1 Tesalonicenses 4:11 - Biblia Dc en Mixe de Quetzaltepec

¹¹ Jotmay'atë wi'ix mëpaat akujk jotkujk mjuuky'atën ets tuntë mëti'ipë mpatëtëpën. Tuntë pëktë mëët ja mkë'ëjëty, ijxtëm të n'ënä'ämtën.

Biblia Mixe de Quetzaltepec

¹¹ Jotmay'atë wi'ix mëpaat akujk jotkujk mjuuky'atën ets tuntë mëti'ipë mpatëtëpën. Tuntë pëktë mëët ja mkë'ëjëty, ijxtëm të n'ënä'ämtën.

1 Tesalonicenses 4:11 ပူးပေါင်းရင်းမြစ်များ

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.

Eclesiastés 4:6

E ëjts jëtu'unës n'ëna'any: Nikë tsoowpatp ni'ik ko ja'ay nyeajpo'kxyë jënu'un myëpaatëtyën ets këtii ko nëkooyë nyäyajtuunaxyë.

1 Pedro 3:4

yë'ë oy tsuj myaj'ittëp ja mjot mwinma'anyëty mëti'ipë ka'ap kyixy nyäxyën, mëti'ipë oyën ets yu'unk naxymën. Ja jëtu'unpë ja oyajtën yë'ë yë Dios yajtsowpatyp.

Tito 3:14

Wä'än näjyëtu'un ja nmëku'uk'ajtëmë tjatë ja oyajtën wi'ix ja myëku'uktëjk tputëkëtëty mëti'ipë tii yajmëyajtëpën ets ja jyuukyajtën tyajtuntëty.

1 Timoteo 2:2

Yajninu'kxta'aktëty ja yajkutujkpëtëjk ets kutuunktëjk; jëtu'un jotkujk n'ijtmëty njuuky'ajtmëty, mëët ja pa'ëyo'owën ets oy tsuj njuuky'ajtmëty.

Lamentaciones 3:26

Oy ko yë Wintsën n'a'ijx njëjp'ijxmëty yë näypyutëkë, yë'ë nyija'ap jëna'a xypyutëkëja'anëmë.

Proverbios 17:1

Jaak'oy ko ja'ay kääky tsyë'ëts tkay ets jotkujk nyäjyawëty, këtiinëm ko ja'ay xëmë xyëëwtuny ets tsiptuump jyuuky'äty.

1 Corintios 4:12

Ënu'kxëtëpës näjyëtu'un koos nyajtuntë ja nkë'ë ntekyëty. Koos ja ja'ay xypyoktë, oy aaw oy ayukës ntuk'ëtsoowinpijtëp. Tëës ja'ay xy'ixjëtit xypyajëtitë e ëëtsëty tëëjës nmëmëta'aktë.

1 Pedro 4:15

Pën jam pën y'ëyoy ma miitsëtyën, ka'ap yë'ëkyëjxmëty ko ënety të yajja'ay'ooky, ko mmäätstë ëkë ko ëxëëk m'ëtë'ëtstë, ëkë ko tiitsip xytyuktëkëtë ka'apë mpaatëtën.

1 Timoteo 5:13

Näy tää ja'ay jyëtitë winjëën wintëjk mëti'ipë nuuxëtyën ets ka'ap je'eyë nyuux'atë, nän pi'itskajpxtëp, xii yaa muum nyakuye'ey nyakunaxëtë ets wi'ix kawi'ixëty y'ëna'antë.

2 Corintios 5:9

Paaty tsojk njaakjuuky'ajtëm ijxtëm ja Wintsën tukjotkëtä'äkyën, oy yaa njaakjuuky'ajtmëty ëkë oy ënety nnëjkxënë.

Romanos 12:11

Tuk'o'kpätë ja oypyë tuunk. Ka'ap mnuuxta'aktëty. Mëtuntë Dios ëmuumtu'ukjot.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Marcos 13:34

Jëtu'un ijxtëm tu'uk ja ye'etyëjkën mëti'ipë jëkäm nëjkxpën. Ko tsyoony, y'ëne'empy ja tyuunpë ets tuunkmooytyä'äy ja tyuunpëtëjk ets t'ënëëmë ja tëjk ijxpë ets tkëwent'atëty.

Romanos 15:20

Xëmës ntsoky etsës nkajpxwa'kxëty ja oy aaw oy ayuk ma ka'anëm yajnijawën ja Kristë. Ka'apës jyamëty të ntëkë ma ja ja'ay të yajtuk'ëwaanëtën ja Kristë këtiipës nyajpaatëty jëtu'un ijxtëm ja ja'ayën mëti'ipë jyëjpkojëpën tu'uk ja tëjkkojtuk ma wiink ja'ay të tkojtso'ontä'äkyën.

Hechos 18:3

jam ojts wyi'im tuunpë. Näy jä'ä ja Pablo tyuunk'ajtyp ja wit tëjk xuuyk.

Proverbios 17:14

Tä nëë kyomyën, jëtu'un yë tsip yaj'ixy ko tsyo'ontä'äky; e oy wyimpëtsëmy ko yajkuke'eky ets këtii ko ja'ay tsyiptëkë.