1 Tesalonicenses 4:3 - Biblia Dc en Mixe de Quetzaltepec

³ Mëti'ipë Dios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

Biblia Mixe de Quetzaltepec

³ Mëti'ipë Tios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

1 Tesalonicenses 4:3 ပူးပေါင်းရင်းမြစ်များ

Salmos 143:10

Tukni''ijxëkës wi'ixës mëpaat ntunyën mëti'ipë mijts myajkutujkpyën, jä'ä ko mijts nTios'ajtyp, yë mmëkajtën m'oyajtën yë'ëjës xytyu'uwinwoop xytyu'uwinwijtsp ma ja në'ë tu'ujën mëtëypyë.

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Mateo 12:50

Jä'ä ko pën tyuunpy mëti'ipës yë nTeety tsajpjotmëpë tsyojkpyën, yë'ëjës nmëkä'äx'ajtyp ets yë'ëjës ntaak'ajtyp.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Mateo 5:32

Temë jëtu'un miits nëëmëtë: ko pën ja tyo'oxytyëjk t'ëxmatsy ets ka'ap yë'ëkyëjxmëty ko ja to'oxytyëjk mëët wiink ye'etyëjk y'ity, jotmayjoty ja tyo'oxytyëjk tpëjktä'äky, jä'ä ko tsojk ja tyo'oxytyëjk mëët wiink ye'etyëjk nyäwyin'ëënëtëty ets pyokytyuntëty, näjyëtu'un ënät ja ye'etyëjk mëti'ipë jëtu'unpë ja to'oxytyëjk pyuwa'këpën mëti'ipë tëë yaj'ëxmatsyën nän pokytyuunp ënety.

Mateo 7:21

Ka'ap nyi'ëmukëty tyëkëja'antë ja ja'ay ma ja tsajpjotmëtë kutujkënën mëti'ipës janaam jatsojk xy'ënëmaaytyëpën Wintsën. Yi'iyë jam tëkëjantëp mëti'ipë pyatuuntëpën ja nteetyës tsajpjotmëpë ja tsyojkën.

Marcos 3:35

Pën tyuunpy mëti'ipë ja Dios tsyojkpyën, yë'ë jëtu'un ëjts nmëkä'äx'ajtyp ets ntaak'ajtypyës.

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Juan 7:17

Pën jää pën tuna'any mëti'ipë Dios tsyojkpyën, nyijawëp pën jamës ja n'ijxpëjkën tsyoony ma Tiosën, ëkë pën nkë'ëmwinma'anyës nkäjpxyp.

Hechos 15:20

Nikë oy ko ja noky nkäjxmëty ets ntuk'ëwa'anëmëty ko yi'iyë ka'ap ja jëyujk tsu'utstëty mëti'ipë ëxëëkën, mëti'ipë ja tsaamëxan të yajtukwintsë'ëkën; ets näjyëtu'un ka'ap tkupëktëty ja pëjkën ukën ka'apë myëtëyëtyën, ets ko ka'ap tsu'utstëty ja jëyujk najts'ookëpë, ëkë ja yo'kpenypë, ëkë ja mëti'ipë kë'ëm o'kpën ets ja ne'pnymyëëtpë.

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënety mtuuntëp. Dios mkënu'kxëtëp.

Hechos 20:32

Mëku'uktëjkëty, tyam ja Dios miits ntukë'ëtëkëtë ets ntukmëwë'ëmtë ja Dios ja tsyojkën jya'awën. Yë'ë myëët'ajtyp ja mëk'ajtën ets myajyääkëtëty mëët ja kënu'kxymyëk'ajtën ets mo'ojëtëty tëkokyë mëti'ipë ja nyaax kyajpn të tukwinwanën.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Dios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Dios ja kyajpnën jä'äkyëjxm koos xymyëpëktë.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Dios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Romanos 6:22

E tyam, tëë xytyukpëtsëëmtu'utë ja poky, tëë jam mtëkëtë ma ja Dios ja tyuunkën. Mëti'ipë mtuk'oy'attëpën ets wa'ats myajpaattëty ets xypaatëty ja juukyajtën xëmëkyëjxmëpë.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Corintios 7:2

je'eyëp ko jä'äkyëjxm ko ja ja'ay pyokytyuntë ko xim yam nyämyëëtsëënëtë, nikë oy ko ja ye'etyëjk tu'ukyë ja tyo'oxytyëjk tmëëtsëënëtëty ets ja to'oxytyëjk tu'ukyë ja ye'etyëjk tmëëtsëënëty.

