1 Timoteo 2:6 - Biblia Dc en Mixe de Quetzaltepec

⁶ Jesukristë tëë tku'ookë ja ja'ay ni'ëmukë ets ja nitsokën tpaatëty mëti'ipë yë'ë yajnikëxë'kën jëna'a ënety ja nyixëëw të tpaatyën.

Biblia Mixe de Quetzaltepec

⁶ Jesukristë tëë tku'ookë ja ja'ay ni'ëmukë ets ja nitsokën tpaatëty mëti'ipë yë'ë yajnikëxë'kën jëna'a ënäty ja nyixëëw të tpaatyën.

1 Timoteo 2:6 ပူးပေါင်းရင်းမြစ်များ

Job 33:24

wä'än pya'ëyoyë ets wä'än Dios t'ënëëmë: Yajpëtsëm o'këntujp, jä'ä ko tëëjës npatë mëti'ipë yajpëtsëmëtëpën ëyo'ontum,

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Mateo 20:28

Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Marcos 1:15

ets y'ënäny: Tëë ja xëëw jëmëjt tpaaty, wiinkoonp ja Dios ja kyutujkën. Jootwinpitë ma Tiosën ets ëxajëtë mëët ja mëpëjkën ja oy aaw oy ayuk.

Marcos 10:45

Jä'ä ko ka'ap yë'ëjëty ëjts të niminy etsës nyajmëtunëty, yë'ëjës të niminy etsës ja ja'ay nmëtunëty ets nkëpätëtyës may ja ja'ay ja pyoky ko ni'o'ktu'utëtyës, jëtu'unts may nyitso'oktëty.

Juan 10:15

Ëjts jëtu'un oypyë kupixyny këwent'ajtpë. Jëtu'un ijxtëmës ja Dios Teety xy'ixy'ätyën nän jëtu'unës ëjts yë'ë n'ixy'äty. Nku'o'këpës ja nkupixyny.

Juan 6:51

Ëjts ja tsajpkääky mëti'ipë juukyajtën yäjkpyën ets tsajpjotmëpë të tsyoonyën, ko pën ya'atë tsajpkääky tkay, xëmëkyëjxm jyuuky'ata'any. Ja tsajpkääky mëti'ipës nyakäämpyën, ni'kx nkopkës ntijpy, mëti'ipës nyakäämpyën ets ja naaxwiinyëtë ja'ay tmëët'atëty ja juukyajtën xëmëkyëjxmëpë.

Romanos 16:26

je'eyëp ko tëë tyam yajnijawë ko ja y'aaw y'ayuk të tukjaaywyi'imy ja kyäjpxynyajxpëtëjk ijxtëm tni'ënä'ämën ja xëmëkyëjxmëpë Dios ets ja naaxwiinyëtë ja'ay ni'ëmukë yajtuknijawëtëty jëtu'un tmëpëktëty ets tmëmëtowtëty.

Romanos 5:6

Ko ënety ëëts'ajtëmë ka'ap tjëkyepy ëwaatsëtuuy nyajpatmëty, ënät ja Kristë myiiny ets ja pokyjyä'äy tni'o'ktuty.

1 Corintios 1:6

Jä'ä ko tëë yajxon ja Jesukristë ja y'aaw y'ayuk xymyëpëjkëtë.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Gálatas 1:4

Mëti'ipë të tku'ookën ja npoky'ajtëmë, ijxtëm ja Dios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

Gálatas 4:4

E ko ja tiempo ojts tpaaty, tääts ja Dios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

Efesios 1:17

N'amëtoopyës ja Dios ja myëj'ajt jyääntyajtën mëët ja Wintsën Jesukristë ets mmo'ojëtëty ja Kënu'kxymyëkajtën mëti'ipë yäjkpyën ja wijyajtën kejyajtën, ets yajxon xynyijawëtëty ja mëti'ipë Tios'ajtpën.

Efesios 1:7

Mëët yë'ë ko xytsyojkëmë tëë ja Dios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Efesios 3:5

Ni pën ijty tëëyëp tkanijawë, je'eyëp ko tyam tëë ja Dios mëët ja kyënu'kxymyëk'ajtën tuk'ixy tuknijawë ja wa'atspë y'ijxpëjkpëtëjk ets ja kyäjpxynyajxpëtëjk.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

2 Tesalonicenses 1:10

Jëtu'un jyata'any jä'ä xëëw ko ënety ja Wintsën myiny, ko jyä'äy myëjjaw jyääntyjawëtëty ets tyukxoonta'akëtëty ni'ëmukë. Jam miits näjyëtu'un myajpaatëty, jä'ä ko tëë xymyëpëktë mëti'ipës të nkäjpxy të nmëtya'aktën.

1 Timoteo 6:15

Jëtu'un jyatëty ko ja xëëw jëmëjt tpaatëty mëti'ipë ja Dios të tuknipëjktaakën. Kënu'kxy yë'ë, yë'ë tu'ukyë yajkutujkp, ma ja yajkutujkpëtëjkën ets mëti'ipë nyiwintsën'ajtypyën ja wintsëntëjk.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

Tito 1:3

ets tyam, ko tiempo të tpatnë, tëë xytyuknija'awëmë ja y'aaw y'ayuk mëti'ipës nkajpxwä'kxypyën, mëti'ipës ja Dios yajnitsokpë ojts xytyuk'ëne'emyën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hebreos 9:12

ka'ap yë'ëjëty tsajppax ne'pyny ets tsajpkaa ne'pyny të tmëtëkë ma ja itën wäänë wa'atspën, kyë'ëm ne'pyny tu'ktëkokyë je'eyë të tmëtëkë ets të xyajnitsokëm xëmëkyëjxm.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

1 Juan 4:10

Jëtu'un'äämpy ja Dios të xytsyojkëmë: ka'ap ëëtsajtëm jëwyiin të ntsojkëmë, yë'ë jëwyiin të xytsyojkëmë ets ja y'u'unk të xytyuknikäjxëmë ets të xykyu'o'këmë tääts të nyajpokymyä'kxëmë.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.