1 Timoteo 1:8 - Biblia Dc en Mixe de Quetzaltepec

⁸ Nnija'awëm ko ja Dios ja y'ënä'ämën oy yë'ë, ko yajpatuny ijxtëm pyaat'atyën.

Biblia Mixe de Quetzaltepec

⁸ Nnija'awëm ko ja Tios ja y'ënä'ämën oy yë'ë, ko yajpatuny ijxtëm pyaat'atyën.

1 Timoteo 1:8 ပူးပေါင်းရင်းမြစ်များ

Nehemías 9:13

Ko jam jyajtë ma ja tun kopk txëëwatyën Sinaí, jam xynyijënäjky ets mëët mkäjpxy mmëtyäky; ojts xymyo'oy ja aaw ayuk oypyë ets ja ijxpëjkën mëtëypyë ets ja ënä'äm ja kuttujkën mëti'ipë jaantyëtypë.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Dios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Romanos 7:16

E pën jä'äs ntuunpy mëti'ipës ka'ap njatuna'anyën, nkupëjkpyës ko oy ja ënä'ämën.

Romanos 7:18

Nija'apës koos, maas të ntukmin të ntukja'tën ja ëxëëkpë, ka'ap ja oypyë yajpaaty; paaty ja ëxëëkpë yë'ë ntunyës oy ja oypyë njatuna'anyës.

Romanos 7:22

Jap njootjoty nwinma'anyjyotyës njatsojkpyës ja Dios ja y'ënä'ämën;

Gálatas 3:21

Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Dios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Dios wintum ko tpatuny ja Moisés ja y'ënä'ämën.

2 Timoteo 2:5

Näyjyëtu'un ja ëyë'kpë, mëti'ipë ka'ap oy y'ëyi'ikyën ets ka'ap tpatuny ja ënä'ämën, ka'ap tjëkyepy t'ëxajëty ja kuma'ayën.