1 Samuel 8:18 - Biblia Dc en Mixe de Quetzaltepec

¹⁸ E koots ënety jëna'a xywyinkjawëtë ja yajkutujkpë mëti'ipë ënety kë'ëm të xywyin'ixtën, yë Wintsën ka'ap nëjkx m'ëk tuunëtë këwentë.

Biblia Mixe de Quetzaltepec

¹⁸ E koots ënäty jëna'a xywyinkjawëtë ja yajkutujkpë mëti'ipë ënäty kë'ëm të xywyin'ixtën, yë Wintsën ka'ap nëjkx m'ëk tuunëtë këwentë.

1 Samuel 8:18 ပူးပေါင်းရင်းမြစ်များ

2 Crónicas 10:11

pën je'emty ojts winë mtuknitsëmëtë, ëjts wäänë je'emtyës yam miits ja tsëmy nmo'oja'antë; pën ojts mtukwopëtë yë tejpxy, ëjts yë'ëjës yam miitsëty ntukwoptëp yë po'otejpxy mëti'ipë jam jëjp'am pujxn myëët'ajtypyën.

Job 27:8

¿Tii yë ëxëëk ja'ay jyaak'ëwxijtyp tuna'any? Pën tëë yë Dios tuknipëjktaakë ko pyëjkëja'anyë yë jyuukyajtën.

Job 27:9

Ko ënety ëxëëk jyäty kyëpety, Dios ka'ap tmëtoow'ita'any oy jënu'un jyanu'kxta'akëty.

Salmos 18:41

Tëë tja'amëtowtë ja putëjkën, e ka'ap ni pën të pyutëkëtë; ojts tjamëkajpxtë ja Wintsën, ka'ap ojts y'ëtsowëtë.

Proverbios 21:13

Mëti'ipë ja'ay ka'ap tja'akyukën ko yë ëyoopëja'ay myënu'kxtä'äkyë, ka'ap näjyëtu'un pën pyutëkëtëty ko ja näypyutëkë tjayajmëyatëty.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Isaías 59:1

Yë Wintsën yë myëk'ajtën ka'ap jëtu'un kyixy nyäxy tä oy tiijën ets ka'ap yajnitso'okëty, ka'ap nyatëty ets pën y'ëna'anëty ko ka'ap myëtoy.

Isaías 8:21

Jëtu'unyë nëjkx ja'ay kyuye'ey kyunaxëtë, mëk nëjkx ja'ay yajtunëtë ets ayuu yajxëëwnaxëtëty, je'eyë nëjkx jyoot'anpëktë mëët ja yuu ets nëjkxëp tsyajp'ixtë ets tpoktë ja yajkutujkpë ets ja Tyiosëty.

Ezequiel 8:18

Ëjts ajoot'anës yam winë ntuna'any. Ni pënës nkapa'ëyowa'any. Oy jënu'un xyamëkajpxtëtyës, ka'apës nmëtowa'any.

Miqueas 3:4

Nëjkxëp jëna'a xymyëkajpxtë yë Wintsën e yë'ë ka'ap nëjkx m'ëtsowëtë. Nëjkxëp nyäyu'utsyë ma ënety xyjyamëkajpxtën jä'ä ko ënety je'eyë të mtuuntëkoytyë.

Lucas 13:25

Ko ja kutëjk pyëtë'ëkëty ets ja tëjk'aaw tyaj'ëtukëty, pën jap ënety miits të mwë'ëmtë tëja'p, mjaakukajpxëtëp ma ja tëjk'aawën ets mja'ëna'antëty: Wintsën, yaj'ëwa'ats yë tëjk'aaw, tëkëjantëpës. Ënet ja kutëjk m'ëtsowëtëty: ka'apës nijawë mpën miitsëty.

1 Samuel 8:17

Nëjkxëp näjyëtu'un tu'kpëky tjëëpëky ma ja majk pëkpyë xyajtänëtën ja mtsajppax mkupixynyëty ets miitspaat nëjkx xymyëtuntë.