1 Timoteo 1:9 - Biblia Dc en Mixe de Quetzaltepec

⁹ Näy nija'awëm ko ka'ap yë'ëjëty ja ënä'ämën të yajtuknipëjktaakëtë mëti'ipë ja oypyë tyuuntëpën. Yë'ë të yajtuknipëjktaakëtë mëti'ipë ëxëëk ja'ay'ajtëpën, mëti'ipë kakäjpxymyëtoowtëpën, mëti'ipë ja Dios kyamëjpëjktaktëpën, mëti'ipë pokyjyä'äyëtyën, mëti'ipë y'ëxëëk'ijxtëpën ja Dios ja jyä'ä, mëti'ipë ka'ap twintsë'ëkëtën ja Dios, mëti'ipë ja tyaak tyeety yaj'o'ktëpën, mëti'ipë yajja'ay'o'ktëpën,

Biblia Mixe de Quetzaltepec

⁹ Näy nija'awëm ko ka'ap yë'ëjëty ja ënä'ämën të yajtuknipëjktaakëtë mëti'ipë ja oypyë tyuuntëpën. Yë'ë të yajtuknipëjktaakëtë mëti'ipë ëxëëk ja'ay'ajtëpën, mëti'ipë kakäjpxymyëtoowtëpën, mëti'ipë ja Tios kyamëjpëjktaktëpën, mëti'ipë pokyjyä'äyëtyën, mëti'ipë y'ëxëëk'ijxtëpën ja Tios ja jyä'ä, mëti'ipë ka'ap twintsë'ëkëtën ja Tios, mëti'ipë ja tyaak tyeety yaj'o'ktëpën, mëti'ipë yajja'ay'o'ktëpën,

1 Timoteo 1:9 ပူးပေါင်းရင်းမြစ်များ

2 Samuel 16:11

Ets tni''ijxwinpijty yë Abisai ets ja tsyiptuunpë wintsën, t'ënëmaay: Pën yë'ëpaatës yë nkë'ëm u'unk xyaj'ooka'any, wi'ixpëm jëtää yë ja'ay ka'apës mpën'atyën tä yë Benjamín y'u'unk y'okën. Wä'än t'ixy pën xypyojkpës, yë Wintsën ënät të tyuk'ëne'emyë.

2 Reyes 19:37

E tu'kxëëw tu'kjëmëjt, jam ënety yajpaaty tsajptëkotm, jä'ä jap y'ëwtajtyp ja Nisroc, mëti'ipë yë'ë wyintsën'ajtëpën, tä jam tyukja'ajtë nimäjtsk ja myaank mëti'ipë xyëëwajtëpën Adramélec ets Sarézer, mëti'ipë yaj'o'kën, ja tuuntëkoopyë ënätyë ojts kyakojnëtë ets jam nyëjkxtë Ararat itjotmën. Ma ja kutujktaknën yë'ë ojts kyutëkëty ja myaank Esarhadón.

2 Crónicas 32:21

Ënet ja Wintsën tkexy ja kyukäjpxy ets tyaj'o'ktaay ja Asiria ja'ayëty ja wyintsëntëjkëty ets ja ja'ayëty mëti'ipë ënety tsip'ixyëtyën ets ja kopktëjkëty mëti'ipë ja myëku'ukëty tyu'uwinye'eytyëpën. Tä ja Senaquerib ojts wyimpijnë wintsëtyu'un jëjptsëtyu'un ma kyajpnën, jam jyäjty ma ja tsajptëjkën ma jap tmëët'atyën ja tyios, ka'apë Tiosëtyën, e wäänë y'ijty tä jäpyë kyë'ëm u'unk yaj'o'kë.

Éxodo 20:13

Këtii myajja'ay'ookëty.

Éxodo 21:14

E pën tëë ënety ja myëku'uk timtyukjoot'anpëjkpë ets paaty të tyaj'ooky, kopkpëky ko xy'ëxtaaytya'akëty oy ënety muum të jyatimnyëjkxnë, ëkë të jyanäyu'tsyënë maas yë nwintsë'këntyaknën, ko xypyaatëty näy timjëtu'un nëjkx xyaj'ooky.

Proverbios 20:20

Mëti'ipë ja'ay pyojkpyën yë tyaak tyeety, kupi'its kukoots y'ooka'any ets atsë'ëk ajawë.

Proverbios 28:17

Yë ja'ay mëti'ipë të yaja'ay'ookyën, xëmë je'eyë kyä'äka'any koonëm y'ookëty. Wä'än tnëjkx, ka'ap pën t'ëtukëty.

