1 Tesalonicenses 4:9 - Biblia Dc en Mixe de Quetzaltepec

⁹ E ja tsojkën ja'awën mëti'ipë ja mëpëjkpëtëjk myëët'ajtëpën nixim niyam, ka'ap kyopkpëkyëty ets miits ntuknijayëtëty, jä'ä ko tëë ja Dios kë'ëm mtuknijawëtë wi'ix mnätsyok mnäjyawëtëty nixim niyam.

Biblia Mixe de Quetzaltepec

⁹ E ja tsojkën ja'awën mëti'ipë ja mëpëjkpëtëjk myëët'ajtëpën nixim niyam, ka'ap kyopkpëkyëty ets miits ntuknijayëtëty, jä'ä ko tëë ja Tios kë'ëm mtuknijawëtë wi'ix mnätsyok mnäjyawëtëty nixim niyam.

1 Tesalonicenses 4:9 ပူးပေါင်းရင်းမြစ်များ

Salmos 133:1

Ëk'ixtë wi'ixpëm jyänty oyëty ko jëëky mëku'uk tu'kmukyë yajpaatë.

Isaías 51:13

¿Wä'än jëtää xyjyä'äytyëkoyëty ja mWintsën mëti'ipë të myajkojyën mëti'ipë ojts yë tsajp twijtstëyën ets tyajta'tspëjkyën ja naaxwiinyëtë? ¿Tii je'eyën xëmë mtsëyuyä'änyë janaam jatsojk, ko ëxëëk mtunyë ja kumeenyjyä'äytyëjk, mëti'ipë jëjp'ixy yajpatëpën ets myaj'ooka'anyë?, ¿Maajën të nyijkxy ja m'ëwa'an'at?

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënety wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

Mateo 22:39

E ja mëmäjtskpë yë'ë mëti'ipë ënaanpën: Tsok ja mmëku'uk ijxtëm kë'ëm mnätsyokyën.

Juan 14:26

e ja nikajpxtutpë, ja Kënu'kxymyëkajtën mëti'ipë ja Dios Teety kyäxäämpyën ëjts nxëëwkyëjxmës, yë'ë mtuk'ëwaanëjanëtëp tu'kë'ëyë winë ets xyjyä'ämyätstëty wi'ixjaty miits të nëëmëtën.

Hechos 4:32

Ja mayjyä'äy mëti'ipë myëpëjktën ja Jesús, tu'ukyë ijty ja jyot wyinma'any tyaj'itë; ni pën ja pyëjktä'äky tkajä'äpëjktä'äky nätyu'uk, aak tu'knax tyajtuntë.

Romanos 12:10

Nätsyokëtë ijxtëm ja ja'ay tyukä'äx'atyën. Näwyintsë'ëkëtë nixim niyam tu'knax.

2 Corintios 9:1

Ja näypyutëkë mëti'ipë jam myajmujktëpën mëti'ipë mmo'ojantëpën ja mëpëjkpëtëjk jampë Jerusalén yajpaatën, ka'ap y'ëkkopkpëky'ajnë ets miits ntuknijayëtëty jatëkok.

Filipenses 3:15

Jënu'un ëëtsajtëm mëti'ipë mëk mëpëjktëpën, mëpaat jëtu'un nmä'ämyëty ntajmëty. Ëkë pën jamts mëti'ipë wiink maaytyëp tajtëpën, mtuk'ixëtëp mtuknijawëtëp ja Dios näjyëtu'un.

1 Tesalonicenses 5:1

Mëku'uktëjkëty, ka'ap kyopkpëkyëty miits ntuknijayëtëty pën jëna'a ja Wintsën myina'any.

Hebreos 10:16

Ja käjpxytyu'unën mëti'ipës ntunäämpyën, yë'ë ya'atë, jëtu'un y'ënä'äny ja Wintsën: npëjkta'akäämpyës ja ënä'ämën ma jyuukyjotmën ets njaaypyäta'anyës ma wyinma'anyëtyën.

Hebreos 13:1

Nätsyokëtë miitsëty nixim niyam, jëtu'un ijxtëm jeexyë mtu'kä'äx'atën.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

2 Pedro 1:7

ets ko m'itë ijxtëm ja Dios tsokyën, ënät xytsyoktëty ja mëku'uktëjkëty; ets ko ënety xytsyoktë ja mëku'uktëjkëty, ënät näjyëtu'un xytsyoktëty ni'ëmukë ja ja'ay.

1 Juan 2:10

Pën ja myëku'uk tsyojkpy, yë'ë yajpatp ma ja jajën të'kxën, ets ka'ap tjëkyepy wi'ix ëxëëk jyatëtyën.

1 Juan 3:11

Yë'ë ya'atë yë Dios y'aaw'ajtyp y'ayuk'ajtyp mëti'ipë ojts miits ëka'any xymyëtowtën, ko nätsyojkëmëty nixim niyam.

1 Juan 3:23

Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.

1 Juan 4:21

Dios ëëts ya'atë ënä'ämën të xymyo'oyëmë: Pën ja Dios tsyojkpy, näjyëtu'un ja myëku'uktëjk tsokëty.