1 Tesalonicenses 5:27 - Biblia Dc en Mixe de Quetzaltepec

²⁷ Ntuknipëjktëp Dios wyintum ko ja nmëku'uk'ajtëm ni'ëmukë yajktukwinkukajpxëtëty ya'atë noky.

Biblia Mixe de Quetzaltepec

²⁷ Ntuknipëjktëp Tios wyintum ko ja nmëku'uk'ajtëm ni'ëmukë yajktukwinkukajpxëtëty ya'atë noky.

1 Tesalonicenses 5:27 ပူးပေါင်းရင်းမြစ်များ

Colosenses 4:16

Ko miits ya'atë noky xykyajpxta'atëty ets xytyuknikäxtëty yë mëpëjkpëtëjk jampë Laodicea yajpaatën; ets tkajpxtëty näjyëtu'un. E mëti'ipë yë'ë kyäjxtëpën ma miitsëtyën mkajpxtëp näjyëtu'un.

1 Timoteo 5:21

Y'ijxyp myëtoopy ja Dios Teety ets ja Jesukristë ja tsajpjotmëtë kukäjpxy winwityëtsypë, ko ya'atë yam ntuknipëky ets xykyuuytyunëty. Tu'knax mpaye'eyëty, ka'ap wyin'ixy wyinkexyëty.

1 Timoteo 5:7

Tuk'ëwaanë ya'atë ja ja'ayëty këtiipë pën tii yajtukpoky'ixëty.

1 Timoteo 1:3

Ijxtëm ojts mijts nnëëmën koos nnëjkxany jam Macedonia y'itjotm, wë'ëm jam Éfeso ets xy'akajpxtukëty yë ja'ayëty këtiipë tëkatsy yaj'ijxpëktëty ets wiink ja winma'any tmëtëkëtëty,

Hechos 19:13

Jam ënety jënaakën ja jutiis ja'ayëty jyëtitë kajpnjotm ets ja ku'oypyë tyajpëtsëmtë ma ja ja'ayëtyën. Näy jä'ä ja Jesús ja myëk'ajtën yajtuunëtëp, ets nëëmëtë ja ku'oypyë: Ëjts ënaanp Jesús xyëëwkyëjxm, mëti'ipë ja Pablo kyajpxwä'kxypyën, ëxmats yë ja'ay.

Marcos 5:7

Tääts ayaxp ajojkp t'ënëmaay: ¿Tii mtsojkpy mëët ëjts? Dios ni'ik këjxmëpë y'u'unk. Nmënu'kxtäkpy mijts, tun ja mëyajtën Tioskëjxm, këtiis xyajjotkëxy.

Mateo 26:63

E ja Jesús amonyë y'ijty. Tääts ja teety wintsën y'ënëmaayë: Ja juuky Dios yam ntukajpxpejtypyës ets tëy tëtä'äky xynyikajpxëty. Tuk'ëwa'anëtyëk ëëts pën mijtsëtën mKristë, ja Dios ja y'U'unk.

2 Crónicas 18:15

E ja yajkutujkpë tyaa y'ëtsoowë: ¿Naak'okën yam mijts n'ënëëmëty ets xynyikajpxëp Wintsën xyëëwkyëjxm yi'iyë mëti'ipë mëtëyën?

1 Reyes 22:16

Ënet ja yajkutujkpë y'ënëmaayë: ¿Naak'okën mijts xytsyoky n'ënëëmëty ko yë'ëjës ntsojkpy etsës mijts xytyuk'ëwaanëty mëti'ipë mëtëyën ets yë'ë yë Wintsën mëët yë xyëëw xynyikajpxëty?

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

2 Timoteo 4:1

Jam Dios wintum ets Jesukristë wintum, mëti'ipë minaanpën ijxtëm tu'uk ja yajkutujkpën ets tpaye'eyä'äny ja juukpyë ets ookyëp, tyam ntuk'ëne'emy

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Dios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

1 Timoteo 6:13

Ja Dios, mëti'ipë myoopyën ja juukyajtën oy tyimtiijëty jam Jesukristë wyintum, mëti'ipë ojts näjyëtu'un nikäjpxyën jam ma ja Poncio Pilato, mijts yam ntuknipëjkpy

1 Timoteo 1:18

Timoteo, u'unk maay; mijts yam ntuknipëjkpy ets ja tsip xy'atänëty mëët ja mëpëjkën ets ja jot winma'any, jëtu'un ijxtëm ojts ja käjpxynyajxpëtëjk mnimëtyä'äkyën. Jënaakën, mëti'ipë ojts ka'ap tja'akyukën ja jyot wyinma'any, tëë nyäyajtu'utëkoyëtë.

2 Tesalonicenses 3:14

Pën jam pën ka'ap tmëjpëjktä'äky mëti'ipës nnikajpxtëpën jap nokyjoty, m'ixtëp pën ënety ets këtii mëët mye'eymyuk mnajxmuktëty, wä'än tsëtyu'unpaaty.

1 Tesalonicenses 2:11

Näy mnija'awëtëp wi'ix të njotmëkmo'otën ets të nyajjotkujkta'aktën nitu'ukjaty ijxtëm ja u'unkteety y'ixy myëyätyën.

Hechos 1:15

Näy jää tiempo ja Pedro ojts wya'këxë'ëky ma jam ja mayjyä'äyën; nimëko'px ja i'px ënätyëty jam ets y'ënäny:

Jeremias 51:61

ets t'ënëmaay ja Seraías: Ko mja'tëty jam Babilonyë, mëk xytyim'ixëty yajxon ko ya'atë noky xykyajpxëty.