Proverbios 28:24

Jëëky mëku'uk nyäxy yë ja'ay ma yajja'ay'o'kpën mëti'ipë ja tyaak tyeety tyoompy mye'tsypyën ets ënät y'ënä'äny ko ka'ap tii poky tuny.

Proverbios 30:11

Tää ja'ay mëti'ipë pyojkpyën yë tyeety, ets tyaak ka'ap oy t'ëkmëkajpxnë.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Jeremias 23:11

Jëtu'un yë Wintsën y'ënä'äny: Yë'ëpaat yë käjpxynyajxpëtëjkëty ets teetytyëjkëty ka'ap të xywyintsë'ëkëtës; maas ntsajptëjkën të ntimkyupaatëtës y'ëtë'ëtstë y'ëna'antë ëxëëkjaty.

Ezequiel 21:25

E mijts, Israel yajkutujkpë, ëxëëk ja'ay ka'oyjyä'äy, miimp wiinkoonp ja nyixëëw ma myajtëytyunëtyën.

Mateo 10:21

Nëjkxëp ja ja'ay ja y'uty ëkë ja y'äjty tkë'ëyäky o'këntum, näjyëtu'un ja teety taak, nëjkxëp ja y'u'unk y'ëna'k tkë'ëyäky ets ja u'unk ëna'k myëtsiptsoonäämpy ja tyeety tyaak ets nëjkxëp tyaj'ooky.

Romanos 1:30

Nyikajpx nyimëtyaktëp ëxëëkjaty ja myëku'ukëty, myëtsip'ajtëp ja Dios, ëxëëk kajpxtëp, mëjjëtëp patëtëp, amëj akëjxm, myëwinma'anypyaat'ëtëtstëp ja ëxëëkpë, ka'ap ja tyaak tyeety tmëmëtowtë,

Romanos 4:13

Dios ojts tukwinwanë ja Abraham ets ja y'u'unk y'ok tukumayä'äny ja naaxwiinyëtë; ka'ap yë'ëkyëjxmëty ko ja ënä'ämën tpatuntëty, yë'ëkyëjxm ets oy ets mëtëy ja paye'eyën jyää'atëty ko myëpëjky.

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Dios ojts ja y'oyjyot y'oywyinma'any kyëjääjë.

Romanos 6:14

Jëtu'unts ja poky ka'ap m'ëk ënä'ämënëtëty, jä'ä ko ka'ap yë'ë ja ënä'ämën xy'ëktukjuuky'ajnëtë, Dios ja y'oyajtën mtukjuuky'ajnëtëp.

Gálatas 3:19

¿E tii wya'anëty ja Moisés ja y'ënä'ämën? Mëti'ipë ok yajmooyën ets nyikëxë'ëkëty ja naaxwiinyëtë ja'ay ja pyokyëty, koonëm myinëty ja u'unk ok mëti'ipë ja Abraham ojts yajtukwinwanën. Kukäjpxy ojts yajtuknipëktë ets nikajpxtëty ja ënä'ämën ets ja Moisés je'eyë ojts tjaaynyäxy.

Gálatas 5:18

Pën mwinma'anymyooyëtëp ja Kënu'kxymyëkajtën, ka'ap miits myajpaata'antë Moisés y'ënä'ämënpa'tkë'ëm.

Gálatas 5:21

tyukmëtsip'ajtëp oytyiijëty ja myëku'uk, uktëp mukëtëp, ajëën akax jyä'äy'atë ets kanaakpëky tii ëxëëk tuntë. Tyam miits jatëkok ntukja'amyätstë ijxtëm të ntuk'ëwaanëtën, pën ya'atë tyuuntëp kyajpxtëp, ka'ap tyëkëja'antë ma ja Dios ja kyutujktaknën.

Gálatas 5:23

yujy tëtä'äky jyä'äy'atë ets ka'ap tyajtuntë ja kyë'ëm winma'anyëty. Nimëti'ipë ënä'ämën ya'atë xykyatukpoky'ajtmëty ko oy tii ntu'unmëty.

Deuteronomio 27:16

Poky yë ja'ay wyë'ëmëty, mëti'ipë ka'ap ja tyeety tyaak tmëj'ixy t'mëjpëjktä'äkyën. Ënet ja ja'ay y'ëtsowtëty: Oy, jëtu'un'atëp.

2 Tesalonicenses 2:8

Ko yajjëpëkëty, jää yajnijawëja'any pën ëxëëk'ajtën'ajtpën, mëti'ipë ja Wintsën Jesús nëjkx pyixtëkoyën ets yajkutëkoyä'änyë ko ënety myiny mëët ja y'ajaj y'atë'kxën.

