1 Samuel 9:16 - Biblia Dc en Mixe de Quetzaltepec

¹⁶ Jëpom ntuknikäxa'any tu'uk yë ja'ay, jam tsyoony ma Benjamín yë y'itjotmën, mëti'ipë mkënu'kxëpën ets yë'ë y'ënä'ämëty maas yë nnaax nkajpnën, yë Israel kajpn. Yë'ë nëjkx tyaj'ëwaatsëpëtsëmy yë Israel kajpn ma ëxëëk jyatën kyëpätën, mëët yë filistejë ja'ayëty, jä'ä ko npa'ëyoowtëpës ko ka'ap jyotkujk'atë.

Biblia Mixe de Quetzaltepec

¹⁶ Jëpom ntuknikäxa'any tu'uk yë ja'ay, jam tsyoony ma Benjamín yë y'itjotmën, mëti'ipë mkënu'kxëpën ets yë'ë y'ënä'ämëty maas yë nnaax nkajpnën, yë Israel kajpn. Yë'ë nëjkx tyaj'ëwaatsëpëtsëmy yë Israel kajpn ma ëxëëk jyatën kyëpätën, mëët yë filistejë ja'ayëty, jä'ä ko npa'ëyoowtëpës ko ka'ap jyotkujk'atë.

1 Samuel 9:16 ပူးပေါင်းရင်းမြစ်များ

2 Samuel 3:18

E tyamts jëtu'un ja xëëw të tpaaty ets jyëtu'un'atëty, jä'äxë ko yë Wintsën tëë yë David tyukwinwanëty ko yë'ë ja Israel kajpn tyaj'ëwaatsëpëtsëmëty ma ja myëtsipën, tä yë filistejë ja'ayëtyën ets tëkokyë jënu'un myëtsip'atyën.

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.

Salmos 102:1

Wintsën, mëtoow'it yë ntsajpkäjpxyës, mijts myajkutukëp ets jya'tëty yë një'ëyënës nyaxënës ma mijtsën.

Salmos 106:44

e ko ja Dios t'ijxy ko o'ktëy jyajnëtë ets jyiiynyëtë yaxnëtë,

Salmos 25:18

Ijxkës yë nmonyë ntukyë, mä'kxkës yë npoky nkëtyey.

Proverbios 16:9

Yë naaxwiinyëtë ja'ay yë'ë jëtu'un patëp winë tuknipëjktaakëty, e ma winë tyu'uwitsanën, yë Dios jää patënëp.

Jeremias 32:8

Jëtu'un tä ënety yë Wintsën të xy'ënëëmënës, ojts ja n'utyës Hanamel jyänty myiny, jamës xynyimiiny maas ënety jam tsumy n'ityën, jam tëjk'ëkë'ëm ma ja tsiptuunpë y'itën ets xy'ënëmaayës ko naax tu'uk tyookäämpy etsës ëjts njuyëty, ja naax jam Anatot yajpaaty ma ja itjot naaxjotmën mëti'ipë yë Benjamín ja'ayëty nyitënaaytyëpën, tääpë naax kam xypyatpës ëjts njuyëty jä'ä ko winkonës ntimmyëku'uk'aty. Koos nja'akyujkëy ko Wintsën jëtu'un të tyajnikutukë,

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

1 Samuel 14:20

Tä ja Saúl mëët ja tsyiptuunpëtëjk tnipëtë'ktë ja filistejë ja'ayëty, tyamts ja filistejë ja'ayëty ni'ikyë nyäy'ijxmajts'taayënëtë ets aakyë'ë nyäyaj'o'kënëtë.

1 Samuel 14:23

Jampaat ojts jya'ajnëtë tsiptuunpë ma txëëwatyën Bet-avén, jëtu'un'äämpyë ojts yë Wintsën tyajtso'oky yë Israel ja'ayëty jä'ä xëëw.

1 Samuel 15:1

Tu'kxëëw tu'kjëmëjt ojts yë Samuel tninëkxy yë Saúl ets t'ënëmaay: Yë Wintsën yë'ëjës ojts tëkok xykyexy ets mijts nkënu'kxëty ets m'ënä'ämëty ma Israel ja'ayëtyën mëti'ipë yë'ë kyajpn'ajtypyën. Paaty tyam mëtoow'it ënät mëti'ipë yë'ë mtuknijawëjanëyëpën.

1 Samuel 16:1

Ënet ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

1 Samuel 16:3

Ënet xywyowëty ja Jesé ets mjämyëët'atëtëty ma ja wintsë'kën xyaka'anyën ets tyam njaaktuk'ëwaanëty tii mëpaat xytyunyën. Ets xykyënu'kxëty mëti'ipë ënety ntukni''ijxëpën ets yë'ë y'ënä'ämëty ma Israel kajpnën.