1 Samuel 31:6 - Biblia Dc en Mixe de Quetzaltepec

⁶ Jëtu'un ojts y'o'knëtë jä'ä xëëw ja Saúl mëët nitëkëëk ja myaank ets tu'uk ja tyuunpë, ets tëkokyë ja jyä'äy.

Biblia Mixe de Quetzaltepec

⁶ Jëtu'un ojts y'o'knëtë jä'ä xëëw ja Saúl mëët nitëkëëk ja myaank ets tu'uk ja tyuunpë, ets tëkokyë ja jyä'äy.

1 Samuel 31:6 ပူးပေါင်းရင်းမြစ်များ

2 Samuel 1:1

Tëë ënety ja Saúl y'o'knë, ko ja David ojts nyijkxy jam Siglag, yë'ë ënety mëët të tsyiptuunta'ay ja Amalec ja'ayëty, ma ka'ap tyajmëtäkyën, jam ojts y'ity mäjtsk xëëw.

2 Samuel 1:12

ets tnijëëy tniyaxtë, ko ënety ja Saúl të y'ooky të tyëkoy mëët ja myaank Jonatán, näjyëtu'un ja mëti'ipë mëët tu'knax y'o'ktën jam tsipjotm, ojts tu'kxëëw y'ayuu'atë ja Israel ja'ayëty tyimkutsu'ujëtyë jëtu'un mëët ko ja myëku'uk të y'ooktë.

1 Crónicas 10:6

Jëtu'un'äämpy y'oky yë Saúl, mëët nitëkëëk ja myaank ets tëkokyë ja jyiiky myëku'uk jä'ä xëëw.

Jueces 9:54

Ko ja Abimélec nyäjya'awëyë tëë tsyëtyuty, tä ënätyë tmëjyaxëy ja tyuunpë mëti'ipë tyëëmjëtijtypyën ja tëypyujxn ets t'ënëmaay: Juut yë mtëypyujxn ets yaj'o'kës, ka'apës ntsoky yë käjpxy y'ëna'anëty ko to'oxytyëjk të xyaj'ookyës. Ënet ja tyuunpë tyukmoxmëku'umëyë ja yenypyujxn ets jëtu'un y'o'ky.

1 Samuel 11:15

Ënet tëkokyë ja naax kajpn nyëjkxtaaytyë jam Guilgal ets nikajpxpäjtë ja Saúl ets yajkutujkpë'atëty. Tääts näjyëtu'un tyajktë ja wintsë'kën Dios wintum ma mëët ja nay'ëëw'oy näykyajpx'oyë tyaj'apatëtyën. Saúl mëët tëkokyë ja'ayëty jotkujk nyäjya'awëtyë.

1 Samuel 12:17

E tyam miitsëty wa'ats xy'ixtë xynyijawëtë ko ka'ap tyu'uy pyojy ma jeexyë ja tsajpmok yajni'ipyën ¿Këtiijë?. E tyamtsës yë Wintsën nmëkajpxa'any ets nmëpëjktsowa'anyës wä'än tyajtu'uy ets jëtu'un xynyijawëtëty ets xyjyä'äkyukëtëty, ko mëti'ipë të xytyuntën yë Wintsën ka'ap yë'ë të t'oyjyawë ko miitsëty xy'amëtoopëtë tu'uk yë yajkutujkpë.

1 Samuel 12:25

E jää tëynyë ko ënety miitsëty je'eyë ja ëxëëkpë xypyanëjkxtëjkënëtë, nëjkxëp ja mkutëkooynyëtë, näjyëtu'un ja myajkutujkpëty.

1 Samuel 26:10

Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënety ja o'kën tyukja'tyë, ëkë ko ënety jam y'ooky tyëkoy tsipjotm.

1 Samuel 28:19

Ëpëky näjyëtu'un yë Wintsën tkë'ëyakanë yë Israel kajpn ma filistejë ja'ayëtyën ets näjyëtu'un mijts. E jëpom mëët yë m'u'unk m'ëna'k tam ënety yajpatnëtë mëët ëjts. Yë Wintsën tëë näjyëtu'un tyajkutuky ko yë Israel ja'ayëty yë'ë mëmëta'akanëtëp yë filistejë ja'ayëty.

1 Samuel 31:5

Ko t'ijxy ja tyuunpë ko tëë ja Saúl y'ooky, ënät näjyëtu'un nyäyaj'o'kë.

1 Samuel 31:7

Ko jëtu'un t'ijxtë ja Israel ja'ayëty mëti'ipë ënety jam tsënaaytyëpën awinmtsow ma ja joyjyot yajtuknajxtaaynyën, ënät ojts kyäkpëtsëëmta'atë jam kyajpnjotmëty, jä'ä ko ja Saúl tëë ënety nya'o'knë mëët ja myaank. Tääts ojts myiinëtë ja filistejë ja'ayëty jam tsyënaaytyaknpëjknëtë.