1 Tesalonicenses 5:6 - Biblia Dc en Mixe de Quetzaltepec

⁶ Paaty ka'ap näjyä'äytyëko'oyëmëty ijxtëm ja wiinkëtypë y'ëtë'ëtstën, wijy kejy ëëts näyaj'ijtëmëty.

Biblia Mixe de Quetzaltepec

⁶ Paaty ka'ap näjyä'äytyëko'oyëmëty ijxtëm ja wiinkëtypë y'ëtë'ëtstën, wijy kejy ëëts näyaj'ijtëmëty.

1 Tesalonicenses 5:6 ပူးပေါင်းရင်းမြစ်များ

1 Pedro 1:13

Paaty miits a'ijxp jëjp'ijxp myajpaatëty ets wijy kujk mjuuky'atëty. Nämyëmëta'akëtë, jëjp'ixtë ëmuumtu'ukjot ja mëyajtën mëti'ipë ja Dios tyunäämpyën ko ja Jesukristë myinëty jatëkok.

Mateo 24:42

Wijy kujk mjuuky'atëty, jä'ä ko ka'ap xynyijawëtë jëna'a myina'any ja mWintsënëty.

Lucas 22:46

Tääts ja y'ijxpëjkpëtëjk t'ënëmaay: ¿Tii ko mma'atë? Pëtë'ëktë. Ja'amyätstë Dios ets ka'ap ja ku'oypyë mnätyukmëmëta'akëtëty.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Apocalipsis 16:15

Jëtu'un ja Dios y'ënä'äny: Ixtë, jëtu'unës nminy ajotkumonë ijxtëm yë mä'tspën. Jotkujk yë ja'ay yajpaaty mëti'ipë juuky yajpatpën ets tam wyit tmëëtëty, këtiipë yajtukja'tëty niwa'ats ëxwa'ats ets tsyëtyunëty.

Tito 2:12

Tääpë Dios yë y'oyajtën yë'ë xytyukni''ijxëm ets n'ëxmajtsmëty ja ëxëëk tu'unën ets atsojkën yaapë naaxwiinyëtën, ets oy nyajtu'uye'emyëty ja juukyajtën tyampë, mëët ja tëyajtën jaanty'ajtën,

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Apocalipsis 3:2

Yajwij yajkäj ja mjot mwinma'any ets oytyun mëti'ipë jaakjääjën, mëti'ipë tim ookanëpën; jä'ä ko tëëjës n'ijxy ko yë'ë mtuumpy mëti'ipë ka'ap yë Dios t'oy'ixyën.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

1 Corintios 16:13

Näy'ijx'itëtë näkyëwent'atëtë ets tu'ukyë xyaj'itëty ja mëpëjkën. Amëk jotmëk myajpaatëty, këtii mtsë'ëkëtëty.

1 Timoteo 2:9

Ntsojkpyës näjyëtu'un ets ja to'oxytyëjk nyäxyoxëtëty wintëy wiinkujk ets nyäy'oytyunëtëty ijxtëm pyaat'atyën; ka'ap nëkooyë ja wyääy kyopk nëkaax tsajpkaaxtëty, nän ka'ap ja tsowëtypë ja kë'ëjiits ëkë ja nantsëm tyajtuntëty.

Proverbios 19:15

Yë nuux'at je'eyë ma'ayë tyukpaaty; e yë ja'ay mëti'ipë nuuxën, kë'ëm nyäyaj'ayuu'atyë.

Tito 2:6

Jotmëk wiinkajpxë näjyëtu'un ja ëna'ktëjkëty ets wijy kejy jyä'äy'atëty,

1 Timoteo 3:2

Paaty, jëtu'unpë ja ja'ay ka'ap tjëkyëpy wi'ix yaj'ojëty. Tu'ukyë mëpaat ja tyo'oxytyëjk tmëëttsëënë ets mëtëy jyuuky'atëty; niwijy ets mëët. Yajja'ajta'akëp ja jëpyaat jëpyo'kxy ma tyëjkën; ets jyatëp wi'ix yaj'ixpëkëtyën;

Colosenses 4:2

Xëmë ja Dios xyjyä'ämyätstëty. Wijy kejy mnäyaj'itëtëty ets mo'otë ja Dios ja kukajpxën.

Efesios 6:18

Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.

Lucas 21:36

Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Lucas 12:39

Ets yë'ë näjyëtu'un mnijawëtëp: Ko jeexyë tu'uk ja kutëjk t'ëknijawë jëna'a ja mä'tspë myina'any mä'tspë ma tyëjkën; a'ixy jëjp'ixy jeexyë nyäyaj'ityë këtiipë pën tyëkëty tyëkoty.

Mateo 25:13

Näjyëjp'ixëtë, jä'ä ko ka'ap xynyijawëtë pën tii xëëw tii mëtëy jatëkok nmina'anyës.

