1 Tesalonicenses 5:13 - Biblia Dc en Mixe de Quetzaltepec

¹³ Oy tsuj xytyukxoonta'aktëty ets xytsyoktëty yë tyuunk mëti'ipë tuuntëpën. Juuky'atë nixim niyam jotkujk.

Biblia Mixe de Quetzaltepec

¹³ Oy tsuj xytyukxoonta'aktëty ets xytsyoktëty yë tyuunk mëti'ipë tuuntëpën. Juuky'atë nixim niyam jotkujk.

1 Tesalonicenses 5:13 ပူးပေါင်းရင်းမြစ်များ

Marcos 9:50

Yë kaan oy yë'ë, ko ja tsya'amtsajtën tyëkoyëty tii mëët winë yajtukta'amtsëty. Itë ijxtëm ja oypyë kaanën ets juuky'atë akujk jotkujk nixim niyam.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

Santiago 3:18

Mëti'ipë tsyojktëpën ets jyää'atëty ja jotkujk'ajtën, yë'ë nyiptëp kyojtëp ja jotkujk'ajtën ets tuk'oy'ata'antë ja oypyë ja nipaye'eyën.

Efesios 4:3

Mëmay mëtajtë wi'ix mnäyaj'itëtëtyën tu'ukyë ets jotkujk mëët ja Kënu'kxymyëkajtën.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Dios mëti'ipë ja oyjyot oywyinma'any yäjkpyën tëy tëtä'äky.

Juan 15:17

Yë'ë miits ya'atë ntuk'ënä'ämtëp: Nätsyokëtë nixim niyam.

Salmos 133:1

Ëk'ixtë wi'ixpëm jyänty oyëty ko jëëky mëku'uk tu'kmukyë yajpaatë.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

2 Tesalonicenses 3:16

Ja Wintsën, mëti'ipë jotkujk'ajtën yäjkpyën, yë'ë tu'kë'ëyë mmo'ojëtëp ja jotkujk'ajtën oy tii tyunëtëty jyatëtëty. Wä'än ja Wintsën tyajpaaty ma miitsëtyën ni'ëmukë.

Colosenses 3:15

Wä'än ja Kristë yë'ë ja kyijpxyajtën tyajkutuky ma ja mjot mwinma'anyëtyën, jä'ä ko yë'ëkyëjxm ja Dios të myaxtsowëtë ets nitu'ukjaty m'itëty jotkujk ijxtëm tu'ukpë ja ni'kx kopkën ets akëtä'äky jotkëtä'äky myajpaatëty.

Gálatas 6:6

Ko tu'uk ja ja'ay t'ëxajëty ja ijxpëjkën ma ja oy aaw oy ayuk ni''ijxpëkën, pyutëkëp ja mëti'ipë yaj'ijxpëjkëpën ma tii tyajmëyätyën.

Gálatas 4:14

Oy ojts miits n'ëk'atsiptë yë'ëkyëjxm koos ënety npëkyë, kä'äp ojts xypyäxtës, ni'ikyë xykyupëjktës ijxtëm ja Dios ja y'anklësën, ëkë ijxtëm jeexyë ja Jesukristë kë'ëmën.

Mateo 10:40

Pën miits mkupëjkëtëp, nän xykyupëjkpës ënety ëjts; ets pën xykyupëjkpës, nän kyupëjkpy ënety mëti'ipës xykyäjxpën.

Génesis 45:24

Ko yë José nyäy'ëxmajtsë mëët yë myëkä'äxtëjk, ënät ojts tjaakënëëmë: Tyam miitsëty n'ënëëmëtë, ko këtii je'eyë tu'u'aay mnäy'oj mnäya'axëtëty. Ënet ojts tsyo'onëtë.

1 Tesalonicenses 5:14

Mëku'uktëjkëty, näjyëtu'un miits tyam nmënu'kxta'aktë ets xytyukmëkajpxtëty mëti'ipë ka'ap tyuna'antën, jotmëkwinkajpxëtë mëti'ipë kumo'on kutujkëtëpën ets putëkëtë mëti'ipë ka'ap oy tnijawëtën ja mëpëjkën ets nämyëmä'kxtukëtë nixim niyam.