1 Samuel 8:11 - Biblia Dc en Mixe de Quetzaltepec

¹¹ Ets y'ënäny: Ya'atë jëtu'un nëjkx ja yajkutujkpë tuny ma miitsëtyën. Waatswitsy nëjkx ja m'u'unk m'ëna'këty tyajye'ey, mëti'ipë nëjkx tkëwent'atën ja pujxnwintëkäämpë, mëti'ipë myëtsiptuuntëpën, mëti'ipë nëjkx jëyujk këjxy jyëtityën ets mëti'ipë nëjkx yë'ë nyätyukëwent'atyën.

Biblia Mixe de Quetzaltepec

¹¹ Ets y'ënäny: Ya'atë jëtu'un nëjkx ja yajkutujkpë tuny ma miitsëtyën. Waatswitsy nëjkx ja m'u'unk m'ëna'këty tyajye'ey, mëti'ipë nëjkx tkëwent'atën ja pujxnwintëkäämpë, mëti'ipë myëtsiptuuntëpën, mëti'ipë nëjkx jëyujk këjxy jyëtityën ets mëti'ipë nëjkx yë'ë nyätyukëwent'atyën.

1 Samuel 8:11 ပူးပေါင်းရင်းမြစ်များ

1 Samuel 14:52

Mëjjëty këjääjëty ojts yë tsip tyunyë mëët yë filistejë ja'ayëty, mapaat jyuuky'äjtyën yë Saúl; paatykyëjxm yë Saúl aakyë'ë ojts twin'ijxy yë ja'ay mëti'ipë mëkëtyën ets jotmëkëtyën.

1 Samuel 10:25

Tä ja Samuel ojts tkë'ëyäky ma ja naax kajpnën ja ënä'ämën tëyajtën mëti'ipë tunëpën ma ja ënä'ämpë tyuna'anyën. Yajxon tkëjxjaaytyääy nokykyijxy ets tpëjktäky jap tsajptëkoty. Ko jëtu'un tyuuntaay jyajtaayë, tä ja Samuel ojts ja ja'ay t'ënëëmë ets jatëkok wyimpijta'atëty ma tyëjkëtyën.

2 Samuel 15:1

Nyäjxy jëtu'un ja xëëw jëmëjt, kom ok ojts ja Absalón nyäpyutëkëty ets tpaty ja pujxnwintëkäämpë ets ja kwaay mëti'ipë ja'ay myëtsiptuuntëpën, ënät tmä'kxy ja jyä'äy mëti'ipë nätyukëwent'atanëpën.

1 Reyes 10:26

Salomón ojts tyajmujkta'ay ja pujxnwintëkäämpë ets ja nyija'ay mëti'ipë yajye'eytyëpën. Mil ja taxk mëko'px ja pujxnwintëkäämpë ets majkmäjtsk mil ja nyija'ay mëti'ipë yajye'eytyëpën ets jam tyajnëjkxtaay ma ja pujxnwintëkäämpë y'itën ets ma ja akujktëjk yajkëwent'atyën jam Jerusalén.

1 Reyes 18:46

E ja Elías, ni'ikyë ojts ja Wintsën jyotmëkmo'oyë, ets myëjaawmooyë, paaty jam tsyo'ony pëyi'ikyë ko nyäxyojxtaayë, ets jam jyäjty Jezreel ma ënety ja Ahab jam yajpaatyën.

1 Reyes 12:10

Tääpë ëna'ktëjkëty mëti'ipë ënety mëët tu'knax të yeekyën, tyaa ja y'ëtsoowtë: Tääpë ja'ayëty mëti'ipë ënantëpën ko xyajyu'unkëty ja tuunk mëti'ipë ja mteety ojts tyuknipëkëtën, tyaa mëpaat xy'ëtsoy: Pën ëjts yë nteetyës mëk ojts ni'ik mtuunkmo'ojëtë, ëjts jaakwäänë mëkës ni'ik miits ntuunkmo'oja'antë;

1 Reyes 12:4

Yë mteety mëk ojts tyuny ma ëëtsëtyën; tyam mijts mpatëp ets wäänë xyaj'oyëty ets xyajyu'unkëty ja tuunk mëti'ipë ojts ëëts yë'ë xytyuknipëktën, ënätnëm ëëts jotkujk näjyawëtëty ets myajmëtunëty.

1 Reyes 1:5

E ja Adonías, tu'uk ja David ja myaank, mëti'ipë mëët t'u'unk'atyën yë Haguit, ojts tmëpëtë'ëky ja tëypyujxn ets ja ku'umën ets y'ënäny ko yë'ë kutujkpë'ataanp. Ojts tyaj'oyë pyuxn wintëkäämpë mëti'ipë myëtsiptuuntëpën ets ojts tmä'kxy yë kyëwaay ënyääpyëty ets ja'ay mëti'ipë nätyukëwent'ajtëpën, niwëxtyikxymyajk y'ijtë.

1 Samuel 8:9

Paaty n'ënëëmë ko kupëk je'eyë ijxtëm y'ëna'atën; je'eyëp ko tuk'ëwaanë wi'ix nëjkx ja yajkutujkpë jyä'äy'ätyën ets ijxtëm nëjkx winë tunyën ma yë'ëjëtyën mëti'ipë ënety ënä'ämëtëpën.

1 Reyes 14:27

Yë yajkutujkpë Roboam ojts ja jyä'ä näjyëtu'un tyajkojy, jä'ä ja pujxn mëti'ipë ijty ja tsiptuunpë ja'ayëty nätyuk'akëëytyujkëtëpën ko tsyiptuuntë, aakyë'ë pujxn ojts tyajtuntë mëti'ipë yajtijpën tsuxk pujxn, tääts tuknipëjky ja tsiptuunpëtëjk ets yë'ë tkëwent'atëty, ja mëti'ipë jam këwent'ajtëpën ma ja kutujkëntëjkën.

1 Samuel 22:7

Ënet t'ënëmaay ja tsiptuunpë wintsëntëjk: Miitsëty Benjamín yë jyä'äy, mëtowtë yajxon mëti'ipë yam ntuk'ënëëmëjantëpën: ¿Wä'än tääjën yë David mmo'ojëty yë mnaax mkamëtyë ets ënät näjyëtu'un mpëjkta'akëtëty tsiptuunpë wintsën ma kyutujktaknënë, tä tyam miits nmo'otënë?