1 Tesalonicenses 3:3 - Biblia Dc en Mixe de Quetzaltepec

³ këtiipë pën myäyëty tyajëty ma ya'atë tsyiptä'äkyën. Wa'ats xynyijawëtë ko tëë nyajtuknipëjktakëmë ets n'ëye'eymyëty.

Biblia Mixe de Quetzaltepec

³ këtiipë pën myäyëty tyajëty ma ya'atë tsyiptä'äkyën. Wa'ats xynyijawëtë ko tëë nyajtuknipëjktakëmë ets n'ëye'eymyëty.

1 Tesalonicenses 3:3 ပူးပေါင်းရင်းမြစ်များ

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

Romanos 5:3

Ka'ap yi'iyë ntukxoontakmëty ja jotkujk'ajtën, näjyëtu'un ko n'ëyo'owmëty, jä'ä ko nnija'awëm ko ja ëyo'on yë'ë xyajmëkpëjkëm ets nmëmëtakmëty.

Hechos 9:16

Ntuk'ix ntuknijawëpës wi'ixës xykyu'ëyowëtyën.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

Hechos 21:13

E ja Pablo jëtu'un y'ëtsooy: ¿Tii ko mya'axtë etsës xyajkumon xyajkutukëtë? Ëjts tëëjës ntuknipëjktaakë wä'än timwyi'ixëty, nkupëkäämpës pën yajtsuumpës ets oyës ntimy'ookëty jam Jerusalén mëët koos yë Wintsën Jesús nmëpëky.

1 Tesalonicenses 5:9

Ka'ap ja Dios yë'ë të xytyuknipëjktakëmë ja ëyo'on, yë'ë të xytyuknipëjktakëmë ets npatmëty ja nitsokën Wintsën Jesukristë mëët.

1 Corintios 4:9

E ëëtsëty, Jesukristë y'ayuk kajpxwa'kxpë, jëtu'unës nja'akyukëtë koos yowë Dios ix'ok të xyajwë'ëmtë ijxtëm jeexyë ëëts ja n'o'kën të kyutujknëtën ets yajja'ayxyikpë ëëts xywyanëtë ja naaxwiinyëtë ja'ay ets ja tsajpjotmëtë kukäjpxy.

Salmos 112:6

jëtu'unpë ja'ay ka'ap wi'ix jyata'any. Yë wa'ats ja'ay xëmë ja'amyetsy y'ita'any.

1 Pedro 2:21

Paaty ja Dios të mmëkajpxëtë, jä'ä ko tëë ja Kristë mku'ëyowëtë ets të najtstunë mëti'ipë miits xykyuuy'ixtëpën.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

Efesios 3:13

Paaty këtii xymyëmay xymyëtajtëty ko miits nku'ëyowëtë. Miits yë'ë mtuk'oy'ajtëp koos yap n'ity.

Hechos 2:25

Jëtu'un ja David nimëtyä'äky ja Jesús: Xëmës ijty n'ixy ja Wintsën nwintuuyës, mëë ko yë'ë yajpaaty maas yë n'a'oykyë'ëjën, ka'apës pën xyajkutëkoyëty.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Lucas 21:12

Naamka'anëm ënety jëtu'un jyäty kyëpetynyëm, ko nëjkx miits myajmatstë, myajpajëtijta'aktë, myajkë'ëyaktë ma ja tsajptëjkën ets myajtsumtë ets myajmënëjkxtë ma ja yajkutujkpëtëjkën jä'äkyëjxm ko ënety miits të mëpëktë ma ëjtsën.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

2 Tesalonicenses 1:4

Paatykyëjxm miits jotkujk nimëtya'aktë maajëty ja Dios ja jyä'äy ye'eymyuktën, tääts jëtu'un mëj'äämpy mnaxtë mëët ja mëpëjkën, oy ja ja'ay ëxëëk mja'ixëtë ets mjapajëtitëtë.

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Filipenses 1:28

je'eyëp ko këtii mnätyuk'ëtsë'ëkëtëty ja mmëtsipëty. Ko xykyatsë'ëkëtëty, yë'ë mtuknijawëtëp ko kutëyoyantëp ënätyëty ets nän yë'ë yajtunijawëp ko ënety ja nitsokën xypyaata'antë. Ya'atë Dios jëtu'un të tuknipëjktaakë.

Hechos 21:11

Ko jyä'äjty maas ënety jamëtyën, ënät ja Pablo ja wyëën yajwijtsë'ky ets nyätyukë'ëtsuum nyätyuktekytsyuumë, ets y'ënäny: Ja Kënu'kxymyëkajtën jëtu'un ënaanp: ko yë jutiis ja'ayëty mëti'ipë jam Jerusalén yajpatëpën, jëtu'un tmatsa'antë ya'atë wëën yë nyiwintsën ets tkë'ëyaka'antë ma ja kutuunktëjkën mëti'ipë ka'ap jyutiis'atën.

Job 23:14

Ijxtëm të tuknipëjktaakën xytyuna'anyës, jëtu'un xytyuna'anyës ets näjyëtu'un tuna'any wiinkëtypë.