1 Samuel 6:14 - Biblia Dc en Mixe de Quetzaltepec

¹⁴ Ko ja kepy wintëkäämpë jam jyä'äjty ma Josué kyamën jampë kyukajpnëtyën Bet-semes jam wya'ak'o'oyëy. Jam ijty tu'uk yë mëjtsaa. Ënet ja ja'ayëty mëti'ipë jam kukajpnajtëpën ojts tpujxta'aktë ja kepy wintëkäämpë ets tja'axy'ajtë, tääts tyaj'o'ktë ja nimäjtskpë ja tsajpkaato'oxy ets ja Wintsën jä'ä tukwintsë'këtyë.

Biblia Mixe de Quetzaltepec

¹⁴ Ko ja kepy wintëkäämpë jam jyä'äjty ma Josué kyamën jampë kyukajpnëtyën Bet-semes jam wya'ak'o'oyëy. Jam ijty tu'uk yë mëjtsaa. Ënät ja ja'ayëty mëti'ipë jam kukajpnajtëpën ojts tpujxta'aktë ja kepy wintëkäämpë ets tja'axy'ajtë, tääts tyaj'o'ktë ja nimäjtskpë ja tsajpkaato'oxy ets ja Wintsën jä'ä tukwintsë'këtyë.

1 Samuel 6:14 ပူးပေါင်းရင်းမြစ်များ

2 Samuel 24:18

Jä'ä xëëw yë Gad ojts tninëjkxy yë David ets t'ënëmaay tyajpëtë'ëkëty tu'uk yë wintsë'këntyakn jam ma ja Arauná ja nyaax kyamën, ma ënety ja tsajpmok tyajpajk'atyën ets jamts ja Wintsën ja wyintsë'kën tmo'ojëty.

2 Samuel 24:22

Ets ja Arauná y'ëtsooy: Mëj'ënä'ämpë, tää yë naax kam y'ity, yajtun mëti'ipë mtsojkën'ajtypën, jam xykyojëty ja potsy ma ja Wintsën ja wyintsë'kën xymyoja'anyën ja nino'okpyë, jyëkyejpy xyajtunëty tääpë kepy mëti'ipës yë tsajpmok ntukwinwojpyën ets jyä'äxy'atëty, tä näjyëtu'un yë tsajpkaa jyätyë oy xyaj'ookëty.

2 Samuel 24:25

jamts ojts tu'uk ja wintsë'këntyakn tjantyyajpëtë'ëky, ma ja Wintsën ja wyintsë'kën tmooyën ets mëët tuuny ja nay'ëëw'oy näykyajpx'oyë. Jëtu'un ja Wintsën ojts tpa'ëyoy ja naax kajpn ets tjëpëjky ja pa'am ëyo'on ma ja Israel kajpnën.

1 Reyes 19:21

Tä ja Elisejë ojts tpuwa'ktu'uty ja Elías ets ojts nyijkxy, ojts mäjtsk tsajpkaa tyaj'ooky ets jëën tyajmëjjëy mëët ja kepy mëti'ipë ënety yajtuumpyën ma ja tsajpkaa tyajyu'uyën; jamts tsaay ja tsu'utsy, tä tyajkaay tyaj'uky ja mayjyä'äy. Ko jëtu'un tyajkaaytyääy tyaj'uktaay ja ja'ay tä ojts tpanëjkxy ja Elías ets yë'ë tmëtuna'any.

Éxodo 20:24

Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënety ntsokyën etsës ja nxëëw mëj jaanty y'itëty.

Jueces 21:4

Ko kyomjëpom'ajty janty tsojk ojts yë Israel ja'ayëty pyëtë'kojtë, tääts t'oytyuuntë tu'uk yë wintsë'këntyakn ma Wintsën ojts tmo'otën yë wintsë'kën nino'okpyë, ets mëët tyaj'apaatëja'antë ja nay'ëëw'oy näykyajpx'oyë.

Jueces 6:26

E ma ënety jam tääpë Baal yë wyintsë'këntyakn xyjyityën, yë'ë jam mkojëp tu'uk yë mWintsën yë wyintsë'këntyakn. Ënet ja tsajpkaa xyaj'ookëty ja mëmäjtskpë etsës ëjts xytyukwintsë'ëkëty nino'oky nixämy. Yë'ë nëjkx xytyukjëënapëkë ja ja'axy jampë xypyujxpëtsëmyën ma ja kepyën mëti'ipë të xypyujxkëtayën jam Baal wyintuuy mëti'ipë tyijtëpën wa'ats.

1 Samuel 11:5

E ja Saúl, tsajpkaa ënety ojts të tyajjë'kxy ko jam jyä'äjty kajpnjotm, ënät tyajtëëy: ¿Tii ja'ay jajtëtëp? ¿Wi'ix ko jyë'ëtë ya'axtë? Ënet yajtukmëmëtyäky ja amay jotmay mëti'ipë ënety të tnikajpxtën ja ja'ayëty jampë tsyoontën Jabés.

1 Samuel 20:29

E mëktä'äkyës të xy'amëtoy koos n'ëwatsëty ja nyëë tyu'u, täätsës të nkexy. Jä'ä ko ja tyeety tyaakëty yë'ë jam yë wintsë'kën yakantëp mëti'ipë winjëmëjt yajktëpën ets ja y'äjty mëktä'äky të nyikäxëty. Täätsës näjyëtu'un të xy'ënëëmë ko pën n'ëwatsëpës ja tyu'u ets näjyëtu'un nëjkx tku'ix tkukajpxë ja jyiiky myëku'uk. E paatykyëjxm ka'ap yaa tyam xy'ixy.

1 Samuel 6:13

Ja ja'ayëty mëti'ipë jam kukajpnajtëpën Bet-semes jampë ënety tyuntën kyamjotmëty ma ja tsajpmok tyajpëtë'ëktën, yajxon ojts xyoontaknëtë ko ja kaaxë yajmëminy.

1 Samuel 6:18

E ja tsuk näjyëtu'un nyiwinë'atë tä ja filistejë ja kyajpnëtyën, ma ja nimëkoxpë kyukajpn'atën ja filistejë ja'ayëty. Ja mëjtsaa mëti'ipë yajnikajpxpën ma tpëjktaktën ja kaaxë, tyampaat je'eyën jam yaj'ixy ma jam ja kyamën ja Josué mëti'ipë jam kukajpn'ajtpën Bet-semes.