1 Tesalonicenses 3:13 - Biblia Dc en Mixe de Quetzaltepec

¹³ Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

Biblia Mixe de Quetzaltepec

¹³ Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Tios wyintum ko ënäty myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

1 Tesalonicenses 3:13 ပူးပေါင်းရင်းမြစ်များ

1 Tesalonicenses 5:23

Wä'än ja Dios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënety ja poky xymyëët'atë ko ja Wintsën Jesukristë myinëty.

Colosenses 1:22

E tëë ja Dios tpëjktä'äky ja näykyajpx'oyë mëët miitsëty ko Kristë të myajjootwinpitëtë ets ko ja Kristë wyimpijty ja'ayën ets ojts mku'ookëtë kruutskëjxm. Paaty jëtu'un të tuny ets miits wa'ats myaj'ita'anëtë Dios wyintum, ka'ap tii poky xy'ëkmëët'ajnëtëty ets ka'ap m'ëk yajpoky'ijxnëtëty.

Efesios 5:27

ets tyaj'ita'any wa'ats, oy, ka'ap xyootsëty ets ka'ap y'äämyëty.

1 Tesalonicenses 2:19

Jä'ä ko ¿pën n'ëktukjotkujk'atëpës ets jotkujk xyajnäjyawëtëtyës, ëkë pën jëtää ëëts n'ëktukxoonta'aktëp ëkë mëj xyajnaxtëpës jam ma Wintsën Jesukristën ko ënety myiny? ¿Këtii myiits'atë, këtii tyiyëtyë?

Judas 1:14

Näyjyëtu'un yë Henoc, ja mëwëxtujkpë y'ijtyën jëwyiin yë Adán, ojts kyäjpxy ets nimëtyäky ya'atë ja'ay: Tëës n'ixy ja Wintsën, mëët mil'am ja y'anklëstëjk,

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Zacarías 14:5

e miitsëty jamtsow nëjkx mkä'äktë ma ja olivë kopk mäjtskpëky të nyäwyä'kxyën mëti'ipë jampaat ja'ajtpën Asal, awinmtsow. Jëtu'un nëjkx mkä'äktë tä tëëyëp kyäktën yë m'ap m'okëty ko ja naaxwiinyëtë ojts mëk yu'kxy ma ënety yajkutukyën yë Ozías, mëti'ipë jam ënä'ämpën Judá. Ets nëjkx myiny yë Wintsën mëët yë tyuunpëtëjk mëti'ipë ënety oy të myëtunyën.

1 Tesalonicenses 4:15

Paaty miitsëty ntuk'ëwaanëtë wi'ix ja Wintsën y'ënä'änyën. Mëti'ipë juuky'ajtëpën koonëm ja Wintsën myinëty, ka'ap tjëkyepy yë'ë nwinaxa'anmëty ja tëëpë y'ooktën.

1 Tesalonicenses 3:11

Ntsojktëpës ets ja Dios mëti'ipë nTeety'ajtëmën ets ja Wintsën Jesukristë ëëts xypyutëkëtëty ets miits nëjkx nku'ixëtë.

Filipenses 1:10

ets xynyijawëtëty wi'ix xywyin'ixtëty mëti'ipë oyën, jëtu'unts ja juukyajtën wa'atspë xymyëët'attëty ets ka'ap tii poky xytyuntëty ko ja Kristë wyimpitëty.

Deuteronomio 33:2

ets y'ënäny: Jam Sinaí yë Wintsën të tsyoony; mëti'ipë të xykyutë'kx të xykyujajëmën maju'unëm ntso'onëmën jam Seir, jampaat të tyi'kxy ma Parán kopkën ets të nyäxy Meribá-cadés; ma y'a'oykyë'ëjën xytyuknimi'inëm ja ënä'ämën tëyajtën.

2 Tesalonicenses 2:1

Mëku'uktëjkëty, ko ja Wintsën Jesukristë myina'any ets ko mëët nyajpaata'anëmë, n'amëtoow npëjktsoowtëpës

2 Tesalonicenses 1:10

Jëtu'un jyata'any jä'ä xëëw ko ënety ja Wintsën myiny, ko jyä'äy myëjjaw jyääntyjawëtëty ets tyukxoonta'akëtëty ni'ëmukë. Jam miits näjyëtu'un myajpaatëty, jä'ä ko tëë xymyëpëktë mëti'ipës të nkäjpxy të nmëtya'aktën.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

Romanos 14:4

¿Mpën mijts ko xypyoky'ixy ja ja'ay mëti'ipë Dios myëtuumpyën? Pën oy ëkë ëxëëk winë tuny, yë'ë kë'ëm nyija'ap. E yë'ë oy wyë'ëma'any, jä'ä ko yë Wintsën myëët'ajtyp yë mëk'ajtën ets oy yajwë'ëmëtëty.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

1 Corintios 15:23

Tuknipëjktaakë y'ity nitu'ukjaty. Ja Kristë jëyëjp ets ok nimina'any ja jyä'äy.

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Gálatas 1:4

Mëti'ipë të tku'ookën ja npoky'ajtëmë, ijxtëm ja Dios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

1 Tesalonicenses 3:2

ets nkäjxtës ja nmëku'uk'ajtëm Timoteo, mëti'ipë Dios myëtuumpyën ets mëti'ipës mëët nkajpxwä'kxtën ja aaw ayuk oypyë ma Kristë yajnimëtyä'äkyën. Paatyës nkäjxtë ets nëjkx mku'ixëtë, mjotmëkwinkajpxëtë wi'ix tu'ukyë ja mëpëjkën xymyëët'attëty,

1 Tesalonicenses 4:17

ets jënu'un ënety njaakjuuky'ajtëmën, tu'kmukyë nëjkx nyajmënëjkxëmë pojjoty yootsjoty ets nëjkx mëët nnäpyatëmë ja Wintsën, jëtu'unts xëmëkyëjxm n'ijtmëty mëët Yë'ë.

2 Tesalonicenses 1:7

ets miits myajpo'kxëtëty ma tyam m'ëyowtën, näjyëtu'un tä ëëtsëtyën. Jää nëjkx jëtu'un jyäty kyëpety ko ënety ja Jesús myiny mëët ja y'anklëstëjk kutujkënmëëtpë jam tsajpjotm.

Santiago 5:8

Näyjyëtu'un miits mëët'atë ja mä'kxtujkën, tu'ukyë ja winma'any xyaj'itëty, jä'ä ko wiinkoonp ja xëëw ma ja Wintsën myina'anyën.