1 Tesalonicenses 1:8 - Biblia Dc en Mixe de Quetzaltepec

⁸ Tëë tsyo'ontä'äky ja Wintsën ja y'aaw y'ayuk ma miitsëtyën ets të myëjtëkë, ka'ap jyämyëty je'eyë Macedonia ets Acaya, näjyëtu'un oymyaajëty ets yajnijawë wi'ix xymyëpëktën ja Dios. ¿Wi'ixës njaaktimy'ëna'anëty?

Biblia Mixe de Quetzaltepec

⁸ Tëë tsyo'ontä'äky ja Wintsën ja y'aaw y'ayuk ma miitsëtyën ets të myëjtëkë, ka'ap jyämyëty je'eyë Macedonia ets Acaya, näjyëtu'un oymyaajëty ets yajnijawë wi'ix xymyëpëktën ja Tios. ¿Wi'ixës njaaktimy'ëna'anëty?

1 Tesalonicenses 1:8 ပူးပေါင်းရင်းမြစ်များ

Romanos 1:8

Tim jëwyiin tim jëyëjp, nyajnaxyës ja kukkajpxën ja'awëkyëtakkën ma Tiosën mëët ja Wintsën Jesukristë ja xyëëw, ko miitsëty oy myanimëtya'aktë oymyaajëty ko të mëpëktë.

Apocalipsis 14:6

Ënet ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.

3 Juan 1:12

Oy tsuj ja Demetrio yajnimëtyä'äky ko mëtëy ja oypyë tuny. Näyjyëtu'un ëëtsëty nän oyës nnimëtya'aktë, ets mijts mnija'ap ko mëtëyës nkajpxtë.

2 Tesalonicenses 1:4

Paatykyëjxm miits jotkujk nimëtya'aktë maajëty ja Dios ja jyä'äy ye'eymyuktën, tääts jëtu'un mëj'äämpy mnaxtë mëët ja mëpëjkën, oy ja ja'ay ëxëëk mja'ixëtë ets mjapajëtitëtë.

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

2 Tesalonicenses 3:1

Mëku'uktëjkëty, yë'ëjës ok nnikajpxäämpy etsës ja Dios xytyuknija'amyätsëtëty ets ja'ay tsojk nijawëtëty oymyaajëty ja Wintsën ja y'aaw y'ayuk ets wä'än tkupëktë mëët ja tsojkën, ijxtëm ojts miits xykyupëktën.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Romanos 16:19

Ets nyija'awëtëp ja ja'ay oypyënëty ko miits ja Dios xymyëmëtowtë, paatyës jotkujk nyajpaaty ets ntsojkpyës ets wijy kejy myajpaatëty wi'ix xytyuntëtyën ja oypyë, ka'ap yë'ëjëty wi'ix tii ëxëëk xytyuntëtyën.

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Dios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.

Éxodo 18:9

Yë Jetró mëk tukxoontäky, wi'ix ënety ja Dios ja y'oyjyot y'oywyinma'any të tyajnikëxë'ëkyën ma ja Israel ja'ayëtyën, ko ënety jap të yajpëtsëmëtë ma ja Egiptë ja'ayëty të kyë'ë'ampëkëtën,

2 Corintios 3:4

Jä'ä ko Dios yajtuk'ijxpety mëët ja Kristë ja xyëëw, paaty ëëts nijawëtë.

1 Corintios 14:36

¿Ëkë jää jëtää ja Dios ja y'aaw y'ayuk yajnija'awëtyo'ony ma miitsëty, ëkë miitsëm jëtää të myajmo'otë?

Isaías 66:19

Ëjts nëjkx ntuknijawëtë: Ets nitu'uk nimäjtsk kyä'äktëty, tam mëti'ipë nëjkxaanpën Tarsis, Libië, Lidia, Grecië, Tubal ets jampaat ma ja naax kajpnën mejypyë'aaypyë; ma ka'ap pën tmëtoynyëmën ëjts yë nxëëw ets ka'ap pën t'ixynyënëm yë nmëj'ajt n'oyajtënës; yë'ë nëjkx tnikajpx tnimëtya'aktë ja nmëj'ajt n'oyajtënës. Jam Lidia aak tyukjajtyp ijty yë ja'ay tyajtunëty yë ti'pxn.

Hechos 18:12

E ko ja Galión ojts tyuny yajkutujkpë jam Acaya, ënät ja jutiis ja'ay nyimiinëtë ja Pablo, ets tyukjoot'anpëjkëtë. Tää yajmënëjkxnë ma ja yajkutujkpën,

Romanos 15:26

Jä'ä ko tëë ja näypyutëkë tyajmuktë ja nmëku'uk'ajtëmë mëti'ipë jam tsënaaytyëpën Macedonia ets Acaya ets tuknikäxtë ja mëpëjkpëtëjk, ëyoopëja'ayëty jampë Jerusalén.

2 Corintios 2:14

Nkukajpxëpës ja Dios ko xëmë xyajmëtakëmë mëët ja Kristë ja xyëëw, ets yajnijawë ja y'aaw y'ayuk ko ëëtsajtëm nkajpxwa'kxëmë, mëti'ipë ye'eywya'kxpën ijxtëm ja pa'akxu'kpë nëëjën.

Colosenses 3:16

Wä'än xëmë t'ity mjootjoty mwinma'anyjyotyëty ja Kristë ja y'aaw y'ayuk. Neykajpxwijëtë ets näjyotmëkwinkajpxëtë nixim niyam mëët tu'kë'ëyë ja mwijy'ajtënëty mkejy'ajtënëty ets kuuy'ëwtë ja Dios, mmëjjaw jaantyjyawëtë.

1 Timoteo 2:8

Ntsojkpyës ets ja ja'ay tja'amyätstëty ja Dios oymyaatsowëty, ets ja kyë'ë tyujkxajtëty ma ja Tiosën mëët ja oyjyot oywyinma'any ets ka'ap myëëtëty ja tsip äkë.

2 Timoteo 2:9

Ets mëët yë'ë koos ja oy aaw oy ayuk nkajpxwä'kxy paatyës n'ëyoy ets paatyës n'ity tsumy xotsy mëët yë pujxntejpxy jëtu'un tääjës jeexyë tëë nyajja'ay'ookyën; je'eyëp ko yë Dios yë y'aaw y'ayuk ka'ap tjëkyepy wi'ix yajkutsum yajkuxotsëty.