1 Timoteo 2:5 - Biblia Dc en Mixe de Quetzaltepec

⁵ Jä'ä ko tu'ukyë je'eyë Dios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

Biblia Mixe de Quetzaltepec

⁵ Jä'ä ko tu'ukyë je'eyë Tios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

1 Timoteo 2:5 ပူးပေါင်းရင်းမြစ်များ

Gálatas 3:20

E ko ja Dios ja wyaantakën ojts tyajwë'ëmy mëët ja Abraham, kë'ëm twaantäky, ka'ap ojts pën ëpëky tkajpxnaxy.

1 Corintios 8:6

Mëët ëëts'ajtëmë, tu'ukyë je'eyë ja Dios, ja Dios Teety yë'ë winë të tyajtso'ontakta'ay ets yë'ë ëëts nnijuuky'ajtëmë. Näy tu'ukyë ja Wintsën Jesukristë, paaty tu'kë'ëyë winë jää yajpata'ay näjyëtu'un ëëts'ajtëmë.

Hebreos 9:15

Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Deuteronomio 6:4

Mëtoow'it, ënät tyam mijts Israel ja'ayëty: Yë nWintsën'ajtëm Dios tu'ukyë je'eyë Wyintsën'aty.

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Isaías 44:6

Yë Wintsën mëti'ipë yajtsokën yë Israel kajpn, yë Wintsën mëti'ipë maaytyääyëpën winë, jëtu'un y'ënä'äny: Ëjts jëtu'un tso'ontak ets ëjts jëjpkëjxp; ka'ap maa wiinkpë jëtu'unpë tä ëjtsën.

Romanos 10:12

Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Hebreos 8:6

E ja nteety'ajtëmë mëti'ipë nyikopk'ajtypyën ja teetytyëjkëty, mëti'ipë të t'ëxajën ja tuunk ets tyeety'atëty mëj'äämpy, yë'ë kyutënääpy ja jempyë ja käjpxytyu'unën ja ni'ik oypyë, ets ja waantakën wäänë oypyë.

Efesios 4:6

tu'ukyë ja Dios mëti'ipë ni'ëmukë nteety'ajtëmën, mëti'ipë kyë'ë'am'ajtääpyën winë, mëti'ipë winë yajjuuky'ajtääpyën, ets winë ttuny ijxtëm yajtuk'oy'atëtyën ets yajpatp oy tyimmaajëty.

1 Corintios 8:4

Mëëtpë ja winma'any ko ja kääky uuky yajjë'kxy mëti'ipë ënety të yajtukwintsë'ëkën ja awinax, ëëtsajtëm wa'ats nnija'awëmë ko ya'atë awinax ka'ap tii mëk'ajtën tmëëtëty yaa naaxwiiny ets nija'awëm ko tu'ukyë ja Dios je'eyë.

Job 9:33

Oy ko jeexyë jyää'aty tu'uk yajkutujkpë ma Dios mëët yë naaxwiinyëtë ja'ay nyäwyintänëtëty,

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Apocalipsis 1:13

Jamts itkujkm n'ijxyës tyänë ijxtëm ja naaxwiinyëtë ja'ay ja y'u'unkën. Tyeky ix'ampaat ja wyit tyiiykyëtä'äky ets tkatsywyëën'aty tu'uk ja pu'ts pujxn wëën.

Mateo 1:1

Yaa myiny kuja'ay ja Jesukristë y'aptëjk, Abraham y'u'unk y'ok ets David y'u'unk y'ok.

Hechos 4:12

Ka'ap maa wiinkpë yajnitsokpë, ka'ap maa naaxwiinyëtë apëtsëmy ja ja'ay mëti'ipë ja Dios të xymyo'oyëmën ets xyajnitsokmëty.

Romanos 1:3

Ma tnimëtyä'äkyën ja Dios ja y'u'unk, Wintsën Jesukristë, mëti'ipë mëxu'unk'ajtën jëtu'un tä oy pën ja'ayën; yë'ë ja David ja y'u'unk y'ok;

1 Timoteo 6:13

Ja Dios, mëti'ipë myoopyën ja juukyajtën oy tyimtiijëty jam Jesukristë wyintum, mëti'ipë ojts näjyëtu'un nikäjpxyën jam ma ja Poncio Pilato, mijts yam ntuknipëjkpy

1 Juan 2:1

Miitsëty, u'unk maayëty, ya'atë yam ntuknija'ayëtëp këtiipë mpokytyuntëty. E pën jää pën pyokytyuny, nmëët'ajtëm ja nikajpxtutpë Dios wintum, Jesukristë, mëti'ipë ka'ap tii poky tmëëtëtyën.

Lucas 14:22

Ko ja tuunpë wyimpijty ets ja wyintsën t'ënëmaay: Wintsën, tëëjës ntuny ijxtëmës mijts të xytyuk'ëne'emyën, je'eyëp ko tapnëm ja u'unyääypyäjn ëwaatsëpë.