1 Samuel 8:20 - Biblia Dc en Mixe de Quetzaltepec

²⁰ jëtu'un tä wiinkëtypë ja naax kajpn ja yajkutujkpë tmëët'atën, mëti'ipës xy'ënä'ämtëpën ets mëti'ipë nëjkx xytyu'uwinwowtësën ma ënety ja jëën tsip yajmëët'atyën.

Biblia Mixe de Quetzaltepec

²⁰ jëtu'un tä wiinkëtypë ja naax kajpn ja yajkutujkpë tmëët'atën, mëti'ipës xy'ënä'ämtëpën ets mëti'ipë nëjkx xytyu'uwinwowtësën ma ënäty ja jëën tsip yajmëët'atyën.

1 Samuel 8:20 ပူးပေါင်းရင်းမြစ်များ

Salmos 106:35

Ni'ikyë ojts mëët nyäxyëpiinënëtë ja ja'ayëty ka'apë ja Dios t'ëwtatën, ets ojts tyukjajtënëtë ja y'ëxëëktu'un y'ëxëëk kajpxënëty;

Éxodo 33:16

Jä'ä ko pën mijts ka'ap mnëjkxy mëët ëëtsëty ¿wi'ix jëtu'un yë käjpxy y'ëna'anëty, ko ya'atë kajpn yë'ë mëët myëtyä'äky yë mputëjk mpupäjtën? Jä'ä ko ya'atë kajpn paaty jëtu'un tëkatsy yajtijtë ma wiinkëtypë kajpnën, jä'ä ko mijts myajTios'aty.

Juan 15:19

Ko jeexyë miits näjyëtu'un m'ëtë'ëtstë ijxtëm yë'ëjëtyën, mtsojkëtëp jeexyë ijxtëm tsoktën ja jyä'äy. E jä'ä koos miits të nwin'ixtë ma ja ja'ayëtyën mëti'ipë yajtuuntëpën ja naaxwiinyëtë winma'any ets ka'ap jëtu'un m'ëtë'ëtstë ijxtëm yë'ëjëtyën, paaty mka'oy'ixëtë.

Romanos 12:12

Juuky'atë jotkujk ko xyjyëjp'ixtë ja oypyë ja juukyajtën. Mëtänëtë amëk jotmëk ja ëyo'on. Nijëna'a ja Dios ja'amyäjtsk xykya'ëxmatstëty.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Deuteronomio 7:6

Jä'ä ko miitsëty tëë yë Wintsën mëti'ipë mTios'ajtëpën mwin'ixëtë, ko yë'ë mkajpn'ata'anëtë. Kanaak yë naax kajpn jää yajpaaty, e miitsëty tëë myajwin'ixtë ets mnaxtëty Dios yë kyajpn.

Filipenses 3:20

E ëëts'ajtëmë, jam tsajpjotm nkukajpn'ajtëmë, yë'ë njëjp'ijxëmë ko tsajpjotm tsyoonëty ja Yajknitsokpë, ja Wintsën Jesukristë,

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

1 Samuel 12:12

E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.

1 Samuel 12:2

Tyaa jëtu'un ja yajkutujkpë mpëjktä'äkyës mëti'ipë ënä'ämaanpën ma miitsëtyën ets mëti'ipë mtu'uwinye'eyëtëpën. Ëjts tëëjës nmëjja'ayënë ets tëëjës nkupo'ojënyë. Yi'iyës yë n'ëna'k jaakyajpatëp ma miitsëtyën. Ëjts tëëjës miits oy ntu'uwinye'eytyë, tyimtso'ontäky jëtu'un maas n'ëna'k'ajtyën ets tyampaat maas tëë nmëj ja'ayënën.

1 Samuel 8:5

ets t'ënëmaaytyë: Samuel, mijts kujk mëj ja'ayënë ets m'u'unk m'ëna'k ka'ap oy y'ënä'ämtë tä mijtsën, paaty npëjktsowtë ko nikë oy ko tu'uk xynyikajpxpätëty yë yajkutujkpë mëti'ipës xy'ënä'ämtëpën, jëtu'un tä wiinkëtypë kajpnën myëët'ajtëp yë yajkutujkpë.