1 Samuel 7:6 - Biblia Dc en Mixe de Quetzaltepec

⁶ Yë Israel ja'ayëty ojts jam tyu'ukmukjta'atë Mizpá ets nëë jam may tniwijtspäjtë yë'ëts ojts yë Dios tukwintsë'ëkëtë tä yë ayajk ako'onën. Jä'ä xëëw ka'ap kyääytyë, jëtu'unyë ojts ayuu xyëëwnaxtë ets kë'ëm nyäja'awëy'ijtëtë ko tëë ënety ja Wintsën tmëtëkoytyë mëjwiin këjää. Jam Mizpá jam ojts yë Samuel y'awinpity tu'uwinye'epyë ets tsip twinye'eyëty ets ja naax kajpn näjyëtu'un twinye'eyëty.

Biblia Mixe de Quetzaltepec

⁶ Yë Israel ja'ayëty ojts jam tyu'ukmukjta'atë Mizpá ets nëë jam may tniwijtspäjtë yë'ëts ojts yë Tios tukwintsë'ëkëtë tä yë ayajk ako'onën. Jä'ä xëëw ka'ap kyääytyë, jëtu'unyë ojts ayuu xyëëwnaxtë ets kë'ëm nyäja'awëy'ijtëtë ko tëë ënäty ja Wintsën tmëtëkoytyë mëjwiin këjää. Jam Mizpá jam ojts yë Samuel y'awinpity tu'uwinye'epyë ets tsip twinye'eyëty ets ja naax kajpn näjyëtu'un twinye'eyëty.

1 Samuel 7:6 ပူးပေါင်းရင်းမြစ်များ

2 Samuel 14:14

Yë'ë tëyajtën yë'ë ko kopkpëky ko jëna'a n'o'kmëty; ëtsajtëm jëtu'un'ajtëm tä nëëjën ko nyajtstämë ka'ap tjëkyepy n'ëkyajpëtë'kënëty. Yë'ë tëy yë Wintsën ni pën yë jyuukyajtën tkapëjkë, ni'ikyë tsoky tjawë ets ja'ay jyuuky'atëty ets ja mëti'ipë ke'ekyjyëtijtpën yajwinpijtyp jatëkok ma jyëën tyëjkën.

1 Samuel 1:15

Wintsën ka'ap yë'ëkyëjxmëty. Jëtu'un y'ëtsooy yë Aná. Ëjts ka'apës nitii nëë të n'uuky mëti'ipë mëkën, jä'ä tëy mon tukës näjyawëty paatyës yaa të nminy jëëpyë yaxpë Dios wintuuy.

Jueces 10:10

Paatykyëjxm ojts ja putëjkën t'amëtowtë ma Tiosën ets t'ënëmaaytyë: Wintsën ëëts nja'awëtyëpës ko tëë myajmëtëkoy mëët ko të myaj'ëxmatsy etsës ja wiink tios të npanëjkxtëkëtë.

Joel 2:12

E tyam jëtu'un yë Wintsën y'ënä'äny: ëjts niwinpijtëk winë aaw winëjot. Ëyuu'atë, ya'axtë joktë ets jë'ëtë ya'axtë.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.

Salmos 106:6

Tëës näjyëtu'un npoky tyuntë tääjës ja nteety n'apëtyës; tëës ja njot nwinma'any kyëxtëkoytyë, ets ja ëxëëkpë të ntuntës.

Salmos 62:8

Miitsëty, jënu'unës nnaax'aty nkajpn'atyën jam xëmë yë mjot mwinma'any xyaj'itëty ma Tiosën. Mëkajpxtë winë aaw winëjot. Jä'ä ko Dios yë'ë ntsoktakn'ajtëm.

Lucas 15:18

¿Tii koos nkanëjkxy maas ja nteety ja tyëjkën?, etsës nëëmëty: Tatë, tëëjës nmëtëkoy ja Dios ets mijts.

Salmos 119:136

Komkomëty yë nwiinnëëjës pyëtsimy tä yë mëjnëë pyëyi'ikyën mëët ko ja naaxwiinyëtë ja'ay ka'ap tpatuny ja m'ijxpëjkën.

1 Reyes 8:47

pën jootwinpijtë ets yaj'o'oyëtëp ja jyot wyinma'anyëty; y'ëna'antëty: Tëë mpokytyu'unëmë ets tëë ntëko'oyëmë, nmëët'ajtëmë ja nëë poky.

Ezequiel 20:4

Yë'ë mtukwinmëtowëp ets xytyuknijawëty wi'ix yë y'aptëjk winë të tuntën ëxëëk.

Lamentaciones 3:49

Xëmë ka'atëëpës yë nwiin nëë, ka'apës mpo'kxy, jä'ä ko ka'apës npaaty tiijës xyajjotkujkta'akëpën

Lamentaciones 2:11

Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Jeremias 31:19

Ojts tëkok n'ëxmatsy nmajtstu'uty, mëkës jatëkok njawë; kë'ëmës të nmëmay të nmëtajy ko nmëët'ajtypyës ja poky, paaty mëk nnäkyätykyoxyës mëët ja tsëtyu'un, koos nja'amyetsy wi'ixës ojts ntuuntëkoyën koos n'ëna'k'ajty.

Salmos 42:3

Xëëny kootsës të një'ëy të nyä'äxy, jëtu'un yaj'ijxnë yë'ëjës yowë nwiin nëë xykyuxp. Ja nmëtsipës jëtu'un y'ëna'antë: ¿Maa ënät ja mTios?

Salmos 6:6

Tëës n'ënu'kxënë koos nyä'äxy. Xëëny kootsës një'ëy nyä'äxy, nkoy npä'änës tëë nyatsa'amëtyääynyë mëët yë nwiinnëëjës.

