1 Timoteo 3:10 - Biblia Dc en Mixe de Quetzaltepec

¹⁰ Jëyëjp mëpaat yaj'ixy yajnijawë pën ka'ap tii tuuntëkoy ets pën ka'ap tii tëko'oyën tmëtëkë, jyëkyejpy yajmo'ojëty ja tuunk ma ja mëpëjkpëtëjkëtyën.

Biblia Mixe de Quetzaltepec

¹⁰ Jëyëjp mëpaat yaj'ixy yajnijawë pën ka'ap tii tuuntëkoy ets pën ka'ap tii tëko'oyën tmëtëkë, jyëkyejpy yajmo'ojëty ja tuunk ma ja mëpëjkpëtëjkëtyën.

1 Timoteo 3:10 ပူးပေါင်းရင်းမြစ်များ

1 Timoteo 5:22

Ka'ap nëkoo ja ja'ay xykyë'ënixajëty pën ka'ap yajxon të xywyinmay të xywyintajy, këtiipë xymyëpokytyëkëty ja wiink ja'ay ja pyoky. Wa'ats mijts mnäyaj'itëtëty.

1 Timoteo 3:13

Jä'ä ko ja mëpëjkpëtëjk mëti'ipë tuunk mëëtëtyën jap tsajptëkoty, wintsë'ëkë mëpaat ja tyuunk tyajtu'uye'eytyë, mëj'äämpy ets wa'ats yajpaaty ma tyuntën, jëtu'un jotkujk yajpaatëty ko të tmëpëktë ja Kristë Jesús.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

1 Timoteo 3:6

Paaty ka'ap mëpaat yë'ë kyutuunk'aty ja ja'ay mëti'ipë naamnëm Dios mëpëjkpën; këtiipë nyämyëjpëjkta'akëtëty ets kya'ajëty ëxëëktum ijxtëm jyäjtyën ja mëjku'u.

1 Timoteo 3:2

Paaty, jëtu'unpë ja ja'ay ka'ap tjëkyëpy wi'ix yaj'ojëty. Tu'ukyë mëpaat ja tyo'oxytyëjk tmëëttsëënë ets mëtëy jyuuky'atëty; niwijy ets mëët. Yajja'ajta'akëp ja jëpyaat jëpyo'kxy ma tyëjkën; ets jyatëp wi'ix yaj'ixpëkëtyën;

1 Corintios 1:8

Dios miits myaj'itëtëp tu'ukyë koonëm tpaatëty ja tiempo, ets këtiipë ënety mpokymyëët'atë ko wyimpitëty yë Wintsën Jesukristë.

Colosenses 1:22

E tëë ja Dios tpëjktä'äky ja näykyajpx'oyë mëët miitsëty ko Kristë të myajjootwinpitëtë ets ko ja Kristë wyimpijty ja'ayën ets ojts mku'ookëtë kruutskëjxm. Paaty jëtu'un të tuny ets miits wa'ats myaj'ita'anëtë Dios wyintum, ka'ap tii poky xy'ëkmëët'ajnëtëty ets ka'ap m'ëk yajpoky'ijxnëtëty.