1 Timoteo 1:20 - Biblia Dc en Mixe de Quetzaltepec

²⁰ Jëtu'un jyajtë ja Himeneo ets ja Alejandro, mëti'ipës të ntukë'ëtëkëtën ja mëjku'u ets tyukwij tyukäjëtëty ets ka'ap ja Dios tnäkymyëkajpxtëkoytyëty.

Biblia Mixe de Quetzaltepec

²⁰ Jëtu'un jyajtë ja Himeneo ets ja Alejandro, mëti'ipës të ntukë'ëtëkëtën ja mëjku'u ets tyukwij tyukäjëtëty ets ka'ap ja Tios tnäkymyëkajpxtëkoytyëty.

1 Timoteo 1:20 ပူးပေါင်းရင်းမြစ်များ

Mateo 18:17

Ets pën ka'ap näjyëtu'un yajmëjpëjkta'aktë, ënëëmë ja mëpëjkpëtëjk ma ye'eymyuktën. E pën kajts näjyëtu'un yajmëjpëjkta'aktë, jëtu'un tääpë ja'ay nëjkx xyajnajxnëtë tä mëti'ipë ka'ap myëpëkyën, ëkë ijxtëm ja yajkukëpäjtpëtyën mëti'ipë Roma myëtuuntëpën.

Hechos 13:45

Ko ja jutiis ja'ay t'ijxtë ko nimay ja ja'ayëty, tääts ja Pablo ojts yajtuk'ëxëëk'ixy, ets ojts twinkajpxpätë, y'ënantë ko nëkoo je'eyë wyin'ëëntë.

Hechos 19:33

E tam ja ja'ayëty mëti'ipë ojts tukmëmëtya'aktën ja Alejandro, mëti'ipë ja Jutiis ja'ayëty nyajtstijëtën jap mayjä'äyjoty ets kyajpxëty. Tääts ja Alejandro ja kyë'ë txajë'ky ko kyajpxa'any ets ja ja'ay y'amontëty, jä'ä ja jutiis ja'ayëty nyikajpxtu'utäämpy.

1 Corintios 11:32

Ko ja Dios xytyiytyu'unëmë, oy yë'ë, ets nja'akyujkëmëty këtiipë npatmëty ja tëytyu'unën mëët ja ja'ayëty mëti'ipë yajtuuntëpën ja naaxwiinyëtë winma'any.

2 Corintios 10:6

ets jëjp'ixyës nyajpaatë ets tkumëtowtëty mëti'ipë käjpxy kyumëtoownajxtëpën, ko ënety miitsëty mëtëy winë xytyuntë.

2 Corintios 13:10

Jëtu'unts miits tyam nnijäyëtë naamka'anëmës nnëjkxy ma miitsëtyën ets këtiipë nëkoo mëk xyjyawëtëty ja kuttujkën mëti'ipës ja Wintsën të xymye'eyën. Ka'ap yë'ëjëty ets nyajkutëkoytyëty; yë'ë ets miits mwinpätëty mëpëjkënkyëjxm.

2 Tesalonicenses 3:15

Je'eyëp ko këtii xymyëtsiptsoontëty, ni'ikyë në'ëmo'o tu'umo'otë ijxtëm tu'uk ja mëkä'äxën.

1 Timoteo 5:15

Jä'ä ko tëë jënaakën ja ku'ooky tyo'oxytyëjk t'ëxmajtsnëtë ja Dios ets ja mëjku'u të tpanëjkxtë.

2 Timoteo 2:14

Tukja'amyäts ya'atë ja mëpëjkpëtëjkëty, tuknipëk Dios wyintuuy ko ka'ap je'eyë nye'ojëtëty. Ka'ap jëtu'unpë tyuny. Yë näy'ojë je'eyë nëkoo y'ëxëëktuny ma ja ja'ayëtyën mëti'ipë myëtoowtëpën.

2 Timoteo 2:17

ets ja y'ijxpëjkënëty jëtu'un ye'eywyä'kxy ijxtëm pu'uts myëjwiinën. Jëtu'un jyatë ja Himeneo ets ja Fileto,

2 Timoteo 3:2

Yi'iyë nëjkx ja'ay tmëmaay tmëët'ajnë yë kyë'ëm juukyajtën, wit meen, mëj këjxm, pyatëp nyaxtëp ja Dios, ka'ap ja tyaak tyeety t'ëktmëmëtoownëtëty; nitii nëjkx tka'ëktukjotkëtaknëtë, ka'ap twintsë'ëkëja'antë ja Dios ja y'ijxpëjkën.

Hebreos 12:5

Miitsëty tëë xyjyä'ätyëkoytyë ja ayuk mëti'ipë Dios mtukmëkajpxëtëpën, ko mkajpxwijëtë ma m'u'unk'atëtën. Jëtu'un ja Dios ja y'aaw y'ayuk y'ënä'äny: Mijts, u'unk, mëjpëjkta'ak ko ja Wintsën tii mtukmëkajpxëtëty ets ko mjëjpwijtswinpitëtëty, ka'ap xy'ëxëëkjawëty ko m'ojëtëty.

Apocalipsis 13:1

Etsës n'ijxy tu'uk ja mëj jëyujk jam pyëtsimy mejyotm. Wëxtujk ja kyëpajk ets majk ja wyaj, ets aak kujänmëët ja wyaj. Tu'uktu'uk ja kyëpajk, aak ëxëëk käjpxy jam këxja'ay, yë'ë Dios wiinkjaty yajtijp.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.