1 Tesalonicenses 2:2 - Biblia Dc en Mixe de Quetzaltepec

² Mnija'awëtëp näjyëtu'un ko oyës ojts nyajwinkäjpx nyajjëjpkajpxtë ëkë o'ktëyës nyajtuuntë jam Filipos, ojts ëëts ja Dios xypyutëkë ets myajtuk'ëwaanëtëty ja aaw ayuk oypyë. Aamëk jotmëkës ojts nkajpxwa'kxtë oy ja ëtujkpë jam ni'ik jyayajpaty.

Biblia Mixe de Quetzaltepec

² Mnija'awëtëp näjyëtu'un ko oyës ojts nyajwinkäjpx nyajjëjpkajpxtë ëkë o'ktëyës nyajtuuntë jam Filipos, ojts ëëts ja Tios xypyutëkë ets myajtuk'ëwaanëtëty ja aaw ayuk oypyë. Aamëk jotmëkës ojts nkajpxwa'kxtë oy ja ëtujkpë jam ni'ik jyayajpaty.

1 Tesalonicenses 2:2 ပူးပေါင်းရင်းမြစ်များ

Hechos 4:13

Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënety maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

Hechos 16:37

E jëtu'un ja Pablo t'ënëmaay ja kukäjpxy: Nen Romë ja'ay ëëtsëty, ets tëëjës nyajwop nyajka'atstë mayjyä'äyjoty nanëkookyëjxm, ka'anëm ënety ja npokyës yajpaye'eynyëm, ets tëëjës näjyëtu'un nyajtsumtë. ¿Wi'ix ko ënät tyam yu'utsy me'tsy xy'ëxmatsa'antës? Ka'ap jëtu'un myëtëyëty. Wä'än kë'ëm tmintë ja kutuunktëjkëty etsës yë'ë xyajpëtsëmtëty.

1 Tesalonicenses 1:5

paaty ko ojts miits ntuk'ëwaanëtë ja oy aaw oy ayuk, ka'ap ojts je'eyë nwinmëtya'aktë, ja Dios yë myëjaaw myëk'ajtën ets ja Kyënu'kxymyëk'ajtën ojts xyajtuntës ets tsyojkën jya'awën. Wa'ats miits xynyijawëtë wi'ixës ojts winë ntuntën ma miitsëtyën ets xytyuk'oy'attëty.

Colosenses 2:1

Yë'ës ntsojkpy ets miits xynyijawëtëty ko mëk yam nnitsiptuntë ets näjyëtu'un mëti'ipë tsënaaytyëpën jam Laodicea ets ni'ëmukë ja wiinkëtypë mëti'ipë ka'ap xy'ixy'atës.

Hechos 17:17

Paaty jam tsajptëkotm nikajpx nimëtyaktë mëët ja jutiis ja'ayëty ets ka'apë jyutiis'atën mëti'ipë ja Dios y'ëwtajtëpën ets xëmë winjëpom ijty tnimëtya'aktë ko ye'eymyuktë.

Hechos 14:3

E ja Pablo ets ja Bernabé ojts jam jyaak wë'ëmtë kanaak xëëw, yë'ë xëmë ja Wintsën tyuk'ijxpäjtë paaty ojts myëtya'aktë amëk jotmëk; ets ja Wintsën jä'ä yajtëytyëjkëp mëti'ipë yë'ë nyimëtyaktëpën ko myo'ojëtë ja mëk'ajtën ets ja mëj'ajtën tyaj'ixëtëty.

Hechos 5:41

Ënet ja ijxpëjkpëtëjk pyëtsëëmtë juntëjoty, akujk jotkujk tsyo'onëtë, jä'äkyëjxm ko ja Dios ënety të tyajkutuky ets y'ëyo'onpaatëty ko ja Jesús tnikäjpxy tnimëtya'aktë.

Hechos 4:31

Ko ja Dios tja'amyäjtstaaytyë, tääts ja tëjk tsyëyuuypyijky ma ënety jam të nyiye'eypyätën ets ja ja'ayëty t'ëxajëtyääytyë ja Kënu'kxymyëk'ajtën ets amëk jotmëk nimëtyaktë ja Dios ja y'aaw y'ayuk.

Hechos 4:20

Ëëtsëty ka'ap tjëkyepy amonyë n'itëtyës ets nkanikajpxtëtyës mëti'ipës të n'ixy të nmëtowtën.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Dios të mo'ojëtën.

Hechos 19:8

Tëkëëk po'o ja Pablo jam y'ijty ets xëmë ijty nyijkxy ma ja tsajptëjkën jam Éfeso, tukmëmëtyä'äky ja ja'ay ja Dios ja y'aaw y'ayuk amëk jotmëk, ets ja ja'ay tjatukmëpëka'any wi'ix ja Dios ja kyutujkënën.

Hechos 16:12

Jamës ntso'ontë etsës ojts nnëjkxtë Filipos, Roma jam ënä'ämp ma tääpë kajpnën, mëj'äämpy nyäxy ma Mecedonië nyaaxjotmën. Jamës n'ijtë jeky jyawë.

Hechos 14:5

Ënet ja jutiis mëët mëti'ipë ka'ap jyutiis'atën tkäjpxy'ajtë mëët ja kutuunk ets twopa'an tka'atsa'antë ja Pablo ets ja Bernabé.

Hechos 16:19

Ko ja to'oxy'ëna'k ja wyintsën t'ijxtë ko ka'ap y'ëkmeenypyatnëtë, ënät tmajtstë ja Pablo ets ja Silas, ets ojts tyajnëjkxtë ma ja kutuunkën, jap kajpn'ikujky.

Hechos 17:1

Tääts ko jam tsyo'ontë ets nyaxtë Anfípolis ets Apolonia, jyajtë jam Tesalónica kajpnjotm. Jam ijty ja jutiis ja'ayëty tmëët'atë tu'uk ja tsajptëjk.

Romanos 1:1

Ëjts Pablo, Kristë Jesús myëtuunpë. Tiosës të xywoowtsoy etsës nmëtunëty, të xytyuknipëkyës ets nkajpxwa'kxëtyës ja y'aaw y'ayuk oypyë.

2 Corintios 3:12

Mëët yë'ë ko tääpë ja oyajtën n'a'ix njëjp'ijxëmë, paaty akujk jotkujk nikajpx nimëtyakëmë.