1 Samuel 6:21 - Biblia Dc en Mixe de Quetzaltepec

²¹ Ënet ja käjpxy tkäjxtë jam Quiriat-jearim ets t'ënëmaaytyë ja ja'ayëty jampë kyukajpn'atën: Yë filistejë ja'ayëty tëë jatëkok tyajwinpitë ja Wintsën ja kyaaxë, paaty miits yam npëjktsowtë ets xynyimintëty tääts xymyënëjkxtëty.

Biblia Mixe de Quetzaltepec

²¹ Ënät ja käjpxy tkäjxtë jam Quiriat-jearim ets t'ënëmaaytyë ja ja'ayëty jampë kyukajpn'atën: Yë filistejë ja'ayëty tëë jatëkok tyajwinpitë ja Wintsën ja kyaaxë, paaty miits yam npëjktsowtë ets xynyimintëty tääts xymyënëjkxtëty.

1 Samuel 6:21 ပူးပေါင်းရင်းမြစ်များ

2 Samuel 6:2

ënät tsyo'ontë jam Baalá ma ja Judá tnitänën mëët tëkokyë jënu'un ënety nyiwinë'atën; ja kaaxë myëtsoonantëp mëti'ipë ja Wintsën jyä'ä'ajtypyën, ma yaj'ëwtatyën ja xyëëw kënu'kxypyë; ja Wintsën mëti'ipë maaytyääyëpën winë; mëti'ipë ja kyutujktakn myëët'ajtypyën itkujky ma ja tsajpjotmëtë kukäjpxy yajpaatën mëti'ipë yajtijtëpën querupines.

Salmos 78:60

ojts t'ëxmatsy ja tsyajptëjk mëti'ipë jamën Siló, mëti'ipë ënety tyëjk'ajtypyën ma ja naaxwiinyëtë ja'ayëtyën.

Jeremias 26:20

Näyjyëtu'un ja Urías käjpxynyajxpë, yë Semaías yë myaank mëti'ipë jam Quiriat-jearim kukajpn'ajtpën, ojts ja Wintsën ja y'aaw y'ayuk tnikäjpxy ets mëk ojts tnikäjpxy nimëtyä'äky ya'atë naax kajpn, jëtu'un tä yë Jeremías të kyäjpxy të myëtyä'äkyën.

Jeremias 7:12

Nëjkxtë jam Siló, maas yë ntsajptëjkën mëti'ipës ëka'any nwin'ijxën ets jam ntsëënëja'anyës, ixtë wi'ixës ntuunyën mëët ko ja Israel ja'ayëty ojts xymyëtëkoytyës.

Jeremias 7:14

Paatykyëjxm, näjyëtu'un tä ntuunyën ja Siloé tsajptëjk, jëtu'unës ntuna'any ya'atë tsajptëjk mëti'ipës të nyajtuknipëjktaakën, miits ojts njamo'otë ets m'ap m'okëty, mëti'ipë miitsëty mtuk'ijxpäjtëpën.

Josue 15:60

Ja kajpnëty mëti'ipë yajtijtëpën Quiriat-Baal, mëti'ipë näjyëtu'un yajtijtëpën Quiriat-jearim ets ja Rabá mëët ja myutsk kajpnëty mëti'ipë nyitënaaytyëpën.

Josue 15:9

y'ëwtijtë'ëky jam ma kopkupi'tsykën ets jyä'ty ma ja Neftóah nëëkopkën, jam tsyoony ets nyijkxy ma ja kajpn yajpaatën mëti'ipë jamëtyën ma ja Efrón kopkjotmën, nyäxy jam Baalá mëti'ipë näjyëtu'un yajtijpën Quiriat-jearim.

Josue 18:14

Jamts jatëkok wyimpity ja tsëpa'an ets nyijkxy ma ja Mejyën Naax'akujkpyë, yë'ë pya'anajxyp ja kopk ëpa'tkë'ëytsyow mëti'ipë mëët nyäwyinku'ixëtyën yë Bet-horón ets jampaat jyä'ty Quiriat-Baal, mëti'ipë yajtijpën näjyëtu'un Quiriat-jearim ma Judá nyaaxjotën. Ya'atë ijty tsëpa'an'ajtp.

Josue 9:17

Ko jëtu'un tnija'awëtyë ënät tnitso'ontë, kom tëkëëk xëëw jam jyajtë ma ja kyajpnëtyën ja Gabaón ja'ayëty, jä'ä ja kajpn txëëwatë Gabaón, Quefirá, Beerot ets Quiriat-jearim.

Jueces 18:12

Ënet jyajtë jam ma ja Judá ja jyä'äy ja nyaaxjotmën ets nyäpyëjktakëtë jam, a'oytsyow ma Quiriat-jearim yajpaatyën mëti'ipë tyam yajtijpën Dan y'ijtakn.