1 Timoteo 1:5 - Biblia Dc en Mixe de Quetzaltepec

⁵ Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

Biblia Mixe de Quetzaltepec

⁵ Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

1 Timoteo 1:5 ပူးပေါင်းရင်းမြစ်များ

Salmos 24:4

Yë'ë mëti'ipë wa'ats yë jyot wyinma'anyën ets wa'ats ja kyë'ë y'aaw, ka'apë tmëëtëtyën ja nëë poky. Mëti'ipë ka'ap t'ëwtatyën tsaa ets kepy, oynatii, ets ka'ap nëkoo Dios tukajpxpety ko tii tyajtëytyëkëja'any.

Salmos 51:10

Wintsën, pëjkta'ak ma ëjtsën tu'uk jot winma'any wa'atspë ets mooykyës yë jot winma'any oypyë ets mëtëypyë.

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Sofonías 3:7

Ënet të nmay të ntajyës: Ko ënät yë Jerusalén tsyë'ëkëty ets ënät tkupëkëty yë pyoky ets y'oyëty; jëtu'un ka'ap kyutëkoyëty yë jyëën tyëjk ko ënety të ntukumëtoyës ja pyoky. E yë'ëjëty poj'am winë të tuuntëkoytyë.

Mateo 12:35

Ja oyjyä'äy, oy ja kyäjpxy myëtyä'äky, jä'äkyëjxm ko oy ja jyot wyinma'any; e ja ëxëëk ja'ay, ëxëëk ja kyäjpxy myëtyä'äky, jä'äkyëjxm ko ëxëëk ja jyot wyinma'any.

Mateo 5:8

Jotkujk yë ja'ay yajpaatë mëti'ipë wa'ats yë y'aaw jyot myëët'ajtëpën, jä'ä ko yë'ë y'ixantëp yë Dios.

Hechos 15:9

Dios y'aak oyjya'ap yë ja'ay, wä'än tpënëty, jä'äkyëjxm ko tëë ja pyoky yajknimä'kxtë ko të myëpëktë.

Hechos 23:1

Tääts ja Pablo twin'ijxpejty ja mëjja'aytyëjk ets t'ënëmaay: Mëku'uktëjkëty, ëjts nija'apës ko oyës ja njot nwinma'any nmëëtëty Dios wintum.

Hechos 24:16

Paatyës jëtu'un ntuny etsës ja Dios oy mëët nyajpaatëty, näjyëtu'un mëët ja naaxwiinyëtë ja'ay.

Romanos 10:4

Jä'ä ko ja ënä'ämën tëë kyixy nyäxy, ko ja Kristë myiiny ets ja Dios kyupëkëtëty mëti'ipë mëpëjktëpën.

Romanos 12:9

Nätsyokëtë nixim niyam winë aaw winëjot. Ixmatstë mëti'ipë ka'ap y'oyëtyën ets tuntë mëti'ipë oyën.

Romanos 14:15

E näjyëtu'un ënät, pën yë mmëku'uk wyiink'ijxyp ko tii xyjyi'kxy, ma jëtu'un winë xytyunyën ka'ap ënety y'ëknätsyokë'ajnë. Ka'ap mëpaat yë'ë tyajtëkoy ja mmëku'uk ja myëpëjkën ma ja Kristën ko tii xyjyë'kxëty xypyëkëty.

Romanos 9:1

Tëy jaantyës n'ëna'any, ka'apës n'antä'äky. Ja njot nwinma'anyës Kënu'kxymyëkajtën tu'uwinwoowëp mëti'ipës xytyuknija'apën ko ya'atë tyiyëty.