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Job 33:27

Ets y'ëna'ana'any: Tiijës ko të n'ëktuunpë ja ka'apë myëtëyëtyën, e Dios ka'ap të xytyiytyunyës;

Job 16:20

mëti'ipë kyajpxwa'atsëpën ma Tiosën ëjts yë njot nwinma'any ets t'ixëty wi'ixës një'ëy nyä'äxyën;

Nehemías 9:27

Paatykyëjxm ojts kyë'ëyajkënë ma ja myëtsipëtyën, mëti'ipë ëxëëk tuunëtën. Ok tja'ijxtë ko ëxëëk jyajnëtë kyëpäjnëtë, tä tpëjktsoowtë ja näpyutëkë ma mijtsën, e mijts mëët tu'uk mëjpa'ëyo'owën, ojts xymyëtoowë jam tsajpjotm ja jyi'iyënëty yaxënëty; ets xytyuknikejxy ja ja'ay mëti'ipë yaj'ëwaatsëpëtsëëmëtën ma ja myëtsiptëjkëtyën.

2 Crónicas 20:3

Josafat ojts tsë'ëkë tyuktëkëty ets tuk'ëwa'anëy ënätyë ja Wintsën, tääts tni'ënä'ämëy ets nitëkokyë ja'ayëty jam ayuu y'itëty,

Jueces 3:10

Ënet ja Wintsën ja myëk'ajtën y'oyajtën tuktëjkëy ja Otoniel ets ojts yë'ë tnitsiptuny yë Israel kajpn, ko ojts tnitsoony ja yajkutujkpë mëti'ipë xyëëwajtypyën Cusan-risataim. Dios ojts tu'ukyë tuk'ijxpety ets ojts yajmëtä'äkyë.

Génesis 31:49

Mispá ojts näjyëtu'un yajtijy, jä'ä ko ja Labán y'ënäny: Dios xy'ijxijt xykyëwent'ajtmëp ëëtsajtëm nimäjtsk. Oy jëna'a nka'ëknäy'ijx nka'ëknäypyatënëty.

1 Samuel 7:15

Mapaat yë Samuel jyuuky'äjtyën jëtu'un ojts twinye'ey ja tsip ets ja naax kajpn.

Jeremias 36:9

Ma taxtujk po'o y'apetyën, ma ja mëmëkoxk jëmëjtpën ma yajkutukyën yë Joaquim, yë Josías yë myaank mëti'ipë jam Judá ënä'ämpën, ojts tu'uk ënä'ämën tpëjkta'aktë ets ja Jerusalén ja'ayëty, Judá ja'ayëtyën y'ayuu'atëty mëti'ipë jam Jerusalén të myintën.

Josue 18:26

Mispá, Quefirá, Mosá,

Jueces 2:4

Ko ja Dios ja kyukäjpxy kyajpxtaay ënät ja Israel ja'ayëty tyëjkëtyë yaxpë.

Jueces 10:15

Tääts ja Israel ja'ayëty t'ëtsoowinpijtë ja Wintsën: Poky ëëts të ntuntë mëjwiin këjää, mijts ix wi'ixës xytyuna'antë, je'eyëp ko tun mëyajtën yajtsoktëkës tyam.

Jueces 20:26

Ënet jatëkok ojts nyëjkxtaaykyojnëtëpë ja tsiptuunpëtëjkëty ets tëkokyë ja ja'ayëty jam Betel ets jyiiytyë yaxtë Dios wintum mëët ko ënety may ja myëku'uk të y'o'kojnëtëpë. Tu'kxëëw yajxon ka'ap kyääytyë y'uktë ets ja Wintsën tmooytyë ja wyintsë'kën ma tuntën mëët ja näy'ëëw'oy näykyajpx'oyë.

1 Samuel 10:17

Kom ok Samuel tmëkajpxmujktaay ja Israel ja'ayëty ets jam tyu'ukmuktëty Mizpá ma t'ëwtata'antën ja Wintsën.

1 Samuel 12:10

E yë'ëjëty ko jëtu'un jyajtë kyëpäjtë, ënätnëm ots t'ixkaptë pën jëtu'un Wintsënajtp, ets tja'awëy'ijtë ko tëë ënety pyokytyuntë ko t'ëxmajtstë ja wyintsën Tiosëty ets ko ja wiink tios ojts tpanëjkxtëjkënyëtë tä ja mëti'ipë xyëëwajtëpën Baal ets Astarté; e ojts mëk tmëpëjktsowtë ja Dios ets ojts pyokymyä'kxëtë ets yajtsokëtë ma ja myëtsiptëjkëtyën, ko t'ëwtajtë winë aaw winëjot yi'iyë tu'uk.

1 Crónicas 11:18

Ënet ja nitëkëëkpë ja jotmëkja'aytyëjk ojts nyëjkxtë ma ja filistejë ja'ay jam y'ijta'aktën ets tyajpëtsëëmtë ja nëë ma nëëjutën jampë yajpaatyën ma ja Belén kajpn yajnitëkën ets tuknimiintë ja David. E ja David ka'ap ja nëë t'uky, naaxkëjxy ojts tpiky ets jä'ä ja Wintsën tukwintsë'këy,

Job 3:24

N'ëjënës ntu'kënës një'kxyp; npëjkënës n'ijxënës n'ukpy.

Lamentaciones 5:16

Jëtu'unës nyajajnëtë tëë yowë ja nkujanëtyës xykyuka'atutnëtë; janty mon janty tuk ëëts nyajpaatë koos të mpokytyuntë.

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kuttujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,