1 Tesalonicenses 5:19 - Biblia Dc en Mixe de Quetzaltepec

¹⁹ Këtii ja Kënu'kxymyëkajtën ja jyëën xyajpi'tsëtëty.

Biblia Mixe de Quetzaltepec

¹⁹ Këtii ja Kënu'kxymyëkajtën ja jyëën xyajpi'tsëtëty.

1 Tesalonicenses 5:19 ပူးပေါင်းရင်းမြစ်များ

Efesios 4:30

Këtii nëkoo xyajjotmaytyëkëtëty ja Dios ja kyënu'kxymyëk'ajtën, mëti'ipë të myajtuk'ijxwë'ëmtën ko Dios mjä'ä'atëtë mapaat ja nitsokën ënety tu'ukyë myajmooynyëtën.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

2 Timoteo 1:6

Paaty yam ntuknipëky ets ja mtuunk xyajmëjëty mëti'ipë ja Dios të mmo'oyën ko ojts nkë'ënixajy.

1 Timoteo 4:14

Këtii ja mtuunk xyajtëkoyëty mëti'ipë mëët'ajtypyën, mëti'ipë ja Dios të mmo'oyën ets käjpxynyajxpë m'itëty ko ojts ja mëjja'aytyëjk mkënu'kxyë.

Isaías 63:10

E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

Nehemías 9:30

Kanaak jëmëjt ojts xypyokymye'kxy ets xyjyajpa'ëyooy, mjatuk'ëwa'anëy mëët ja mmëkajtën m'oyajtën ets ja mkäjpxynyajxpëtëjk ets jeexyë ka'ap nëkoo nëë poky timpyanëkxtëkëtë mëët ja mtuunpë ets ja m'oyjot m'oywyinma'any; e yë'ëjëty ka'ap tim myëjpëjktaktë, paaty ojts xytyim'ijxmajtsnë ets ja myëtsip ojts yajnëjkxënëtë wiink naax wiink kajpn.

Salmos 51:11

Ka'ap mëpaat xyjyëkexyës mijts mwintuuy, ets ka'apës mëpaat xypyëjkë yë wa'atspë mmëkajtën m'oyajtën.

Génesis 6:3

Ënet yë Wintsën ojts y'ënä'äny: Ëjts ka'apës jëtu'un nkupëkëty ets naaxwiinyëtë ja'ay jyuuky'atëty xëmëkyëjxm, jä'ä ko yë'ë, xixy yë je'eyë. Paaty je'eyë jyuuky'atëty mëko'px ja i'px jëmëjt.

Efesios 6:16

Ets ja mëpëjkënëty yë'ë jëtu'un myajtuntëp ijxtëm ja tsiptuunpë ja pyujxn nyätyuk'akëëytyukyën, oy jyaminy ja ti'pxn mëti'ipë ja ku'oypyë myëjti'pxypën jëënmëët.

1 Corintios 14:30

Pën jam pën ja Dios tyukwinjawëty wi'ix nyiwijyën ja aaw ayuk, tim ëmonëp ja mëti'ipë jam kajpxpën.

Cantares 8:7

Yë tsojkën ja'awën ka'ap tjëkyepy kyutëkoyëty oy jënu'un nëëkom jyanaxëty; oy jënu'un yë mëjnëë jyanikoompätëtëty. Ko pën y'ënaanpëty ko tjuyä'äny yë tsojkën ja'awën je'eyë nëjkx yajtukxi'iky.

1 Samuel 16:4

Samuel ojts tjantytyuny tä ënety ja Wintsën të y'ëne'emyën. Ko jam jyä'äjty Belén ënät ojts ja mëjja'aytyëjk jyëjpye'eyë'ëkëtë ets y'ënëmaayëtë mëët ja tsë'ëkë: ¿Ja jotkujk'ajtën mmëmiimpy myajmiinpyë?

1 Tesalonicenses 5:20

Këtii xy'ixtijtëty ja käjpxynyajxpëtëjk ja tyuunkëty.