1 Samuel 9:3 - Biblia Dc en Mixe de Quetzaltepec

³ Tu'kxëëw tu'kjëmëjt ojts tyëkooytyëpë ja Quis ja kyërukts. Ënet t'ënëmaay ja myaank Saúl: Nänyipëjktaakët ets nëjkx yë krukts xy'ixta'ay, mpawowëp tu'uk yë mtuunpë.

Biblia Mixe de Quetzaltepec

³ Tu'kxëëw tu'kjëmëjt ojts tyëkooytyëpë ja Quis ja kyërukts. Ënät t'ënëmaay ja myaank Saúl: Nänyipëjktaakët ets nëjkx yë krukts xy'ixta'ay, mpawowëp tu'uk yë mtuunpë.

1 Samuel 9:3 ပူးပေါင်းရင်းမြစ်များ

1 Samuel 10:2

Tyam ko ënät yaa näy'ëxmajtsëmëty, jam xypyata'any nimäjtsk yë ja'ay ma nyaax kyajpnën yë Raquel, jam ma txëëw'atyën Selsah mëti'ipë yë Benjamín nyitënääpyën. Yë'ë mtuk'ëwaanëjanëtëp ko ja mjëyujk tëë ja yajpaaty mëti'ipë ënety m'ixtääpyën ets ja mteety ka'ap ja t'ëkmëmaay t'ëkmëtajnë, mijts ja tyam je'eyë mëmaay mëtajënëp.

Jueces 10:4

Jair jä'ä myaank y'ijty ni''i'px majk, nitu'ukjaty aak jëyujkëjxy ijty jyëtitë, ojts yë kyajpnëty tyaj'ixta'aktë këëktu'uk. Ja ni''i'px majkpë ja kajpn mëti'ipë ojts tyajkojtën tyampaat yë'ë yë Jair yajtukjä'ätijp.

Jueces 5:10

Kajpxtë mëtya'aktë miitsëty jënu'un jëyujkëjxy mjëtitën; jënu'un m'u'unyëtën to'okyijxy xa'këjxy; näjyëtu'un miitsëty jënu'un në'ë'am tu'u'am myajpaatën:

1 Samuel 9:2

Tam ijty tu'uk yë myaank pi'k ëna'kpë ets janty'oy yaj'ixy, jä'ä txëëwaty Saúl. Ni pën ënety jam Israel jëtu'un janty'oy kyakëxë'ëky tä yë'ëjën, janty yeny ijty tyänë ni pën t'ëwtajnëty.

1 Samuel 9:4

Ënet ja Saúl tsyo'ony ets tuknajxtaay ja tunjot kopkjoty mëti'ipë ja Efraín nyitënääpyën, nyajxë'ky jam ma ja it naaxwiinyëtë txëëwatyën Salisá, e ja kyërukts ka'ap tpaty. Ojts näjyëtu'un jam jyajëtity ma ja it naaxwiinyëtën mëti'ipë yë Benjamín nyitënääpyën, ja kyërukts kä'äpyëm tpaty.

1 Samuel 9:20

E ja krukts mëti'ipë tyëkëëkxëëwëp myajtëkooyën, tëë ja yajpaaty, paaty këtiimës yë'ë xymyëmay xymyëtajy. Näyjyëtu'un, mijts mjä'ä'atäämpy mëti'ipë mëk tsyojkën'ajtëpën yë mjëëky mëku'uk, Israel ja'ayëty.

1 Samuel 10:14

Ets ja jyämy yajtëëwëtë: ¿Maaxën të m'otstë? Tä ja Saúl të y'ëtsooy: Kruktsës ojts të n'ixta'atë, e koos të n'ixtë ka'ap maa, täätsës të ninëjkxtë yë Samuel.