1 Tesalonicenses 3:5 - Biblia Dc en Mixe de Quetzaltepec

⁵ Paaty, koos ënety ëjts ka'ap n'ëkmëmëta'akanë, ënätës nkejxy mëti'ipë myajtëwëtëpën wi'ix ja mëpëjkën xymyëët'attëty, jä'ä ko tsë'këpës ënety ko ntij yë mëjku'u tëë myajtuuntëkoyëtë ets ja ntuunkëtyës ka'ap tsyoowpaatëty.

Biblia Mixe de Quetzaltepec

⁵ Paaty, koos ënäty ëjts ka'ap n'ëkmëmëta'akanë, ënätës nkejxy mëti'ipë myajtëwëtëpën wi'ix ja mëpëjkën xymyëët'attëty, jä'ä ko tsë'këpës ënäty ko ntij yë mëjku'u tëë myajtuuntëkoyëtë ets ja ntuunkëtyës ka'ap tsyoowpaatëty.

1 Tesalonicenses 3:5 ပူးပေါင်းရင်းမြစ်များ

Mateo 4:3

Ënet ja mëjku'u nyimiinë ets wyinma'any ixa'anyë, ets y'ënëmaayë: Pën Dios mijts mU'unk'ajtëp, t'ënëëmë ya'atë tsaa ets y'awinpitëty tsajpkääky.

2 Corintios 2:11

Jëtu'un ka'ap ja mëjku'u xymyëmëtakmëty mëti'ipë nija'awëmën ko je'eyë wyin'ëëny.

Filipenses 2:16

Mëj xyajnaxtëty ja Dios ja y'aaw y'ayuk, mëti'ipë ja juukyajtën xytyukpatëmën. Ko ënety ja Kristë myiny nëjkxëpës jotkujk näjyawëty ko ënety miits oy winë të xytyuntë ets n'ëna'anëtyës ko ka'ap të nyatëkë'aty ja ntuunkës.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Isaías 49:4

Ëjts jëtu'unës ënety nmay ntajy: Natëkës të njuuky'äty, nëkoopës ja njot nmëjaaw të nyajma'aty. Tim mëtëypyë yë Dios yë'ëjës xynyipaye'eyaanp, ets mëti'ipës nkuma'ayën'ajtypyën tam ja Dios tmëëtëty.

Gálatas 4:11

Njëjpja'awëpës ko wä'änxyëp ja ntuunkës të kya'oyë ma miitsëtyën.

Gálatas 2:2

Paatyës ojts jam nnëjkxy jä'ä ko tëëjës ënety ja Tiosën xytyuk'ixyës etsës jam nëjkxtë. Jamës ojts ntuk'ëwaanëtë ja naax kajpn ja oy aaw oy ayuk mëti'ipës nkajpxwä'kxypyën ma ja ja'ayëtyën ka'apë jyutiis ja'ay'atën. Ets ojts näjyëtu'un ntukmëmëtya'aktës ëpëky ja kutuunktëjkëty ets ja mëjja'aytyëjkëty jampë yajpaatën ets nijawëtëty yajxon ko ja ntuunkës mëti'ipës ntuunk'ajtypyën ka'ap nëkoo nyatëkë'aty.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Dios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

1 Tesalonicenses 3:6

E ja Timoteo ojts ja wyimpity ets tmëja'ajty ja ayuk oypyë wi'ix miits mmëpëktën ets ko ja mëku'uk oy xytsyoktë xyjyawëtë. Jëtu'unës të xynyëëmëtë ko xëmës miits xyjyä'ämyätstë ets ko näjyëtu'un ja tsojkën xymyëët'atë etsës xyjyapaata'an xyjya'ixa'antë, ijxtëm ëëts miits nja'ixa'antën näjyëtu'un.

1 Tesalonicenses 2:1

Mëku'uktëjkëty, mnija'awëtëp ko ojts miits nku'ixëtë, ka'apës ja nxëëw ntiempo nëkoo nyatëkë'ajty.

Hechos 15:36

Komjeky ja Pablo t'ënëmaay ja Bernabé: Oy nja'amëty jatëkok kajpn kajpn maajëty ja Dios ja y'aaw y'ayuk të nkajpxwa'kxëmën ets n'ijxmëty ja nmëku'uk'ajtëmë wi'ix jam jyatë kyëpätë.

2 Corintios 6:1

Jëtu'un, ijxtëm ëëtsajtëm nmëtu'unëmën ja Dios, tyam nmënu'kxta'aktë ets xytyukjuuky'atëty ja oyajtën mëti'ipë ja Dios të mtuk'ixëtën,

Filipenses 2:19

Pën ënaanp ja Wintsën Jesús, nkäxëpës ja Timoteo ets nëjkx mku'ixëtë, etsës njotkujk'atëty ko tmëminëty ja aaw ayuk wi'ix ënety miits myajpaatën.

Daniel 6:19

Tim je'eyë xyiinyëy ets pyëti'ky ets ojts nyijkxy ma ja kaa ijtaknën ma ja Daniel ënety të yajkujëpipën.