1 Tesalonicenses 5:23 - Biblia Dc en Mixe de Quetzaltepec

²³ Wä'än ja Dios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënety ja poky xymyëët'atë ko ja Wintsën Jesukristë myinëty.

Biblia Mixe de Quetzaltepec

²³ Wä'än ja Tios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënäty ja poky xymyëët'atë ko ja Wintsën Jesukristë myinëty.

1 Tesalonicenses 5:23 ပူးပေါင်းရင်းမြစ်များ

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Hebreos 4:12

Ja Dios ja y'aaw y'ayuk myëët'ajtyp ja juukyajtën ets ja mëk'ajtën. Ni'ik jyëjpëty këtiinëm ja tëypyujxn tëëpë mäjtskpa'a yajme'eyën; tyukku'umëtyääpy ja jot winma'any këkpaat; ets tpaye'eytyä'äy pën tii pën myëmääpy myëtäjpy.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

Filipenses 1:10

ets xynyijawëtëty wi'ix xywyin'ixtëty mëti'ipë oyën, jëtu'unts ja juukyajtën wa'atspë xymyëët'attëty ets ka'ap tii poky xytyuntëty ko ja Kristë wyimpitëty.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

2 Pedro 3:14

Paaty, mëku'uktëjkëty, tsojk njëjp'ijxëmë ko jëtu'un jyata'any; tuntë ja Dios ja tyuunk mapaat ja tiempo jyaak jää'atyën ets ja Dios mpaatëtëty akujk jotkujk; nitii poky nitii ëxëëkajtën xykyamëët'atëty ko ënety myiny.

Hebreos 2:11

Ja mëti'ipë yajkënu'kxtën ets mëti'ipë kënu'kxpën, tu'ukyë ja Tyeetyëty, ja Dios Teety. Paaty ja Dios U'unk ka'ap tuktsëtyuny ets xytyijmëty mëkä'äx.

Colosenses 1:22

E tëë ja Dios tpëjktä'äky ja näykyajpx'oyë mëët miitsëty ko Kristë të myajjootwinpitëtë ets ko ja Kristë wyimpijty ja'ayën ets ojts mku'ookëtë kruutskëjxm. Paaty jëtu'un të tuny ets miits wa'ats myaj'ita'anëtë Dios wyintum, ka'ap tii poky xy'ëkmëët'ajnëtëty ets ka'ap m'ëk yajpoky'ijxnëtëty.

1 Corintios 14:33

jä'ä ko Dios yë'ë jotkujk'ajtën nyiTios'ajtyp, ka'ap yë'ëjëty jo'opë winma'any. Jä'ä mpatuntëp wi'ix ja mëpëjkpëtëjk tuntën ma ye'eymyuktën.

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Lucas 1:46

Tääts ja Maria y'ënäny: Nmëjja'aw njaantyjya'apës yë Wintsën,

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

Romanos 15:5

Ja Dios, mëti'ipë xyajmä'kxtujkëmën ets xyajjotmëktakëmën, yë'ë mmo'ojëtëp ja winma'any ets tu'ukyë mjuuky'attëty xim yam, jëtu'un ijxtëm ja Kristë Jesús najtstu'unëyën,

2 Tesalonicenses 3:16

Ja Wintsën, mëti'ipë jotkujk'ajtën yäjkpyën, yë'ë tu'kë'ëyë mmo'ojëtëp ja jotkujk'ajtën oy tii tyunëtëty jyatëtëty. Wä'än ja Wintsën tyajpaaty ma miitsëtyën ni'ëmukë.

Filipenses 4:9

Tuunta'aktë mëti'ipë të ntuk'ijxpëktën ets mëti'ipë të ntuknëëmëtën ets ijxtëm të xy'ixtën ma ëjtsën; Dios, mëti'ipë ja jotkujk'ajtën yäjkpyën, yë'ë mmëët'itanëtëp.

2 Corintios 5:19

Jëtu'un yajja'akyukë ko ja Dios të tyajnämyë'oypyikyë ja naaxwiinyëtë ja'ay, ka'ap ja tuuntëko'oy kajpxtëko'oyën të tmëjpëjktä'äky, ëëts të xytyuknipëktë etsës ntuk'ëwaanëtëty ja ja'ay ya'atë aaw ayuk.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Dios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Dios ja kyajpnën jä'äkyëjxm koos xymyëpëktë.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Judas 1:1

Judas, Jesukristë myëtuunpë, Santiagë myëkä'äx. Tyam mkajpxpo'kxëtë jënu'un ja Dios Teety të mëkajpxëtën, mëti'ipë ja Jesukristë ijx'ijtëtëp këwent'ajtëtëp.

1 Tesalonicenses 4:3

Mëti'ipë Dios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

1 Corintios 1:2

Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Dios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.

Romanos 16:20

Jëtu'unts ja Dios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Romanos 15:33

Ja Dios mëti'ipë jotkujk'ajtën yäjkpyën wä'än yë'ë tyajpaaty ma miitsëtyën. Oy jyëtu'un'atëty.

Hechos 20:32

Mëku'uktëjkëty, tyam ja Dios miits ntukë'ëtëkëtë ets ntukmëwë'ëmtë ja Dios ja tsyojkën jya'awën. Yë'ë myëët'ajtyp ja mëk'ajtën ets myajyääkëtëty mëët ja kënu'kxymyëk'ajtën ets mo'ojëtëty tëkokyë mëti'ipë ja nyaax kyajpn të tukwinwanën.

1 Tesalonicenses 2:19

Jä'ä ko ¿pën n'ëktukjotkujk'atëpës ets jotkujk xyajnäjyawëtëtyës, ëkë pën jëtää ëëts n'ëktukxoonta'aktëp ëkë mëj xyajnaxtëpës jam ma Wintsën Jesukristën ko ënety myiny? ¿Këtii myiits'atë, këtii tyiyëtyë?

Ezequiel 37:28

Ko ënety yë ntsajptëjkës yajpaaty xëmë ma yë'ëjëtyën, nëjkxëp yë wiinkëtypë naax kajpn tnijawëtë ko yë Israel kajpn yë'ëjës të nwin'ixy etsës yë'ë nkajpn'ata'any.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Tesalonicenses 3:11

Ntsojktëpës ets ja Dios mëti'ipë nTeety'ajtëmën ets ja Wintsën Jesukristë ëëts xypyutëkëtëty ets miits nëjkx nku'ixëtë.

1 Tesalonicenses 5:22

Ixmatstë mëti'ipë ka'ap y'oyëtyën.

Santiago 1:4

Yë'ë tsojkëp ets xyjyatëty wi'ix winë xymyëtänëtëty, jëtu'unts m'itëty këxy kä'pxy ijxtëm ja Dios tsokyën ets këtiipë tii mtëkoy'ajtxëtëty.