1 Tesalonicenses 2:19 - Biblia Dc en Mixe de Quetzaltepec

¹⁹ Jä'ä ko ¿pën n'ëktukjotkujk'atëpës ets jotkujk xyajnäjyawëtëtyës, ëkë pën jëtää ëëts n'ëktukxoonta'aktëp ëkë mëj xyajnaxtëpës jam ma Wintsën Jesukristën ko ënety myiny? ¿Këtii myiits'atë, këtii tyiyëtyë?

Biblia Mixe de Quetzaltepec

¹⁹ Jä'ä ko ¿pën n'ëktukjotkujk'atëpës ets jotkujk xyajnäjyawëtëtyës, ëkë pën jëtää ëëts n'ëktukxoonta'aktëp ëkë mëj xyajnaxtëpës jam ma Wintsën Jesukristën ko ënäty myiny? ¿Këtii myiits'atë, këtii tyiyëtyë?

1 Tesalonicenses 2:19 ပူးပေါင်းရင်းမြစ်များ

Proverbios 12:4

Yë to'oxytyëjk mëti'ipë wijyën, mëj'äämpy yë nyiye'etyëjk tyajnaxy; e yë to'oxytyëjk mëti'ipë tsuujën, ëxëëk yë nyiye'etyëjk tyajjaty.

Proverbios 16:13

Yë yajkutujkpëtëjk oy tsoktë ko yë ja'ay kyäjpxy myëtyä'äky mëët yë näwyinkutsë'ëkë ets tëyajtën.

Proverbios 17:6

Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.

Proverbios 4:9

Mo'ojanëp tu'uk yë mkujän mëti'ipë janty'oy këxë'kpën, yë'ë mëët y'oytyunyëty yë pëjy ets tpëjkta'aka'any ma mkëpajkën.

Isaías 62:3

Mijts mëj'äämpy m'ita'any ma Dios kyë'ëjën, jëtu'un tä tu'uk kujänën mëti'ipë yajkutujkpë yajtuumpyën,

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Juan 21:22

Ënet ja Jesús y'ëtsoowë: Pën ntsojkpyës ets jyuuky'atëty jääpaat maajës ënety nwinpityën, ¿ka'ap kyopkpëkyëty ets mijts xynyijawëty? mijts pamiinkës.

1 Corintios 15:23

Tuknipëjktaakë y'ity nitu'ukjaty. Ja Kristë jëyëjp ets ok nimina'any ja jyä'äy.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

2 Corintios 1:14

ko miits tëë xynyijawëtë wi'ix ëëts ja jot winma'any nmëët'atën, ko ënety wyimpity ja Wintsën Jesús, jää nëjkx mnäyjyawëtë akëtä'äky jotkëtä'äky ëëtskyëjxmëty, näjyëtu'un ijxtëm ëëts nëjkx näjyawëtën akëtä'äky jotkëtä'äky mëët miitskyëjxmëty.

Filipenses 2:16

Mëj xyajnaxtëty ja Dios ja y'aaw y'ayuk, mëti'ipë ja juukyajtën xytyukpatëmën. Ko ënety ja Kristë myiny nëjkxëpës jotkujk näjyawëty ko ënety miits oy winë të xytyuntë ets n'ëna'anëtyës ko ka'ap të nyatëkë'aty ja ntuunkës.

Filipenses 4:1

Paaty, mëku'uktëjkëty, mëti'ipës njatsojkpyën yë'ë ets jeexyë nëjkx nku'ixëtë; miitsëty mëk n'oyjawëtë ets ntukxoontaktëp; jëtu'un njawëtë ijxtëm tu'uk ja kuma'ayënën. Itë jëtu'un mëk ma ja Wintsën xymyëpëktën.

1 Tesalonicenses 2:20

Miitskyëjxm ëëts nmëjnaxtë ets jotkujk nyajpaatës.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

1 Tesalonicenses 4:15

Paaty miitsëty ntuk'ëwaanëtë wi'ix ja Wintsën y'ënä'änyën. Mëti'ipë juuky'ajtëpën koonëm ja Wintsën myinëty, ka'ap tjëkyepy yë'ë nwinaxa'anmëty ja tëëpë y'ooktën.

1 Tesalonicenses 5:23

Wä'än ja Dios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënety ja poky xymyëët'atë ko ja Wintsën Jesukristë myinëty.

2 Tesalonicenses 1:4

Paatykyëjxm miits jotkujk nimëtya'aktë maajëty ja Dios ja jyä'äy ye'eymyuktën, tääts jëtu'un mëj'äämpy mnaxtë mëët ja mëpëjkën, oy ja ja'ay ëxëëk mja'ixëtë ets mjapajëtitëtë.

2 Tesalonicenses 1:7

ets miits myajpo'kxëtëty ma tyam m'ëyowtën, näjyëtu'un tä ëëtsëtyën. Jää nëjkx jëtu'un jyäty kyëpety ko ënety ja Jesús myiny mëët ja y'anklëstëjk kutujkënmëëtpë jam tsajpjotm.

2 Tesalonicenses 2:1

Mëku'uktëjkëty, ko ja Wintsën Jesukristë myina'any ets ko mëët nyajpaata'anëmë, n'amëtoow npëjktsoowtëpës

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Santiago 5:7

Miits mëku'uktëjkëty mëët'atë ja mä'kxtujkën koonëm ja Wintsën myinëty, ijxtëm ja kam tuunpëtëjk mëët ja mä'kxtujkën t'ëwxitë ja nëë tuu koonëm tyajpëtë'ëky ja pyëjktä'äky.

Santiago 5:8

Näyjyëtu'un miits mëët'atë ja mä'kxtujkën, tu'ukyë ja winma'any xyaj'itëty, jä'ä ko wiinkoonp ja xëëw ma ja Wintsën myina'anyën.

1 Pedro 5:4

Jëtu'un ko ënety ja Wintsën Jesukristë myiny, ënät miits xy'ëxajëtëty ja kuttujkën ka'apë kyixy nyäxyën.

2 Pedro 1:16

Ja ijxpëjkën mëti'ipë tmooytyën ko ja Wintsën Jesukristë myina'any yaa naaxwiiny jatëkok mëët ja myëk'ajtën, ka'apës kë'ëmwinma'any ojts nma'kxtë etsës jëtu'un n'ëna'antëty, nwiinës mëët ntimy'ijxtë ja Wintsën ja myëj'ajtën jyääntyajtën.

2 Pedro 3:4

ets tyajtëwa'antë: ¿Wi'ix ko jëtu'un ja Dios ja y'aaw y'ayuk y'ënä'äny ko ja Kristë myina'any jatëkok, ka'ap maa yaj'ixy? Tëëyëp ja n'ap'ajt n'ok'ajtëm y'o'ktaaynyëtë ets je'eyëm winë yaj'ixy ijxtëm ja naaxwiinyëtë tsyo'ontäkyën.

1 Juan 2:28

E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënety myiny jatëkok; nitii tsë'ëkë ets nitiitsëtyu'un ënety nkamëët'ajtëm ko myinëty.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

Apocalipsis 22:12

Jesukristë ënaanp: Tsojkës nmina'any. Koos nminëty ets nmo'otëtyës ja kyuma'ayënëty ëkë ja tëytyu'unën wi'ix ënety pën tii nitu'ukjaty të tuntën.