1 Tesalonicenses 5:24 - Biblia Dc en Mixe de Quetzaltepec

²⁴ Ja Dios mëti'ipë të mwootsowëtën, tëy tëtä'äky yë'ë, tyunäämpy tu'kë'ëyë ya'atë.

Biblia Mixe de Quetzaltepec

²⁴ Ja Tios mëti'ipë të mwootsowëtën, tëy tëtä'äky yë'ë, tyunäämpy tu'kë'ëyë ya'atë.

1 Tesalonicenses 5:24 ပူးပေါင်းရင်းမြစ်များ

2 Tesalonicenses 3:3

E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

1 Corintios 1:9

Dios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

2 Timoteo 2:13

Pën ka'ap ëëts npatu'unëm ja y'aaw y'ayuk, yë'ë pyatunäämpy ja y'aaw y'ayuk, jä'ä ko ka'ap tjëkyepy kë'ëm nyätyuxi'ikëtëty.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Lamentaciones 3:23

Jopy jopy y'ajämë; mëjwiin këjää yë tsyojkën jya'awën.

Juan 3:33

E pën kyupëjkpy, yë'ë nyikäjpxyp ko Dios tyiyëty jyääntyëty.

2 Pedro 1:3

Mëët ja Dios ja myëk'ajtën, tëë xymyo'oyëmë tëkokyë mëti'ipë nyajmëyajtëmën ets ntukjuuky'ajtmëty ijxtëm tsokyën, ets n'ixy'ajtmëty ja mëti'ipë të xymyëkajpxëmën mëët ja myëj'ajtën kyutujkën ko winë të tyaj'ixyë.

Salmos 138:2

Japës nkoxtanëja'any ma mtsajptëjkën, etsës nkukajpxëja'any yë mtsojkën mja'awën ets mtëyajtën, jä'ä ko yë mxëëw ets m'aaw m'ayuk tëë mijts xypyëjktä'äky ets mëj'äämpy y'itëty ma tëkokyë winë yajpaatyën.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Dios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënety yë naaxwiinyëtë tsyo'ontä'äky,

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

1 Tesalonicenses 2:12

Tëë njotmëkwinkajpxëtë, tëë nyajjotkujk'atë ets tëë ntukmënu'kxta'aktë wi'ix mja'ay'atëty ijxtëm pyaat'atyën mëti'ipë jä'ä''ajtëtëpën ja Dios, mëti'ipë të myaxtsowëtë ma yajkutukyën ets ma ja myëj'ajt y'oyajtënën.

2 Timoteo 1:9

Dios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

1 Corintios 10:13

Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Dios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënety ja ëyo'on jotmay xypyaatë, Dios nëjkx mputëkëtë ets xymyënax xyajnaxtëty.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Gálatas 1:15

E tëëtëm ënety ja Dios xywyin'ixyës naamka'anëm nmëxu'unk'atynyëmës ets tëëtëm ënety myëyajtën mëët xyaxtsoyës,

Romanos 8:30

Mëti'ipë ja Dios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Salmos 36:5

E yë mtsojkën mja'awën, Wintsën, jampaat tsajpwinm jyä'ty; ets mwa'atsajtën pyätyp yë tsuxk tsajp.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Miqueas 7:20

Wintsën, mëët'at xëmë ja tsojkën ja'awën mëti'ipë tëëyëp ojts xytyukwinwanën ëëts ja n'ap n'okëty Abraham ets Jacob.

Salmos 89:2

Nikajpxäämpyës ko yë mtsojkën mja'awën xëmëkyëjxm y'ity; ets mwa'atsajtën ka'ap tyëkatsy, jëtu'un tä tsajpën ka'ap nijëna'a tyëkatsy.

Romanos 9:24

Jëtu'un, ëëtsajtëm Dios të xywoowtso'owëmë, tam mëti'ipë jutiis ja'ayën ets tam ka'apë jyutiisëty.

Isaías 37:32

nëjkxëp jam wyë'ëmtë Jerusalén, jam ma Sión kopkën jam'atantëp ja mëti'ipë juuky wë'ëmantëpën. Ya'atë jëtu'un tyunäämpy ja tsyojkën jya'awën mëjpë këjääpë ja Wintsën mëti'ipë maaytyääyëpën winë.

Salmos 40:10

Ka'apës të ntuk'amony mijts ja mtëyajt m'oyajtën; tëës nikäjpxy nimëtyä'äky ko mijts aak'oy winë xytyuny ets myajnitsokp. Ka'apës nijëna'a të nkuyu'utsy yë mtsojkën mja'awën ets mtëyajt mjaantyajtën ma mnaax mkajpnën mëjpë këjääpë.

2 Tesalonicenses 2:14

Paaty ja Dios të mwootsowëtë ko të xymyëpëktë ja oy aaw oy ayuk mëti'ipës të nkajpxwa'kxtën, jëtu'un jam myajpaatëty ma ja Wintsën Jesukristë myëj'ajtën y'oyajtënënën.

Salmos 92:2

Ko yajnikäjpxy yajnimëtyä'äky jopyëp ets uxëp wi'ix myëj kyëjääjëtyën ja mtsojkën mja'awën ets ja mwa'atsajtën

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Salmos 146:6

Yë'ë yajkoj ja tsajp ets naax, yë mejy ets tu'kë'ëyë mëti'ipë yajpatp ma yë'ëjëtyën, mëti'ipë nyikäjpxypën, jä'ä tyuunpy.

Salmos 100:5

Jä'ä ko yë Wintsën oy Tyios'aty; yë tsyojkën jya'awën ijtëëp xëmëkyëjxm, ets wya'atsajtën nijëna'a kyajëjpkëxy.

2 Reyes 19:31

Jä'ä ko jam wyë'ëma'any Jerusalén, ma ja Sión kopkën, nëjkxëp näjyëtu'un jyam'aty ja ja'ayëty mëti'ipë të tsyo'oktën o'kënjëjp'am. Ko ënety jëtu'un jyäty kyëpety yë'ëkyëjxm ko ja Wintsën ja tsyojkën jya'awën maaytyääyëp winë.