyajjuuky'atëtëty.

1 Timoteo 4:12 ပူးပေါင်းရင်းမြစ်များ

Tito 2:7

oymyaatsowëty, ets najtstunë mijts kë'ëm wi'ix oy tii tuntëtyën. Ko xyaj'ijxpëkëty, tun mëët wa'ats aaw wa'ats jot, ka'ap tii in tsots xyajwinkëxë'ëkëty.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

2 Timoteo 2:15

Tun tu'kë'ëyë mëti'ipë Dios y'oyjya'apën mapaat mmëtä'äkyën, jëtu'un ijxtëm tu'uk yë ja'ayën tëëpë Dios y'ëxajëtyën, ijxtëm tu'uk yë mëtuunpën ka'apë tii tmëët'atyën tii nyatuktsëtyunëp, mëti'ipë ja tëyajtën nyikäjpxyp nyimëtyäkpyën.

1 Pedro 5:3

Këtii miits jëtu'un mnäyajnaxëtëty ijxtëm jeexyë mwintsën'atën, ni'ikyënëm xynyajtstunëtëty ja oypyë ma yë'ëjëtyën.

1 Corintios 11:1

Mëti'ipës të nnajtstunën, yë'ë miits tuntë; ijxtëm ëjtsën yë'ëjës ntuunpy mëti'ipë ja Kristë të tnajtstunën.

1 Tesalonicenses 1:6

Miitsëty jëtu'un ojts winë xytyuntë ijxtëm pyäätyën, ijxtëm ëëts winë të ntuntën ets ijxtëm ja Wintsën të nnajtstunën ets tëë xykyupëktë ja aaw ayuk mëët ja xoontakën mëti'ipë Kënu'kxymyëkajtën yajkën ma ënety m'ëyow mjotëkoytyën.

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Dios wintum.

2 Timoteo 2:7

Winmay wintaj mëti'ipës nnikäjpxypën, ja Wintsën mtukja'akyukëtëp tu'kë'ëyë winë.

Santiago 3:13

Pën jää pën wijypyë kejypyë ma miitsëtyën ëkë ja'akyujkëpë mëtoowkujkëpë, wä'än tyajkwinkëxë'ëky mëët ja y'oyjä'äyajtën, yujy tëtä'äky jyuuky'atëty ijxtëm tii tnijawën.

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

1 Tesalonicenses 2:10

Miits mnija'awëtëp ets Dios näjyëtu'un, ko oy ets mëtëyës winë të ntuntë, ka'ap maa pën të nyajjoot'anpëktës ëkë të nmëtëkoytyës.

1 Timoteo 1:14

Jëtu'un ja Wintsën ja mëjmëyajtën të tuny maas ëjtsën etsës të xymyo'oy ja mëpëjkën, tsojkën ja'awën mëti'ipë nmëët'ajtëmën ko tu'ukyë ja Kristë Jesús të nmëpëjkëmë.

Zacarías 2:4

ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.