1 Corintios 13:1

Oyës njakäjpxy ja ayuk mëti'ipë ja naaxwiinyëtë ja'ay kyajpxtëpën, ëkë oyës njakäjpxy ja ayuk mëti'ipë ja tsajpjotmëtë kukäjpxy kyajpxtëpën, pën ka'apës ja njëëky nmëku'uk ntsoky njawë, jëtu'un tpaaty ijxtëm pujxn ja'ay twinwopyën ëkë ijxtëm pujxntexy je'eyë nëkoo nye'emyën.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Deuteronomio 10:12

E tyam miitsëty Israel ja'ayëty. ¿Tii ja Dios m'amëtoowëtëp? Dios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

1 Timoteo 1:18

Timoteo, u'unk maay; mijts yam ntuknipëjkpy ets ja tsip xy'atänëty mëët ja mëpëjkën ets ja jot winma'any, jëtu'un ijxtëm ojts ja käjpxynyajxpëtëjk mnimëtyä'äkyën. Jënaakën, mëti'ipë ojts ka'ap tja'akyukën ja jyot wyinma'any, tëë nyäyajtu'utëkoyëtë.

1 Timoteo 3:9

Ja tëyajtën tyuk'o'kpätëp mëti'ipë të nnija'awëmën ko të nmëpëjkëmë ets wa'ats tmëët'atëty ja jot winma'any.

2 Timoteo 1:3

Xëëny kootsës yë Dios nmëkäjpxy ko mijts nja'amyetsy, etsës nkukajpxë ja Dios, mëti'ipës nmëtuumpyën wa'ats wiin wa'ats jot, näjyëtu'un ijxtëm tmëtuuntën ja n'aptëjkës.

2 Timoteo 1:5

Jä'ä ko nja'amyejtsypës wi'ix mijts ja mëpëjkën xymyëët'atyën. Ja mëpëjkën mëti'ipë ja mtaak mëjja'ay Loida myëët'ajtën ets ja mtaak Eunice, ets nija'apës ko mijts nän yë'ë jëtu'unpë ja mëpëjkën mëët'ajtyp.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

Tito 1:15

Pën myëët'ajtëp ja jyot wyinma'any wa'ats, aak wa'ats winë t'ixtë; e mëti'ipë ka'ap ja jyot wyinma'any y'oyëtyën ets ka'ap tmëpëktën ja Dios ka'ap tii wa'ats t'ixtë. Jä'ä ko ëxëëk ja jyot wyinma'any tmëët'atë.

Hebreos 10:22

Tsojk nmëwinko'onëm ja Dios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Hebreos 13:18

Kunu'kxtaktëkës, ëëts nija'awëtëp ko oyëx winë të ntuntë ets oyës winë ntuna'antë.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënety të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Santiago 4:8

Mëwinkontë ja Dios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Dios mtsojktëpën, nänyajwa'atsëtë.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

1 Pedro 3:21

Ya'atë nëë, jëtu'un ja nyäxy ijxtëm ja nëëpäjtënën, mëti'ipë ëëtsajtëm tyam ntuk'oy'ajtëmën. Ka'ap yë'ëjëty ja nëëpäjtën mëti'ipë ja ni'kx kopk yajwatsypyën, yë'ë mëti'ipë ja jot winma'any wa'ats yaj'itëpën Dios wyintum, jëtu'unts ja nitsokën npatmëty ko ja Jesukristë jyuukpyijky ma ënety të y'ookyën,

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

2 Pedro 1:7

ets ko m'itë ijxtëm ja Dios tsokyën, ënät xytsyoktëty ja mëku'uktëjkëty; ets ko ënety xytsyoktë ja mëku'uktëjkëty, ënät näjyëtu'un xytsyoktëty ni'ëmukë ja ja'ay.

1 Juan 3:10

Nikëxë'kp ja ja'ay mëti'ipë ja Dios u'unk'ajtëpën ets mëti'ipë ja mëjku'u u'unk'ajtëpën. Pën ja oypyë kyatuumpyën ëkë ka'ap ja myëku'uk ttsoky tjawë, ka'ap ja Dios y'u'unk'atyë.

1 Juan 3:23

Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.

1 Juan 3:3

Pën yë'ë y'a'ijxyp jyëjp'ijxyp, wa'ats nyäyaj'ityë, jëtu'un ijxtëm ja Jesukristë wya'atsëtyën.