1 Timoteo 2:2 - Biblia Dc en Mixe de Quetzaltepec

² Yajninu'kxta'aktëty ja yajkutujkpëtëjk ets kutuunktëjk; jëtu'un jotkujk n'ijtmëty njuuky'ajtmëty, mëët ja pa'ëyo'owën ets oy tsuj njuuky'ajtmëty.

Biblia Mixe de Quetzaltepec

² Yajninu'kxta'aktëty ja yajkutujkpëtëjk ets kutuunktëjk; jëtu'un jotkujk n'ijtmëty njuuky'ajtmëty, mëët ja pa'ëyo'owën ets oy tsuj njuuky'ajtmëty.

1 Timoteo 2:2 ပူးပေါင်းရင်းမြစ်များ

2 Samuel 20:19

Ëëts yë nkajpnëty, oy jotkujk yë mëët nyäyaj'ityë oymyëti'ipë kajpnëty, ka'ap ni pën mëët tsyiptuny ma Israel kajpn yajpaatyën ets ya'atë kajpn mëj'äämpy näjyëtu'un y'ity. Je'eyëp ko tyam jëtu'un yowë yaj'ixy ko mijts xyajkutëkoyä'äny. ¿Wi'ix ko jëtu'unpë winma'any xypyääty ets xyajkutëkoyaanpë mëti'ipë kë'ëm yë Wintsën të tyajnaaxkëtä'äkyën?

Esdras 6:10

ets tmo'otëty ja Wintsën tsajpjotmëpë ja wyintsë'kën oypyë tsujpë ets t'amëtowtëty ja Wintsën oyajtën mëk'ajtën ma yajkutujkpën ets ma y'u'unk y'ëna'këtyën.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

Salmos 72:1

Mijts Dios, mo'o yë myajkutujkpë ja winma'any ets tii mëtëy tnipaye'eyëty ets tëyajtën winë tunëty mëti'ipë mijts mjä'ä'ajtypyën,

Proverbios 24:21

U'unk maay, wiinkutsë'ëkë yë Dios ets yajkutujkpë. Këtii mye'eymyuk mnajxmukëty mëët yë ja'ay mëti'ipë mëtsip'ajtpën;

Jeremias 29:7

Tuntë, wä'än yë naax kajpn t'oy'ity ma tsumy matsy myajpaatën wiink naax wiink kajpn ets niwaantsow nimëpëjktsowëtë ma ëjtsën, jä'ä ko pën tääpë naax kajpn yajpatp jotkujk, nän jotkujk miitsëty myajpaata'antë.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Lucas 2:25

Jam ënety tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Dios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 24:16

Paatyës jëtu'un ntuny etsës ja Dios oy mëët nyajpaatëty, näjyëtu'un mëët ja naaxwiinyëtë ja'ay.

Romanos 12:18

Maapaat mëta'aktën, itë akujk jotkujk ma ja ja'ayëtyën.

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

1 Tesalonicenses 4:11

Jotmay'atë wi'ix mëpaat akujk jotkujk mjuuky'atën ets tuntë mëti'ipë mpatëtëpën. Tuntë pëktë mëët ja mkë'ëjëty, ijxtëm të n'ënä'ämtën.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.