1 Samuel 9:13 - Biblia Dc en Mixe de Quetzaltepec

¹³ Paaty ko jam mja'tëty, yë'ë tim ixtaaykyojtë ënätyë, naamka'anëm jam nyijkxynyëm tsajptëkotm ma ja ëkujkyxyëëw y'apaatëja'anyën. Yë ja'ayëty yë'ë jëyëjp y'ëwxitantëp koonëm jya'tëty täänëm kyäya'antë, jä'ä ko kopkpëky ko jëyëjp tkënu'kxëty ja wintsë'kën, täänëm kyäya'antë mëti'ipë të yajwowtën. Paaty jotëkoytyë, nëjkxtë jëtu'un timtyämyë tääts xypyaatëty.

Biblia Mixe de Quetzaltepec

¹³ Paaty ko jam mja'tëty, yë'ë tim ixtaaykyojtë ënätyë, naamka'anëm jam nyijkxynyëm tsajptëkotm ma ja ëkujkyxyëëw y'apaatëja'anyën. Yë ja'ayëty yë'ë jëyëjp y'ëwxitantëp koonëm jya'tëty täänëm kyäya'antë, jä'ä ko kopkpëky ko jëyëjp tkënu'kxëty ja wintsë'kën, täänëm kyäya'antë mëti'ipë të yajwowtën. Paaty jotëkoytyë, nëjkxtë jëtu'un timtyämyë tääts xypyaatëty.

1 Samuel 9:13 ပူးပေါင်းရင်းမြစ်များ

2 Samuel 15:11

Ojts twoy nimäjtsk mëko'px yë ja'ay mëti'ipë jam tso'ontëpën Jerusalén, yë'ëjëty janty mëët ja xoontakën ojts nyëjkxtë, ka'ap tnijawëtë pën tii ja Absalón ënety tyuknipëjktakëp.

Mateo 14:19

Ënet ni'ënä'ämëy ets ja mayjyä'äy nyaaxwäätstëty ujtskëjxy. Tääts tkoonë'ky ja mëkoxkpë ja tsajpkääky ets mäjtsk ja ajkx. Ënet pya'at'ijxy tsajpkëjxm ets ojts tkënu'kxy. Tääts ojts tujkwä'kxy ja tsajpkääky ets tmooy ja y'ijxpëjkpëtëjk, e ja y'ijxpëjkpëtëjk ots tkumaaytya'atë ja mayjyä'äy.

Mateo 26:26

Näy tam ënety kyäytyë, ko ja Jesús ojts tu'uk tkoonë'ëky ja tsajpkääky ets ojts tkënu'kxy, tä tujkwä'kxy ets tmooy ja y'ijxpëjkpëtëjk ets y'ënäny: Kaytyë. Ëjts ya'atë nni'kx nkopk.

Marcos 6:41

Tääts ja Jesús mëkoxk ja tsajpkääky tkoonë'ky ets mäjtsk ja ajkx ets ojts pya'at'ixy tsajpwinm, jëtu'un ja Dios tkukajpxëy. Tääts ojts tujkwä'kxy ja tsajpkääky, ojts ja y'ijxpëjkpëtëjk tmo'oy ets tyajwa'kxtëty ma ja ja'ayëtyën. Näyjyëtu'un ojts tyajwa'kxta'atë ja ajkx ma ja ja'ayëtyën ni'ëmukë.

Lucas 24:30

Ko ënety jam y'u'unyëtë ma ja kaaypyäjnën, tääts ja tsajpkääky ojts nixajë ets ja Dios tkukajpxëy ets ojts myo'ojëtë.

Lucas 9:16

Ënet ja Jesús tkoonë'ky mëkoxk ja tsajpkääky ets ja ajkx mäjtsk, tääts pya'at'ijxy tsajpwinm ets ja Dios tkukajpxëy. Ënet ojts tujkwä'kxy ja tsajpkääky ets tmooy ja y'ijxpëjkpëtëjk ets ja mayjyä'äy tmo'otëty.

Juan 6:11

Ets ja Jesús tkoonë'ky tu'uk ja tsajpkääky ets ja Dios tkukajpxëy. Tääts ojts tujkwä'kxy ets tmooy ja ja'ayëty mëti'ipë ënety jam u'unyääytyëpën. Näyjyëtu'un ojts tyajwä'kxy ja ajkx ets ojts yajmo'otë ja ja'ay jënu'un ënety tsoktën.

Juan 6:23

Ënet ojts wiinkpë kepy nëëwinye'eyë jya'të mëti'ipë tso'ontëpën Tiberias, ma ënety ja tsajpkääky të tkaytyën ko ja Wintsën jëyëjp tkukajpxëy ma Tiosën.

1 Corintios 10:30

Pën nkukajpxëpës ja Dios koos nkay n'uuky, ka'ap tjëkyepy ets wiink yajnimëtya'akëty mëti'ipës ëjts ntukxoontäkpyën.

1 Timoteo 4:4

Jä'ä ko tu'kë'ëyë mëti'ipë Dios të tyajkojyën aak'oy yë'ë; ets ka'ap tjëkyepy yajjëjpmëkajpxëty mëti'ipë ja Dios jëyëjp të yajkukajpxën,

1 Samuel 2:35

Etsës nëjkx kë'ëm npëjktä'äky tu'uk yë ntuunpë ets tyeety'atëty, mëti'ipës yajxon xymyëtunëpën ejxtëmës n'oyjyawën ets ja y'u'unk y'ok nëjkxëp jeky jyuuky'atë ets xëmë nëjkx mëët yajpaatë ja yajkutujkpë mëti'ipë ënety ëjts nwin'ijxypyën.

1 Samuel 9:14

Jëtu'un'äämpy tyu'uye'ey'ëtëtstë, tam ënety tyimja'ajnëtën ko yë Samuel jam myiny, jam ënety nyijkxy ma ja tsajptëjkën.