2 Corintios 12:21

Yë'ës näjyëtu'un ntsë'këp, ko ënety nëjkx nku'ixëtë, Dios je'eyës xyajtsëtyunëty ko ënety miits ka'ap tii oy xytyuntë ets je'eyës xyajjë'ë xyajya'axtëty mëët ko miitsëty je'eyë ëxëëkpë xytyuntë xykyajpxtë; tyimtso'ontäky jëtu'un pya'tkë'p'ajty. Ja ëxëëkpë yë'ë oy mtsojktëp, xim yam ja to'oxytyëjk xymyëët'atë ëkë ja to'oxytyëjkëty xim yam ja ye'etyëjk tmëët'atë.

Gálatas 5:19

Nikëxë'ëky yë'ëjëty mëti'ipë tyuuntëpën ja kyë'ëm winma'any: xim yam pën mëët tsyënaaymyuktë, tyuuntëp kyajpxtëp ja ka'apë y'oyëtyën, myëët'ajtëp ja ëxëëk atsojkën,

Efesios 5:17

Këtii tsuu poj tii xytyuntëty xykyajpxtëty, yë'ë mja'akyukëtëp mëti'ipë ja Wintsën tsyojkpyën.

Efesios 6:6

Mëtuntë yajxon, këtii jyääyëty ko ënety jam m'ixëtë ets oy mëët mwë'ëma'antë, nikë mëtuntë ijxtëm ja Kristë yajmëtunyën, ëmuumtu'ukjot ijxtëm ja Dios tsokyën.

Colosenses 1:9

Paaty, koos ojts nijawëtë, xëmë ja Dios miits ntuknija'amyätsëtë, n'amëtowtës ja Dios ets kä'pxy mtuknijawëtëty mëti'ipë tsyojkpyën ets mmo'ojëtëty tu'kë'ëyë wijyajtën kejyajtën mëët yë Kyënu'kxymyëk'ajtën.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

Colosenses 4:12

Mtuknikäjxëtëp näjyëtu'un ja kajpxpo'kxën ja Epafras, mëti'ipë ja Jesukristë myëtuumpyën, miits yë mja'ayëty. Xëmë yë'ë mninu'kxta'akëtë ko ja Dios tja'amyetsy ets oy m'ittëty ijxtëm ja Dios tsokyën.

1 Tesalonicenses 4:2

Jä'ä ko tëë xynyijawëtë ko ojts ntuk'ëwaanëtë mëët ja kuttujkën mëti'ipë ja Wintsën Jesús yäjkpyën.

1 Tesalonicenses 4:4

mjattëp wi'ix mjot mnini'kx xymyajts'ittëty ets m'ittëty oy wa'ats ets wintsë'kën mëët,

1 Tesalonicenses 5:18

Kukajpxëtë ja Dios oytyiijëty, jä'ä ko yë'ë ja Dios tsyojkpy xytyuntëty ko tu'ukyë m'itëty mëët ja Jesukristë.

1 Tesalonicenses 5:23

Wä'än ja Dios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënety ja poky xymyëët'atë ko ja Wintsën Jesukristë myinëty.

2 Tesalonicenses 2:13

E ëëtsëty xëmës nkukajpxëtë ja Dios mëët miitskyëjxmëty, jëëky mëku'ukëty mëti'ipë Dios tsojkëtëpën; jä'ä ko yë'ë të mwin'ixëtë ets jëyëjp xypaatëty ja nitsokën mëët ja Kyënu'kxymyëk'ajtën, mëti'ipë mëtëyën ets mëti'ipë të myajpokywya'atsëtën ko të xymyëpëktë.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hebreos 10:36

Mëët'atë ja mä'kxtujkën. Ko xytyuntëty ijxtëm ja Dios tsokyën, ënät nëjkx xyjyä'ä'atë mëti'ipës ja Dios të twaantä'äkyën.

Hebreos 12:16

Exkëm miits nitu'uk mjot mnini'kx xytyo'knëtë, këtii xypyäxtëty ja Dios ja myëj'ajtën, ijxtëm ja Esaú y'ëtitsyën ko ja kyä'äxkopk'ajtën ojts tukwinkupëky ja tojkx mëti'ipë je'eyë tu'k'ok tyojkxën.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.

1 Pedro 4:2

ets jyuuky'atëty ijxtëm ja Dios tsokyën mapaat yaa naaxwiiny yajpaatyën ets ka'ap jyëtu'unëty ijxtëm kë'ëm tsokyën.

1 Juan 2:17

Yë naaxwiinyëtë winma'any këjxnëp najxnëp yë'ënë mëët tëkokyë winë mëti'ipë ja'ay tsyojkën'ajtëpën; e pën ja Dios ja jyä'ä pyatuunëp xëmëkyëjxm jyuuky'ata'any.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.