1 Tesalonicenses 3:2 - Biblia Dc en Mixe de Quetzaltepec

² ets nkäjxtës ja nmëku'uk'ajtëm Timoteo, mëti'ipë Dios myëtuumpyën ets mëti'ipës mëët nkajpxwä'kxtën ja aaw ayuk oypyë ma Kristë yajnimëtyä'äkyën. Paatyës nkäjxtë ets nëjkx mku'ixëtë, mjotmëkwinkajpxëtë wi'ix tu'ukyë ja mëpëjkën xymyëët'attëty,

Biblia Mixe de Quetzaltepec

² ets nkäjxtës ja nmëku'uk'ajtëm Timoteo, mëti'ipë Tios myëtuumpyën ets mëti'ipës mëët nkajpxwä'kxtën ja aaw ayuk oypyë ma Kristë yajnimëtyä'äkyën. Paatyës nkäjxtë ets nëjkx mku'ixëtë, mjotmëkwinkajpxëtë wi'ix tu'ukyë ja mëpëjkën xymyëët'attëty,

1 Tesalonicenses 3:2 ပူးပေါင်းရင်းမြစ်များ

Filipenses 1:25

Yë'ëkyëjxm ko jëjp'ixy nmëët'atyës koos njaakjuuky'ata'any mëët miitsëty ets njaakputëkëtëty wi'ix mtu'uye'eytyëtyën ets wi'ix xymyëët'atëtyën ja xoontakën ma mëpëktën.

2 Corintios 8:23

Pën jam pën tyajtëy ja Tito, nëëmëtë ko tyamës ja mëët ets ko mëkës yam ntuntë ko miits mputëkëtë; e pën jam pën tyajnitëwë näjyëtu'un ja wiinkëtypë ja mmëku'uk'ajtëmë, nëëmëtë ko ja mëpëjkpëtëjk yë'ë të kyäxëtë ets ko tmëjjaw tjaantyjawëtë ja Kristë.

2 Corintios 1:19

Jä'ä ko yë Jesukristë, Dios yë y'u'unk, mëti'ipë Silvano, Timoteo ets ëjts të nimëtya'aktën ma miitsëtyën, ka'apës je'eyë të nkajpxmin të nkajpxëptë,

2 Corintios 1:1

Ëjts Pablo, Jesukristë y'ayuk kajpxwa'kxpë. Ëjts, mëët ja Timoteo ntuknikäxtës ya'atë noky ja mëpëjkpëtëjkëty mëti'ipë jam ye'eymyujktëpën Corinto ets ja Dios ja jyä'äyëty mëti'ipë yajpatëpën ma Acaya itjotmën.

Romanos 16:21

Timoteo, mëti'ipës mëët ntunyën, mtuknikäjxëtëp ja kajpxpo'kxën ets näjyëtu'un ja Lucio, Jasón ets ja Sosípatro, ëjts ja nmëku'uktëjkës.

Hechos 16:5

Jëtu'un ja mëpëjkpëtëjk tu'ukyë ja wyinma'any tpëjktaktë ets nyimayëtë winjëpom.

Hechos 16:1

Tääts ja Pablo ets ja Silas jyajtë jam Derbe ets Listra. Jamts tpatë tu'uk ja mëpëjkpë, Timoteo xyëëwajtyp. Jutiis ja'ay tyaak'ajtyp, mëpëjkp näjyëtu'un; je'eyëp ko tyeety, griego ja'ay.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

Colosenses 4:12

Mtuknikäjxëtëp näjyëtu'un ja kajpxpo'kxën ja Epafras, mëti'ipë ja Jesukristë myëtuumpyën, miits yë mja'ayëty. Xëmë yë'ë mninu'kxta'akëtë ko ja Dios tja'amyetsy ets oy m'ittëty ijxtëm ja Dios tsokyën.

Colosenses 4:9

Näy tam mëët nyijkxy ja nmëku'uk'ajtëm Onésimo, ja nmëëtmëpëjkpë'ajtëm mëti'ipë ni'ik yajmëku'ukja'apën ets oy tmëtuny ja Kristë. Yë'ë mtukmëmëtya'akëtëp tii yam tuunëp jajtëp.

Colosenses 1:7

Yë'ë ojts mtuk'ijxpëkëtë ja nmëku'uk'ajtëm Epafras, mëti'ipës mëët ntuunmujktën ets myëtuumpy ja Kristë ma miitsëtyën.

Colosenses 1:1

Ëjts Pablo, Jesukristë y'ayuk kajpxwa'kxpë mëët ko ja Dios jëtu'un të tuknipëjktaakë, mëët ja nmëku'uk'ajtëm Timoteo,

2 Corintios 2:13

Oy jyajëtu'unëty, ka'apës ja n'aaw njot xyoontä'äky. Jä'ä ko ka'ap ojts jam npaatyës ja mmëku'uk'ajtëmë Tito, paaty ojts näjyëkyäjpxyës jam ets ojts nnëjkxyës Macedonia.

1 Corintios 4:17

Paaty ntuknikäxtë ja Timoteo, mëti'ipës ni'ik ntsojkpyën ets n'u'unkja'apën ma ja mëpënjkënën. Yë'ë nëjkx mtukja'amyätsëtë wi'ixës winë të ntunyën koos ja Kristë të nmëpëky, jëtu'un ijxtëmës të nyaj'ijxpëkyën maajatyës të nnaxyën.

Hechos 18:5

Ko ja Silas ets ja Timoteo jam jyajtë, Macedonia tsyoontë, ënät ja Pablo tu'ukyë tpatëjkëy ja Dios ja y'aaw y'ayuk tkajpxwa'kxë, ets tuk'ëwa'anëy ja jutiis ja'ayëty ko Jesús yë'ë jëtu'un Kristë.

1 Corintios 3:10

Ëjts jëtu'unës të ntuny ijxtëm tu'uk yë pojtspën, maas ja Dios të xypyëjktä'äkyën ets ja potsy ëjx nyajtso'onta'akëtyës ets ja wiinkpë të myintë mëti'ipë të tjëjpëtën. Je'eyëp ko nitu'ukjaty mëk ja tyuunk tkëwent'atë.

2 Corintios 2:12

Koos nja'ajty jam Troas etsës nkajpxwä'kxy ja oy aaw oy ayuk ma Kristë yajnimëtyä'äkyën, ja nWintsënës yaj'ëwats ja nnë'ë ntu'ujës.

1 Tesalonicenses 3:5

Paaty, koos ënety ëjts ka'ap n'ëkmëmëta'akanë, ënätës nkejxy mëti'ipë myajtëwëtëpën wi'ix ja mëpëjkën xymyëët'attëty, jä'ä ko tsë'këpës ënety ko ntij yë mëjku'u tëë myajtuuntëkoyëtë ets ja ntuunkëtyës ka'ap tsyoowpaatëty.

2 Tesalonicenses 2:17

yë'ë myajjotkujk'atëtëp, mjotmëkmo'ojëtëp ets tu'kë'ëyë winë oy xytyuntëty xykyajpxtëty.