1 Timoteo 2:10 - Biblia Dc en Mixe de Quetzaltepec

¹⁰ Yë'ë mëpaat oy nyätyukyajkëxë'ëkëtë ja oypyë tuunk, ijxtëm pyaat'atëtën ja to'oxytyëjkëty mëti'ipë yajmëjnajxtëpën ja Dios.

Biblia Mixe de Quetzaltepec

¹⁰ Yë'ë mëpaat oy nyätyukyajkëxë'ëkëtë ja oypyë tuunk, ijxtëm pyaat'atëtën ja to'oxytyëjkëty mëti'ipë yajmëjnajxtëpën ja Tios.

1 Timoteo 2:10 ပူးပေါင်းရင်းမြစ်များ

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

Apocalipsis 2:19

Nija'apës tu'kë'ëyë winë mëti'ipë mtuumpyën, nija'apës yë mmëpëjkën, yë mtuunk ets ko m'ity tu'ukyë ma ëjtsën ets ko tyam wäänëni'ik winë oy xytyuny këtiinëm ijty tëëyëp.

Hechos 9:36

Jam ma ja Jope kajpnën, jam ijty tu'uk ja to'oxytyëjk mëpëjkpë tsyëënë, Tabita''ajtp. Dorcas yajtijy griego ayuk. Ya'atë to'oxytyëjk xëmë ijty tuny mëti'ipë oy ets pyutëjkëp ja ëyoopëja'ay.

Proverbios 31:31

Mëjpëjkta'aktë jëtu'unpë ja to'oxytyëjk ma ja naax kajpnën. Tukmëjjawëtë ko winë oy tuny.

2 Pedro 3:11

Ko jëtu'un winë kyutëkooytya'aja'any, miitsëty ni'ikyë mëpaat wa'ats mjuuky'atë ets xywintsë'ëkëtëty ja Dios.

Tito 3:8

Tëyajtën ya'atë, ntsojkpyës ets xynyikajpxëty mëk'äämpy, wä'än ja oypyë tuntë mëti'ipë ja Dios myëpëjktëpën. Oy ya'atë ijxpëjkën tu'unxëtëp ja ja'ay oypyënëty.

Efesios 2:10

Dios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hechos 9:39

Tääts ja Pedro tpatso'ony. Ko jam jyä'äjty ets ojts yajwoownëjkxy ma ja o'kpën. Ënet ja Pedro ja ku'ooktyo'oxy tyukye'eymyujkëtë ets tyuk'ijxëtë ja wit mëti'ipë ënety ja Dorcas të txuyën ko ënety mëët të jyaak juuky'atë.

Proverbios 31:25

Oy mëk xëmë yajpaaty jëtu'un tä pyäätyën ets ka'ap tmëmony tmëtuky ja komjëpompë.

1 Timoteo 2:9

Ntsojkpyës näjyëtu'un ets ja to'oxytyëjk nyäxyoxëtëty wintëy wiinkujk ets nyäy'oytyunëtëty ijxtëm pyaat'atyën; ka'ap nëkooyë ja wyääy kyopk nëkaax tsajpkaaxtëty, nän ka'ap ja tsowëtypë ja kë'ëjiits ëkë ja nantsëm tyajtuntëty.

1 Timoteo 2:11

Wä'än ja to'oxytyëjk näyyaj'itëtë ënä'ämënpa'tkë'ëm, amonyë t'amëtoow'itëty ja kajpxwijën;