Mateo 25:5

Ja ye'etyëjk pëjkpë kä'äpyëm tsyojkja'ty. Tääts ojts ni'ëmukë ja ma'ayë pyata'ajëtë ets myaanajxtë.

Mateo 13:25

Ko ënety jap ni'ëmukë mya'atë, ënät ja kukam ja myëtsip të tkuniipë ja ëxëëk ujts jap kamjoty ma ja tsajpmok kamën.

Jonás 1:6

Ënet ojts nyijëjptä'äkyë ja kepy nëëwinye'epyë wintsën ets y'ënëmaayë: Mijts ¿tiitën ko je'eyë mtimmyaanë? Pëtë'ëk ets xymyëkajpxëty yë mTios. Wä'än xyjyä'ämyäjtsëm ets xyajtsokmëty.

2 Timoteo 4:5

E mijts, niwijy nikejy mja'ay'atëty, mëtanë ja ëyo'on, kajpxwa'kx xëmë yë aaw ayuk oypyë, patun oy yë mtuunk.

1 Timoteo 3:11

Näyjyëtu'un yë tyo'oxytyëjk wiinkutsë'ëkëtëp ja ja'ay, ka'ap pyi'tskajpxëty, mëtëy tyu'uye'eyëty ets oy winë tunëty.

1 Tesalonicenses 5:8

e ëëts'ajtëmë, mëti'ipë xëëny juukyajtëmën, xëmë wijy kejy nyajpatmëty, näkyëwent'ajtemëp mëët ja mëpëjkën ets ja nätsyok näjyawë ets njëjp'ijxmëty ja nitsokën; jëtu'unts ntu'unmëty winë ijxtëm ja tsiptuunpë nyätyukujupyën ja pujxn kujup.

Filipenses 4:5

Wä'än ja ja'ay nijawëtë ko yujy naxym mja'ay'atë. Tää ja Wintsën tyimwiinkony.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Dios jënaakën xynyijawëtë. Miits mtsëtyu'unpatëp koos jëtu'un n'ëna'any.

Hechos 20:31

Paaty yajxon mnäkyëwent'atëtëty. Ja'amyätstë ko miits tëkëëk jëmëjt ojts nyaj'ijxpëktë xëënaxy tsuunaxy ets ka'ap të ntukmëpo'kxtë ja ijxpëjkën, jëëpy yaxp miits të nkajpxwijtë nitu'ukjaty.

Lucas 12:37

Akujk jotkujk yajpaatë ja tuunpëtëjk mëti'ipë wijy kejy yajpatëpën ko ja wyintsën jyä'ty. Tëy miits nëëmëtë ko kë'ëm ja wintsën nëëmëja'any ja tyuunpëtëjk ets nyaaxwäätstëty ma kaaytyaknën ets ja wintsën kë'ëm ja ka'ayën ukën t'apëkëja'any.

Marcos 13:37

Mëti'ipë miits yam ntuk'ëwa'anëtëpën, nän tëëjës yë ja'ay ntuk'ëwa'anëtya'atë: Juuky itë.

Mateo 26:38

Ënet ojts y'ënä'äny: Këjxpës njawë n'aaw njot, jëtu'un tä ja'ay y'ooka'anyën. Yaa wë'ëmtë, juuky m'itëty mëët ëjts.

Isaías 56:10

jä'ä ko ja ja'ayëty mëti'ipë ijx'ijtp këwent'ajtëpën, maas ja nnaax nkajpnën aak wiints të y'awinpijta'atë. Ka'ap tii t'ixtë; jëtu'un tä uk uumpën, ka'apë wyojyën; je'eyë mya'atë pyo'kxtë ets xyëëwma'atë, jëtu'un jyuuky'atë xëmë wiinkumaatë yowë.

1 Timoteo 2:15

Ja to'oxytyëjk näyajtso'okanëp kë'ëm ma y'ityën taak tsi'tsk, ets ni'ik ko wijy yajpaatëty ma ja mëpëjkënën, ma tsojkën ja'awënën ets ko wa'ats jyuuky'atëty.

Efesios 2:3

Näyjyëtu'un ijty njuuky'ajtëm ni'ëmukë, yë'ë npatu'unëm ja nkë'ëm winma'any'ajtëm, ja poky ets ja ëxëëk atsojkën. Jëtu'un ijty n'ijtëm ijxtëm ja ja'ay oy pyënëtyën, paatykyëjxm ijty xypyaat'ajtëm ja Dios ja myëj tëytyu'unën.

1 Tesalonicenses 4:13

Mëku'uktëjkëty, ka'apës ntsoky ets miits xykyanijawëtëty wi'ix ja o'kpëtëjk jyatën, këtiipë mjotmay'ooktëty ijxtëm ja ja'ayëtyën mëti'ipë ka'ap tii tjëjp'ixtën.

1 Tesalonicenses 5:10

Tëë ja Kristë xykyu'o'këmë ets mëët n'ijtmëty, oy njuuky'ajtmëty ëkë oy n'o'kmëty.