1 Tesalonicenses 5:14 - Biblia Dc en Mixe de Quetzaltepec

¹⁴ Mëku'uktëjkëty, näjyëtu'un miits tyam nmënu'kxta'aktë ets xytyukmëkajpxtëty mëti'ipë ka'ap tyuna'antën, jotmëkwinkajpxëtë mëti'ipë kumo'on kutujkëtëpën ets putëkëtë mëti'ipë ka'ap oy tnijawëtën ja mëpëjkën ets nämyëmä'kxtukëtë nixim niyam.

Biblia Mixe de Quetzaltepec

¹⁴ Mëku'uktëjkëty, näjyëtu'un miits tyam nmënu'kxta'aktë ets xytyukmëkajpxtëty mëti'ipë ka'ap tyuna'antën, jotmëkwinkajpxëtë mëti'ipë kumo'on kutujkëtëpën ets putëkëtë mëti'ipë ka'ap oy tnijawëtën ja mëpëjkën ets nämyëmä'kxtukëtë nixim niyam.

1 Tesalonicenses 5:14 ပူးပေါင်းရင်းမြစ်များ

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Romanos 14:1

Oyjyawëtë ja ja'ay mëti'ipë wäänë ja mëpëjkën myëët'ajtypyën ets këtii nëkoo mnäy'oj mnäya'axëtëty mëët.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Colosenses 1:28

Yë'ëjës nikajpx nimëtyaktëp ja Kristë ets nyaj'ijxpëktës ntukmëkajpx ntukmëmëtya'aktës ni'ëmukë ja ja'ayëty ja wijyajtën, ets yajpaatëty oy wa'ats ma ja Kristën.

Hebreos 13:3

Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

1 Timoteo 6:11

E mijts Timoteo, Dios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

Efesios 4:2

Yujy tëtä'äky mja'ay'atëty ets aak m'oyjawëtëp ja'ay oy pyënë, m'ëwxit mä'kxtuktëp ets mnämyëmä'kxtukëtëp nixim niyam mëët ja nätsyok näjyawë.

1 Corintios 4:14

Ka'ap miits ya'atë yë'ëkyëjxm ntuknijayëtë ets mtsëtyuntëty, nkajpxwijtëp jëtu'un, ijxtëmës nkë'ëm u'unkën jä'ä ko ntsojktëp miitsëty.

Ezequiel 34:16

Nëjkxëpës n'ixta'ay ja kupixyny tëëpë tyëkoyën, mpatäämpyës ja mëti'ipë tëkoy'ijtpën, mpitäämpy nmotsäämpyës mëti'ipë tsëtyutën, mputëkëjäämpyës mëti'ipë ëmaay paki'ixën ets nkëwent'atäämpyës mëti'ipë mëkën ets ni'kxën. Jëtu'unës nkëwent'ata'any ijxtëm pyaat'atyën.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Hechos 20:31

Paaty yajxon mnäkyëwent'atëtëty. Ja'amyätstë ko miits tëkëëk jëmëjt ojts nyaj'ijxpëktë xëënaxy tsuunaxy ets ka'ap të ntukmëpo'kxtë ja ijxpëjkën, jëëpy yaxp miits të nkajpxwijtë nitu'ukjaty.

Mateo 12:20

Jëtu'un yë'ë ijxtëm tu'uk ja ja'ayën mëti'ipë ka'ap tëjyën ja tsajpkäpyny mëti'ipë tëjjanëpën, ets ijxtëm tu'uk ja ja'ayën mëti'ipë kyayajpi'tsypyën ja jëën mëti'ipë pi'itsanëpën, koonëm tyajmëta'akëty ja oypyë ja nipaye'eyën,

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Hebreos 12:12

Paaty miitsëty, yajjotmëkpëktë ja mkë'ë m'aawëty tëëpë y'ënu'kxën ets ja mkë'ë mtekyëty tëëpë xyuxyën;

Tito 1:6

Yë'ë mtuknipëkëp ja tuunk mëti'ipë oy tsuj juukyajtpën, këtiipë tii yajtuknikajpxëty, mëti'ipë tu'ukyë myëët'ajtypyën ja tyo'oxytyëjk, mëti'ipë y'u'unk y'ëna'k mëpëjktëpën, ka'ap kyäjpxykyumëtoownaxtën, myëmëtowtëp ja tyaak tyeety ets këtiipë tii yajtukni'ojëtëty.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Romanos 12:1

Mëku'uktëjkëty, yë'ëkyëjxm ko ja Dios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Dios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Dios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

Hechos 20:27

jä'ä ko tëë xëmë ntuk'ëwaanëtë mëti'ipë ja Dios tsyojkpyën, ka'apës tii të nkuyu'utsy.

Lucas 22:32

je'eyëp ko tëëjës ja Dios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.

Jeremias 6:12

Jyëën tyëjkëty, kyam tyu'ujëty ets y'u'unk tyo'oxytyëjkëty, wiink ja'ay nëjkx tjä'ä'ajta'ay. Jä'ä ko tëëjës ntuknipëjktaakë koos ntëytyuna'any ya'atë ja'ayëty mëti'ipë tsënaaytyëpën ma ya'atë kajpnën. Ëjts Wintsën, ëjts ënaanp.

Tito 1:10

Jä'ä ko tää ja'ay jyatëtë mëti'ipë je'eyë käjpxy kyumëtoownajxtëpën, mëti'ipë judá ijxpëjkën winma'any tyuk'ijtëtëpën; mëti'ipë je'eyë tyäty mëtyaktëpën ets wyin'ëëntë.

1 Corintios 8:7

E ka'ap ya'atë tëyajtën ja'ay ni'ëmukë tnijawëtë. Mëti'ipë të tmëyujtën ets twintsë'ëkëtë ja awinax ets ënät tjë'kxtë ja kääky uuky mëti'ipë të yajtukwintsë'ëkën ja awinax, ok kë'ëm twiinkjawëtë jä'äkyëjxm ko kë'ëm tmëmay tmëtajtë ko ka'ap y'oyëty ko të tjë'kxtë.

2 Tesalonicenses 3:15

Je'eyëp ko këtii xymyëtsiptsoontëty, ni'ikyë në'ëmo'o tu'umo'otë ijxtëm tu'uk ja mëkä'äxën.