1 Timoteo 1:10 - Biblia Dc en Mixe de Quetzaltepec

¹⁰ mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Dios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.

Biblia Mixe de Quetzaltepec

¹⁰ mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Tios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.

1 Timoteo 1:10 ပူးပေါင်းရင်းမြစ်များ

Génesis 19:5

Ënet tyëjkëtyë yaxpë jojkpë. Yë Lot yajmëkajpxp, jëtu'un y'ëna'antë: ¿Ma ënät ja ja'ayëty mëti'ipë të xyaja'ajtä'äkyën ma mtëjkën? Yajpëtsëm nmëëtko'knëjantëpës yam.

Génesis 37:27

Nikë tim oy'atëp ko ntukmëto'kmëty yë'ë Ismael ja'ayëty, ka'ap jëtu'un tpaatëty ko ntimyaj'o'kmëty ets oy jeexyë wi'ix njama'ay njatajëmpë, n'uty'ajtëmën yë'ë. Ënet ja myëkä'äxtëjk oy tmëtoowtë ja winma'any, mëti'ipë ënety ja Judá nyikäjpxypën.

Génesis 40:15

Ëjts jamës ojts tsoony ma hebreo ja'ayëtyën yë nyaaxjotëtyën, e ëjts ka'apës nitii poky të ntuny, koos yaa tsumy xyaj'itë.

Éxodo 20:7

Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Éxodo 21:16

Pën ja myëku'uk myëkekpy ets tookëty, ëkë tmëët'atëty jam ma jyëën tyëjkën, kopkpëky ko näjyëtu'un y'ookëty.

Oseas 10:4

Je'eyë tyäty myëtyä'äky, je'eyë winë t'ëwaanë ets twinkäätsë noky; ko ënät yë nipaye'eyën tuny jëtu'un yajjawë xwätën mëti'ipë ujtsjoty yoonpën.

Zacarías 5:4

Yë Wintsën mëti'ipë maaytyääyëpën winë jëtu'un y'ënä'äny: Jamës ya'atë pojkën nyajkëta'aka'any mëti'ipë miinpën kuja'ay ma ja'ayën mëti'ipë toonp mä'tspën ets mëti'ipë nëkoo je'eyë wyäämpyën yë nxëëwës ëëwpäjn kajpxpäjn. Ets ya'atë pojkën ënätnëm jyëwa'aka'any ko ënety tëë kyëjxta'ay mya'ta'ay ja tëjkwitsë ets ja tsaa.

Zacarías 8:17

këtii ëxëëk mnäytyun mnäy'ënë'ëmxëtëty nixim niyam ets këtii nëkoo Dios je'eyë ëëwpäjn kajpxpäjn xywya'antëty. Jä'ä ko ëxëëkës yë jëtu'unpë n'ixy. Ëjts Wintsën, ëjts ënaanp.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Romanos 1:26

Paaty ja Dios të y'ëxmajtsënëtë ma ja ëxëëk tuunkën mëti'ipë je'eyë yajtsëtyuunpën. To'oxytyëjk paat tuunëtë mëti'ipë ka'ap y'oyëtyën, ka'ap ye'etyëjk tmëët'itë ets të tyajtëkatstë wi'ix tyo'oxytyëjk'atëtyën.

Deuteronomio 24:7

Ko tu'uk yë Israel ja'ay yajnijawëty ko tëë myëku'uk tkukä'ptuta'ay ets tyaj'awinpita'any ëyoopë mëtuunpë, ëkë tooka'any; tääpë ja'ay mëti'ipë ënety ja myëku'uk jëtu'un të tunyën, kopkpëky ko nëjkx tku'ookë jëtu'unpë ja tuuntëko'oyën. Jëtu'un'äämpy ka'ap yaj'ijxta'akëty ja nëë poky ma miitsëtyën.

1 Timoteo 4:6

Tukni''ixë ya'atë mëku'uk, Kristë Jesús ënety jëtu'un oy mmëtuumpy, ets mnaxëty tu'uk ja mëtuunpë mëti'ipë yajnikëxëypyën ja mëpëjkën ets ja ijxpëjkën mëti'ipë mkuuyjyuuky'äjtypyën.

1 Timoteo 6:3

Pën jam pën tyaj'ijxpëky ja wiink ijxpëjkën ets ka'ap tyu'knaxë mëët ja Wintsën Jesukristë ja y'ijxpëjkën ets mëti'ipë ëëtsajtëm nmëpëjkëmën,

2 Timoteo 1:13

Yajtu'uye'ey ya'atë mëtëypyë ijxpëjkën mëti'ipë të xy'ëxajën ma ëjtsën, ets juuky'at ma ja mëpëjkënën mëët ja nätsyok näjyawë mëti'ipë nmëët'ajtëmën ko mëët ja Kristë Jesús tu'ukyë n'ijtëmë.

2 Timoteo 4:3

Jä'ä ko pyatäämpy ja xëëw po'o ko ja ja'ay ka'ap tmëmëta'aka'antëty ja oypyë ijxpëjkën, kyë'ëm tsojkën yajtuna'antëp ets t'ixta'aja'antë kanaakjëjp ja yaj'ixpëjkpëtëjk ets tyuk'ijxpëkëtëty mëti'ipë yë'ë tsyojktëpën.

Tito 1:13

Ets tëy ojts y'ënä'äny, paaty xywyinkukajpxëty mëk'äämpy ets tu'ukyë tmëpëktëty ja Wintsën,

Tito 1:9

Yë'ë mëti'ipë tyuk'o'kpejtypyën ja ijxpëjkën mëti'ipë të yajtukni''ixën ets näjyëtu'un ja ja'ay wiinkëtypë tjotmëkwinkajpxëty mëët ja ijxpëjkën oypyë ets tukja'akyujkëty mëti'ipë tëkatsy nyimëtyaktëpën ja Dios ja y'aaw y'ayuk.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.

Apocalipsis 18:13

canela, tojkx tsooy, poom, mirra, wiink pa'akxu'kxpë nëë, tsatsym nyëë, olivë on, tsajpmokway, tsajpmokpajk, tsajpkaa, kupixyny, kwaay, kepy wintëkäämpë, mëtuunpë, jaaypyaat nëjkx tooktë.

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.