1 Samuel 5:10 - Biblia Dc en Mixe de Quetzaltepec

¹⁰ Ko jëtu'un t'ijxtë, ënät jatëkok tmëtso'ontë ets ojts tmënëjkxtë jam Ecrón, ko jam tmëja'ajtë, ja ja'ayëty mëti'ipë jam tsënaaytyëpën ënät y'ënaantaktë: Tëë ënät tmëmintë ja Dios ja kyaaxë mëti'ipë yë Israel ja'ayëty y'ëwtajtëpën yaa ets xytyukyaj'o'kta'aja'anëmë.

Biblia Mixe de Quetzaltepec

¹⁰ Ko jëtu'un t'ijxtë, ënät jatëkok tmëtso'ontë ets ojts tmënëjkxtë jam Ecrón, ko jam tmëja'ajtë, ja ja'ayëty mëti'ipë jam tsënaaytyëpën ënät y'ënaantaktë: Tëë ënät tmëmintë ja Tios ja kyaaxë mëti'ipë yë Israel ja'ayëty y'ëwtajtëpën yaa ets xytyukyaj'o'kta'aja'anëmë.

1 Samuel 5:10 ပူးပေါင်းရင်းမြစ်များ

2 Samuel 7:9

tyam xëmë ënät njämyëët'aty oy maa mtimnyijkxy; tëëjës yë mmëtsip nyajkutëkooytyä'äy mëti'ipë ënety ëxëëk m'ixëpën ets mëj'äämpy të nyajnaxy tä yë ja'ayëtyën mëti'ipë mëj'äämpyëtyën yaa naaxwiiny naaxkëjxy.

2 Reyes 1:2

Ko yë Ocozías jam kyënajxy ma ja tyëjkwiinën ma jam yajkutukyën jam Samaria, tsëtyujtaay yajxon, ënät t'ënëmaay ja tyuunpë ets jam nëjkx tyajnitëwëtë ma ja Baal-zebub jam yajpaatyën, tu'uk yë awinax mëti'ipë jamën Ecrón, tääts nijawëtëty pën tso'okjaanp ëkë pën ookaanp,

Amós 1:8

Nyajkutëkoyäämpyës mëti'ipë jam ënä'ämpën Asdod ets Ascalón. Tu'kë'ëyës yë njot nmëjaaw n'ijxta'aja'any etsës nyajkutëkoyä'äny yë Ecrón; nitu'uk yë Filistejë ja'ay kyawë'ëma'any juuky. Yë Wintsën jëtu'un ënaanp.

Amós 6:2

Nëjkx ixtë yë Calné kajpn; ko jam mtsoontëty tääts mnëjkxtëty ma ja mëjpë ja Hamat kajpnën, jam mjënajkë'ëktëty ets mjëjpta'aktëty ma Gad kajpnën, ma filistejë ja'ayëty tsyëënëtën. ¿Ti ni'ik jëtää miitsëty mëj'äämpy m'itë ets ka'ap yë'ëjëty jyëtu'un'atë? ¿Ni'ik mëj'äämpy jëtää miits yë mkajpnëty këtiinëm yë'ëjëty yë kyajpnëtyë?

Josue 13:3

mëti'ipë jam najxpën ma ja Sihor mëjnëë jyënäkyën, a'oytsyow ma Egiptë naaxwiinyëtë yajpaatyën, jyä'ty jam ma Ecrón ja tsyëpa'an nyäxyën, jam anëkëjxmtsow mëti'ipë yaj'antijpën ko Canaán ja'ayëty tjä'ä'atë; ma tääpë it naaxwiinyëtën nimëkoxk jam yajpaatë yë filistejë ja'ayëty yë wyintsëntëjkëty, jä'ä mëti'ipë jam yajpaatëpën Gaza, Asdod, Ascalón, Gad ets jam Ecrón. Jaakwë'ëmp näjyëtu'un ja itjot mëti'ipë nyitënaaytyëpën ja Avejë ja'ayëty,

Josue 15:11

ets jam Ecrón yä'äp'ituuy anëkëjxytsyowpë wyi'imyën, y'ëwtity Sicrón ets tuknaxy ja Baalá kopk, tukpëtsëmy ja Jabneel y'itjot ets jyëjpkëxy ma ja Mejyën naax'akujkpë.

Josue 15:45

Ja kajpn mëti'ipë xyëëwajtypyën Ecrón, ëpëky ja mutsk kajpn mëti'ipë nyitënääpyën.

Jueces 1:18

E yë'ë tëy ja kajpnëty mëti'ipë txëëwajtëpën Gaza, Ascalón ets Ecrón ka'ap ojts myäyëtë tnitëkëtëty ets näjyëtu'un ja mëti'ipë jam winkon yajpatëpën.

1 Samuel 17:52

Ënet ja tsiptuunpëtëjkëty mëti'ipë Israel ja'ayëtyën ets mëti'ipë Judá tso'ontëpën tyëjkëtyë yaxpë jojkpë ets tni'ënä'ämëtë ja tsip, tpatso'ontaaytyë ja myëtsip, tpaja'ajtë jampaat ma ja Gad ja y'itjot yajtuktëkën ets ma yajnitëkën ja kajpn mëti'ipë yajtijpën Ecrón. Tu'ktu'u aakyë'ë filistejë ja'ayëty yaj'ijxnëtë kujy jëpipy jëtu'un Saaraim ets yjä'ty Gad ets Ecrón.

1 Samuel 5:11

Tëë ënety tëkokyë ja ja'ayëty tsyë'ëkëtëjkëtya'atë mëët ja mëk pa'am jampë jyëtityën mëti'ipë ja Dios të tkexyën, ënät ojts tyaxmujkta'atë ja kopktëjkëty mëti'ipë jam yajpaatën ma ja filistejë kajpnën ets t'ënëmaaytyë: Mënëjkxtë ya'atë Dios yë kyaaxë ma të xymyëtsoontën, nëjkx jam pëjkta'aktë jatëkok ma të y'ityën këtiipë n'o'ktä'ämyëty.

1 Samuel 5:9

E ko jam tyajtso'ontë, Dios mëk ojts jam ja ëyo'on tyajkëtä'äky ma ja naax kajpnën. Jä'ä ko wa'ats ja ja'ayëty ojts pya'ampäjta'atë mëët ja ki'ix pa'am ets ja pu'uts pa'am; ojts pya'ampäjta'atë mëjja'ay, mutskja'ay.

1 Samuel 6:1

Ja Dios ja kyaaxë jä'ä ënety jam të y'ity wëxtujk po'o ma ja filistejë ja'ayëtyën.