1 Timoteo 4:7

Këtii xymyëtoowkukëty yë käjpxy mëtyä'äky mëti'ipë ka'ap tsyoowpaatyën. Yë'ë tun ja pa'ëyo'ow najts'ëyo'owën.

1 Timoteo 6:20

Timoteo, këwent'at mëti'ipë të myajktuknipëkyën. Këtii xymyëtoow'itëty ko ja'ay oy wi'ix myëtya'aktëty mëti'ipë ka'ap maa tyunyën, mëti'ipëty ënantëpën ko tnijawëtë ja tëyajtën.

2 Timoteo 2:16

Ka'ap nëkoo ëxëëkjaty mkajpxëty ets mnanëkajpx mnatsajpkajpxëty, jä'ä ko mëti'ipë jëtu'un ëtëtstëpën pokyjotm ni'ikyë nyäyajka'ajëtë

2 Timoteo 3:2

Yi'iyë nëjkx ja'ay tmëmaay tmëët'ajnë yë kyë'ëm juukyajtën, wit meen, mëj këjxm, pyatëp nyaxtëp ja Dios, ka'ap ja tyaak tyeety t'ëktmëmëtoownëtëty; nitii nëjkx tka'ëktukjotkëtaknëtë, ka'ap twintsë'ëkëja'antë ja Dios ja y'ijxpëjkën.

Tito 1:10

Jä'ä ko tää ja'ay jyatëtë mëti'ipë je'eyë käjpxy kyumëtoownajxtëpën, mëti'ipë judá ijxpëjkën winma'any tyuk'ijtëtëpën; mëti'ipë je'eyë tyäty mëtyaktëpën ets wyin'ëëntë.

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Tito 1:6

Yë'ë mtuknipëkëp ja tuunk mëti'ipë oy tsuj juukyajtpën, këtiipë tii yajtuknikajpxëty, mëti'ipë tu'ukyë myëët'ajtypyën ja tyo'oxytyëjk, mëti'ipë y'u'unk y'ëna'k mëpëjktëpën, ka'ap kyäjpxykyumëtoownaxtën, myëmëtowtëp ja tyaak tyeety ets këtiipë tii yajtukni'ojëtëty.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Hebreos 11:31

Ets ko myëpëjky ja ku'into'oxy Rahab ka'ap ojts y'ooky mëët mëti'ipë ja Dios kyamëmëtoowtëpën, jä'ä ko tëë ënety oy tsuj tyajjajtä'äky mëti'ipë ja Israel ja'ay kyäjxtën ijxpë tuunpë.

Hebreos 12:16

Exkëm miits nitu'uk mjot mnini'kx xytyo'knëtë, këtii xypyäxtëty ja Dios ja myëj'ajtën, ijxtëm ja Esaú y'ëtitsyën ko ja kyä'äxkopk'ajtën ojts tukwinkupëky ja tojkx mëti'ipë je'eyë tu'k'ok tyojkxën.

1 Pedro 2:7

Jä'ä ko miitsëty, jënu'un xymyëpëktën ja Kristë, tääpë tsaa ni'ik yë tsyowpaaty; e mëti'ipës ka'ap tmëpëktën, yë'ë pyatuuntëp ko ja Dios ja y'aaw y'ayuk këxja'aypyë y'ënä'äny: Ja tsaa mëti'ipë ja pojtspëtëjk y'ixka'tstën, yë'ë të y'awinpity tsaakopk.

1 Pedro 3:20

Yë'ë ojts ka'ap kyäjpxyjyä'äykyujktëtën ko ja Noé ojts tjanikäjpxy ko ja Dios yë'ë tsyojkpy ets jyotwinpitëty, tyam ënety ja Noé t'oytyuny ja mëj kepy nëëwinye'epyë, ma ojts je'eyë nituktujk tsyo'oktën, mëti'ipë ka'ap wi'ix jyajtën mëët ja komtuu.

1 Pedro 4:18

Pën tsip yë oyjyä'äy nyäyajtso'okyë, ¿wi'ixpëm jëtää ja pokyjä'äytyëjk ets ja ëxëëkja'aytyëjk?

Judas 1:15

ets tpaye'eyä'äny ja naaxwiinyëtë ja'ay, tëytyuna'any ja ëxëëkja'aytyëjk mëti'ipë të tyuuntëkoytyën ko të twinkajpxpätë ja Dios.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.