1 Tesalonicenses 4:8 - Biblia Dc en Mixe de Quetzaltepec

⁸ Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

Biblia Mixe de Quetzaltepec

⁸ Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Tios ënäty kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

1 Tesalonicenses 4:8 ပူးပေါင်းရင်းမြစ်များ

1 Juan 3:24

Pën ja y'ënä'ämën pyatuunëp, yë'ë ënety ja Dios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Juan 12:48

Pën xypyäjxpës ets ka'ap tmëjpëjktä'äky ja n'aaw n'ayukës, tam tmëët'ajnë mëti'ipë yajnitukëjanëpën: ja n'aaw n'ayukës mëti'ipës të nkäjpxyën yë'ë nëjkx yajnitukëty.

1 Samuel 8:7

e ja Wintsën tyaa y'ëtsoowë: Mijts kupëkymës mëti'ipë naax kajpn m'amëtoowëpën. Jä'äxë ko ka'ap myijtsëty m'ixtijyë, ëjts yë xy'ixtijtëp, ëjts jëtu'un xykyatsojktëp ets n'ënä'ämëtyës ma yë'ëjëtyën.

2 Pedro 1:21

Jä'ä ko ka'ap ja kyäjpxynyajxpëtëjk ojts yë'ë tnikajpxtë mëti'ipë kë'ëm myääytyëp tyajtëpën, kënu'kxymyëk'ajtën ojts winma'any myo'ojëtë.

Proverbios 23:9

Këtii xytyatsk mmëkajpxëty yë tsuuja'ay, jä'ä ko je'eyë tukxi'ika'any ja mwijy aaw mwijy ayuk.

Proverbios 1:7

Yë wijyajtën yë'ë mëët tsyo'ontä'äky ko nwinkutsë'këmëty yë Dios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Judas 1:8

Oy jyajëtu'unëty, tääpë ja'ayëty, jëtu'un jyuuky'atë tä jeexyë wyinkuma'atën, tyaj'ëxëëkëtë ja jyot nyini'kx, ka'ap ja Dios ja kyutujkën tsojkëtë ets y'ëxëëktijtëp ja kuttujkën këjxmëpë.

Gálatas 4:6

Paaty ojts tkexy ja y'u'unk myääy ma ja n'aaw'ajt njot'ajtëmën ets tyaj'ijxë ko xy'u'unk'ajtëmë, jëtu'unts ja Jya'awën xyaj'ëna'anëmë: Abbá. Tatë

1 Corintios 7:40

Ëjts jëtu'unës nja'ëna'any ko wäänë jotkujk tsyëënëty pën ka'ap jatëkok pyiky. Jëtu'unës nmay ntajy ets Dios yë jya'awën jëtu'un xyaj'ënaanpës.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Dios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Nehemías 9:30

Kanaak jëmëjt ojts xypyokymye'kxy ets xyjyajpa'ëyooy, mjatuk'ëwa'anëy mëët ja mmëkajtën m'oyajtën ets ja mkäjpxynyajxpëtëjk ets jeexyë ka'ap nëkoo nëë poky timpyanëkxtëkëtë mëët ja mtuunpë ets ja m'oyjot m'oywyinma'any; e yë'ëjëty ka'ap tim myëjpëjktaktë, paaty ojts xytyim'ijxmajtsnë ets ja myëtsip ojts yajnëjkxënëtë wiink naax wiink kajpn.

1 Samuel 10:19

E tyam m'ixtijnëtëp ja Tiosnë mëti'ipë të mjuutëtën ma ënety ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

1 Pedro 1:12

Dios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

1 Corintios 2:10

Ya'atë jëtu'un ja Dios të xytyuknija'awëmë mëët ja Kënu'kxymyëkajtën, jä'ä ko ja Kënu'kxymyëkajtën, yë'ë nyija'awëtyääpy winë, yë'ëpaat mëti'ipë yë Dios myääpy tyäjpyën.

Hechos 13:41

Ixtë, miitsëty mëti'ipë päjxtëpën, mëj'ix naak'ixtë ets mtimkyutëkoytyëty, jä'ä ko ntunäämpyës ja mëjëtypë ma ënety jam mjuuky'atën, mëti'ipë ka'ap xymyëpëktëtyën oy ënety pën mjatukmëmëtya'akëtë.

Isaías 53:10

Ja Wintsën ojts mëk yaj'ëyoyë mëët ja pëjkën ijxën. E yë'ëkyëjxm ko nyäkyë'ëyajkë tä tu'uk wintsë'kënën, winë xëëw winë jëmëjt jyuuky'ata'any ets y'ixäämpy ja y'u'unk y'ok, mëët yë'ëkyëjxm nëjkx oy wyimpëtsëmy jyëjpëtsëmy mëti'ipë ja Wintsën të tuknipëjktaakën.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

2 Corintios 1:22

Tëë ja ijxwë'ëmën tpëjktä'äky ma ëëtsajtëmën ets tëë ja Kënu'kxymyëkajtën tpëjktä'äky ma ja njoot'ajt nwinma'any'ajtëmën ets yajnijawëty ko xypyaat'ajtëmë ja oyajtën mëti'ipë miinpën.