1 Samuel 7:17 - Biblia Dc en Mixe de Quetzaltepec

¹⁷ Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.

Biblia Mixe de Quetzaltepec

¹⁷ Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.

1 Samuel 7:17 ပူးပေါင်းရင်းမြစ်များ

Génesis 33:20

Ënet näjyëtu'un t'oytyuuny tu'uk ja wintsë'këntyakn ets tyajxëëwpejty El-Elohé Israel.

Génesis 35:7

Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Dios t'ixy, ko ënety ja y'äjty tkuke'eky.

Isaías 10:29

tëë nyëënaxy, jam të myaawë'ëmy Gueba; tsë'këtëp yë Ramá ja'ayëty, ja Saúl ja jyä'äy tëë kyäkta'atë.

Jueces 4:5

Ya'atë to'oxytyëjk Débora winjëpom ijty jam yajpaaty ma tu'uk yë palmëkepyën ma Efraín yë jyä'äyëty yë y'itjotmën, itkujky ma Ramá mëët yë Betel nyämyëwinkon'atyën, jamts ja Israel ja'ayëty ja y'amay jyotmay tmënëjkxtë ets ja Débora tyaj'oyë.

Jueces 6:24

Tä yë Gedeón tu'uk yë wintsë'këntyakn jam t'oytyuuny mëti'ipë ja Wintsën tyukmëjja'awëyënën ets txëëwmooy: Yë Wintsën yë'ë jotkuj'ajtën'ajtp. Ya'atë wintsë'këntyakn yajpatp tyampaat jam Ofrá ma ja kajpnën mëti'ipë yë Eliézer yë jyä'äy nyitënaaytyëpën.

1 Samuel 1:1

Jam ma tu'uk yë it naaxwiinyëtën ma ja kopkjotmën mëti'ipë Efraín ja'ay nyitënaaytyëpën, jam Ramá, jam ijty tu'uk yë ja'ay tsyëënë, yë'ë Suf yë myëku'uk, Elcana xyëëwajtyp. Yë'ë myaank yë Jeroham ets y'ok'u'unk yë Elihú. Yë y'apteety jä'ä ijty xyëëwajtyp Tohu, yë'ë myaank yë Zuf, yë'ë jyä'äy yë Efraín.

1 Samuel 1:19

Komjëpom, ko ja Wintsën t'ëwtajtaaytyë, ënät ojts tsyo'onëtë ets nyëjkxnëtë jam Ramá ma ja tyëjkëtyën. Ko ja Elcana tmëëtko'knaay ja tyo'oxytyëjk Aná, ënät ja Aná ojts u'unk mëët wyi'imy. Jä'ä ko ja Wintsën ënety të tpëjktsoy.

1 Samuel 11:15

Ënet tëkokyë ja naax kajpn nyëjkxtaaytyë jam Guilgal ets nikajpxpäjtë ja Saúl ets yajkutujkpë'atëty. Tääts näjyëtu'un tyajktë ja wintsë'kën Dios wintum ma mëët ja nay'ëëw'oy näykyajpx'oyë tyaj'apatëtyën. Saúl mëët tëkokyë ja'ayëty jotkujk nyäjya'awëtyë.

1 Samuel 14:35

Ënet yë Saúl ojts tu'uk tyajpëtë'ëky yë wintsë'këntyakn ets jam ja Wintsën ja wyintsë'kën tmooy.

1 Samuel 15:34

Ko jëtu'un kyijxy nyäjxy tä ja Samuel ojts jam tsyo'onë ets nyëjkxnë Ramá ets ja Saúl näjyëtu'un ojts nëjkxnë ma ja tyëjkën jam Guibeá.

1 Samuel 2:11

Ënet ja Elcana ojts wyimpijnë, nyëjkxnë jam Ramá ma ja jyëën tyëjk tmëët'atyën, e ja myaank Samuel ojts jam wyë'ëmnë Siló ma ja tsajptëjkën ets ja Wintsën je'eyë tu'ukyë timmyëtunanë, yë'ë ojts kyë'ëwë'ëmëty yë Eli.

1 Samuel 28:3

Tääpë jëmëjt ja Samuel tëë ënety y'o'knë, ko y'o'ky mëk ja Israel ja'ayëty ojts tnijë'ë tniya'axtë, jam tyajnaaxtëjkëtyë Ramá ma myiinyën naaxwiiny. Yë Saúl ojts tëkok t'ëxwojpta'ay ja najtsja'apëtëjkëty ets mëti'ipë myëkajpxtëpën ja o'kpë.

1 Samuel 8:4

Ënet ja mëjja'aytyëjk ojts ye'eymyuktë ets ojts tninëjkxtë ja Samuel jam Ramá, tääts mëët myëtya'aka'antë

1 Samuel 9:12

Tääts ja to'oxy'ëna'këty y'ëtsoowtë: Jëtu'un, yaa yajpaaty, je'eyëp ko wäänë mjaaknajtsye'eyëtëty. Nëjkxtë jotëkoy ets xypyaatëty, tyam tam ja ënät myina'any, jä'ä ko yë'ë ja wintsë'kën yakäämpy ma tsajptëjkën.