1 Tesalonicenses 4:12 - Biblia Dc en Mixe de Quetzaltepec

¹² Ets mwintsë'ëkëtëty mëti'ipë ja Dios ka'ap tnijawëtën ets ka'ap pën xytyuk'ijxpätëty.

Biblia Mixe de Quetzaltepec

¹² Ets mwintsë'ëkëtëty mëti'ipë ja Tios ka'ap tnijawëtën ets ka'ap pën xytyuk'ijxpätëty.

1 Tesalonicenses 4:12 ပူးပေါင်းရင်းမြစ်များ

Colosenses 4:5

Oy mja'ay'atëty mëët ja ja'ay mëti'ipë ka'ap Kristë tmëpëktën. Yajtuunk'paatë ja xëëw.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

Romanos 12:17

Pën të mmëtëkoyëtë, ka'ap näjyëtu'un xytyuunwinpitëty. Xëmë tuntë ja oypyë ma ja naax kajpnën.

1 Timoteo 3:7

Näyjyëtu'un wiinkutsë'ëkëtëp ja mëpëjkpëtëjk, këtiipë nyipäxëtëkëty ets ja mëjku'u yajtëkoyëtëty.

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

Marcos 4:11

Tääts ja Jesús y'ënëmaayëtë: Miitsëty tëë ja Dios mtuknijawëtë mëti'ipë ijty kayajnija'apën; temë mëti'ipë jëkäm yajpatëpën mëët ja ijxpäjtën winë yajtukmëmëtya'aktë.

1 Tesalonicenses 5:22

Ixmatstë mëti'ipë ka'ap y'oyëtyën.

1 Pedro 3:1

Näyjyëtu'un miitsëty to'oxytyëjkëty, mëmëtowtëp ja mniye'etyëjkëty; ets jëtu'un, pën jam pën ka'ap ja Dios ja y'aaw y'ayuk tmëpëky jyëkyejpy myëpëkëty, ko t'ixëty oy winë yajtuny, ets ka'ap kyopkpëkyëty yajmëëtmëtya'akëty,

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.