1 Timoteo 2:4 - Biblia Dc en Mixe de Quetzaltepec

⁴ yë Dios tsyojkpy ets ni'ëmukë ja'ay nyitsokta'atëty ets nijawëtëty ja tëyajtën.

Biblia Mixe de Quetzaltepec

⁴ yë Tios tsyojkpy ets ni'ëmukë ja'ay nyitsokta'atëty ets nijawëtëty ja tëyajtën.

1 Timoteo 2:4 ပူးပေါင်းရင်းမြစ်များ

Isaías 45:22

Naax kajpnëty jëkämpaatpë yajpaatën, nimiintëkës ets nyajtso'oktëty, jä'ä ko ëjts jëtu'un Tios'ajtp nätyu'uk, ka'ap maa wiinkpë.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 55:1

Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Ezequiel 18:23

Ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets tyajtëkatsëty yë jyuukyajtën ets jyuuky'atëty. Ëjts Wintsën, ëjts ënaanp.

Ezequiel 18:32

Ixmatstë yë ëxëëk juukyajtën ets mjuuky'atëty. Ëjts Wintsën, ëjts ënaanp.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Habacuc 2:14

Ets nëjkx ja naaxwiinyëtë tyuktujkta'ay mëët ja Wintsën ja myëj'ajt y'oyajtën, jëtu'un tä yë mëjnëë kyomyën.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Dios yë xyëëw, Dios U'unk ets mëët yë Kënu'kxymyëkajtën yë xyëëw,

Marcos 16:15

Ets yaj'ënëmaaytyë: Nëjkxtë naaxwiinyëtë apëtsëmy ets ja oy aaw oy ayuk xykyajpxwa'kxtëty.

Lucas 1:77

jëtu'unts ja ja'ay nijawëtëty ja nitsokën ets ja pyoky yajnimä'kxtëty.

Lucas 14:23

Tääts ja wintsën ja tyuunpë t'ënëmaay: Nëjkx mjëtity kajpnpa'a kajpn nux ets xywyoowminëty yë ja'ay atsip koonëmës yë ntëjk y'utsëty.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Juan 17:17

Kënu'kx mëët ja tëyajtën ets mijts xytyuk'oy'atëty; jä'ä ko yë m'aaw m'ayuk tëy'ajtën'ajtën yë'ë.

Juan 6:37

Tu'kë'ëyë mëti'ipës ja nteety të xymye'eyën, ëjts xynyimiinp; ets pën xynyimiinpës, nijëna'ajës nka'ixkäxëty.

Romanos 11:14

Njatsojkpyës ets jeexyë ja jutiis ja'ayëty wiink tjawëtë ko miits ja Dios të xymyëpëktë, jëtu'un tjëkyäpëty wi'ix tpaatëty ja nitsokën.

1 Timoteo 4:10

Paaty ëëts ntuntë mëk, jä'ä ko yë Dios ntuk'ijxpätës juukpyë, mëti'ipë ni'ëmukë ja'ay yajnitsokpyën, yë'ë ni'ik mëti'ipë mëpëjktëpën.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Dios niwinpittëty ets nijawëtëty ja tëyajtën.

2 Timoteo 3:7

xëmë yaj'ixtë y'ijxpëktë, je'eyëp ko ka'ap tja'akyukëtë wi'ix ja Dios ja tyiyajtën jya'ëna'anyën.

Tito 1:1

Ja nyoky ja Pablo, Dios mëtuunpë ets Jesukristë y'ayuk kajpxwa'kxpë, mëti'ipë të yajkexyën ma ja ja'ayëtyën tëëpë ja Dios wyin'ixëtën ets tpaatëty ja mëpëjkën ets nijawëtëty ja tëyajtën mëti'ipë yajpatpën ma n'ijxpëjkëmën,

Tito 2:11

Dios të xytyuk'ijxëm ja myëyajtën, ko tmooy ja nitsokën ni'ëmukë ja naaxwiinyëtë ja'ay.

Hebreos 10:26

Pën nnija'awëm ëëtsajtëm ja mëtëypyë ets npokytyu'un'ëtëtsëm, ka'ap ma tiinë ja wintsë'kën mëti'ipë poky yajwa'atsëpën,

Santiago 3:14

E pën miitsëty je'eyë mnämyëtsip'atëtë, mnäyajjoot'anpëkëtë ets tsipkyëjxm winë xytyuntë; ko jëtu'un m'ëtë'ëtstëty tii mjanätyukmëjjawëtëp, ja tëyajtën ënety mkawinkutsëkëtyëp.

2 Pedro 3:9

Ka'ap n'ëna'anmëty ko Dios poxp ko tkuuytyuna'any ja tëëpë twaantä'äkyën, jëtu'un ijxtëm pënëty myäytyë tyajtën; jä'ä tëy mä'kxtujkp jëtu'un, yë'ë jyatuumpy ets jeexyë ni'ëmukë ja'ay jyotwinpijta'ay këtiipë pën y'ëyo'onpaatëty.

2 Juan 1:1

Ja mëjja'ay Juan, tyajnaxy ja kajpxpo'kxën ma ja mëpëjkpëtëjkëtyën mëti'ipë ja Dios të wyin'ixëtën. Mëjwiin këjää miits ntsoktë njawëtë ets näjyëtu'un ni'ëmukë mëti'ipë të tnijawëtën ja tëyajtën,

Apocalipsis 14:6

Ënet ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.