1 Tesalonicenses 3:6 - Biblia Dc en Mixe de Quetzaltepec

⁶ E ja Timoteo ojts ja wyimpity ets tmëja'ajty ja ayuk oypyë wi'ix miits mmëpëktën ets ko ja mëku'uk oy xytsyoktë xyjyawëtë. Jëtu'unës të xynyëëmëtë ko xëmës miits xyjyä'ämyätstë ets ko näjyëtu'un ja tsojkën xymyëët'atë etsës xyjyapaata'an xyjya'ixa'antë, ijxtëm ëëts miits nja'ixa'antën näjyëtu'un.

Biblia Mixe de Quetzaltepec

⁶ E ja Timoteo ojts ja wyimpity ets tmëja'ajty ja ayuk oypyë wi'ix miits mmëpëktën ets ko ja mëku'uk oy xytsyoktë xyjyawëtë. Jëtu'unës të xynyëëmëtë ko xëmës miits xyjyä'ämyätstë ets ko näjyëtu'un ja tsojkën xymyëët'atë etsës xyjyapaata'an xyjya'ixa'antë, ijxtëm ëëts miits nja'ixa'antën näjyëtu'un.

1 Tesalonicenses 3:6 ပူးပေါင်းရင်းမြစ်များ

1 Corintios 11:2

Ntukxoontäkpyës miits mëku'uktëjkëty, ko xyjyä'ämyätstës ets ko xypyatuntë ja ijxpëjkën mëti'ipë të ntuk'ëwaanëtën.

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

1 Tesalonicenses 1:3

Xëmës miits nja'amyätstë nTeety'ajtëm Dios nmëpëjktsoy ko mtuntë mëët ja mëpëjkën ets ko xyjyëjp'ixtë ja Wintsën Jesukristë ets ko të mputëkëtë ets xymyënax xyajnaxtë amëk jotmëk ja ëyo'on jotmay.

Hechos 18:5

Ko ja Silas ets ja Timoteo jam jyajtë, Macedonia tsyoontë, ënät ja Pablo tu'ukyë tpatëjkëy ja Dios ja y'aaw y'ayuk tkajpxwa'kxë, ets tuk'ëwa'anëy ja jutiis ja'ayëty ko Jesús yë'ë jëtu'un Kristë.

Proverbios 25:25

Jëtu'un tä xeemynyëë ja'ay t'uukyën, jëtu'un yajjawë ja oy aaw oy ayuk mëti'ipë jëkäm tso'onpën.

Filipenses 1:8

Dios nyija'ap ko miits mëk nja'ixa'antë mëët ja Wintsën Jesukristë ja tsyojkën jya'awën.

1 Juan 3:23

Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.

Hebreos 13:7

Ja'amyätstë mëti'ipë të mkajpxwijëtën ets të m'ëwa'anxëtën ja Dios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

Hebreos 13:3

Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

Filemón 1:5

jä'ä ko tëëjës nijawë ko xymyëpëky ja Wintsën Jesús ets ko xytsyoky xyjyawë mëti'ipë juuky'ajtëpën wa'ats.

2 Timoteo 1:3

Xëëny kootsës yë Dios nmëkäjpxy ko mijts nja'amyetsy, etsës nkukajpxë ja Dios, mëti'ipës nmëtuumpyën wa'ats wiin wa'ats jot, näjyëtu'un ijxtëm tmëtuuntën ja n'aptëjkës.

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

1 Tesalonicenses 2:17

Mëku'uktëjkëty ko ojts n'ëknäy'ëxmajtsëmëpë, oy jeky nka'ijxtë, xëmë ijty nja'amyätstë ets ojts njaninëjkxa'antë kanaak'ok.

1 Tesalonicenses 2:9

Mëku'uktëjkëty, wa'ats ënät miits xyjyä'ämyätstë wi'ix ijty ntuntënës xëëny koots këtiipë myaj'atsiptëty ko ntukmëmëtyaktë ja oy aaw oy ayuk, mëti'ipë Dios jyä'ä'ajtypyën.

Colosenses 4:18

Ëjts Pablo, ëjts yam kë'ëm njääpy ya'atë kajpxpo'kxën ets miits ntuknijayëtë. Xyjä'ämyätstëpës koos yam tsumy n'ity. Dios mkënu'kxëtëp.

Colosenses 1:4

Jä'ä ko tëëjës nnijawëtë wi'ix miits xymyëpëktën ja Kristë Jesús ets ko xytsyoktë mëti'ipë ja Dios kajpn'ajtëtëpën.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

1 Corintios 13:13

Tëkëëk ja mëti'ipë tim kopkpëkyën: ja mëpëjkën, ja jëjp'ijxën ets ja tsojkën ja'awën; je'eyëp ko mëti'ipë wäänë kopkpëkyën ma ya'atë tëkëëkpën, yë'ë ja tsojkën ja'awën.

Hechos 18:1

Ënet ja Pablo jam tsyo'ony Atenas ets ojts nyijkxy Corinto.

Hechos 16:1

Tääts ja Pablo ets ja Silas jyajtë jam Derbe ets Listra. Jamts tpatë tu'uk ja mëpëjkpë, Timoteo xyëëwajtyp. Jutiis ja'ay tyaak'ajtyp, mëpëjkp näjyëtu'un; je'eyëp ko tyeety, griego ja'ay.

1 Tesalonicenses 3:7

Paaty, mëku'uktëjkëty, oy tsip'akuky ëyo'on akujky nja'ijtëmë, ntukxoontaktëpës koos tëë nmëtowtë wi'ix ja Dios xymyëpëktën.