1 Samuel 6:12 - Biblia Dc en Mixe de Quetzaltepec

¹² Ko ja tsajpkaato'oxy yajtu'ujëjpwojpëtyë jamtsow ojts nyëjkxtë Bet-semes, muup ojts nyëjkxtë ets tu'ukyë ja tu'u tpëjktë nimaa kyakuye'eyëtë. Yë filistejë ja'ayëty ojts tpatsoontë ja kepy wintëkäämpë, ix'am je'eyë tpaye'eytyë, jampaat tpaja'ajtë ma ja Bet-semes ja tsyëpa'an nyaxtën.

Biblia Mixe de Quetzaltepec

¹² Ko ja tsajpkaato'oxy yajtu'ujëjpwojpëtyë jamtsow ojts nyëjkxtë Bet-semes, muup ojts nyëjkxtë ets tu'ukyë ja tu'u tpëjktë nimaa kyakuye'eyëtë. Yë filistejë ja'ayëty ojts tpatsoontë ja kepy wintëkäämpë, ix'am je'eyë tpaye'eytyë, jampaat tpaja'ajtë ma ja Bet-semes ja tsyëpa'an nyaxtën.

1 Samuel 6:12 ပူးပေါင်းရင်းမြစ်များ

1 Reyes 4:9

Yë Ben-Decar, jam t'atënaay Macás, Saalbim, Bet-semes, Elón ets Bet-hanán;

Éxodo 8:15

E ja mëj'ënä'ämpë ko jëtu'un t'ijxy tëë y'o'kta'atë ja nooty, tä jatëkok ja mëkwinma'any tpaty, ka'ap tja'akyujkëy, tä ja Moisés ets ja Aarón jya'ëna'antën, jëtu'un ojts y'ëti'itsy, tä ënety ja Dios të t'akäjpxyën.

Josue 15:10

Jamts tsyoony Baalá ets nyijkx jamtsow anajnytsyow, jyä'ty jam ma Seir kopkjotmën ets nyäxy Quesalón, jam pë'am anëkëjxmtsow ma ja Jearim kopkën ets jam kyujënake'eky Bet-semes, nyäxy Dimná,

1 Samuel 6:11

Ënet jam tkëxpëjktë ja Wintsën ja kyaaxë, ets näjyëtu'un ja kaaxë ma jap y'itën ja pu'ts pujxn mëti'ipë jëtu'un yaj'ijxpën tä yë ki'ix pa'amën ets tsukën.

1 Samuel 6:13

Ja ja'ayëty mëti'ipë jam kukajpnajtëpën Bet-semes jampë ënety tyuntën kyamjotmëty ma ja tsajpmok tyajpëtë'ëktën, yajxon ojts xyoontaknëtë ko ja kaaxë yajmëminy.

1 Samuel 6:9

Je'eyëp tëy ko yajxon xytyim'ixtëty pën jamtsow nyijkxy Bet-semes ma të tsyoonyën ma tnaax'aty tkajpn'atyën. Yë'ë yajtujknijawëp ko janty Dios ënety o'ktëy xyajjajt xyajkëpäjtëm mëti'ipë y'ëwtajtëpën yë Israel ja'ayëty. E pën kajts jamtsow nyijkxy jää näjyëtu'un ntuknija'awëmëty ko ka'ap yë'ëjëty, tim pa'amën ënety jëtu'un të tyimmiimpë.