1 Samuel 31:2 - Biblia Dc en Mixe de Quetzaltepec

² Tä ja Saúl mëët ja myaank ojts jyakäknëtë, je'eyëp ko ënätyë ojts yajnajtspaatëtë, tääts ja filistejë ja'ayëty tyaj'o'ktë ja Jonatán, ja Abinadab ets ja Malquisúa.

Biblia Mixe de Quetzaltepec

² Tä ja Saúl mëët ja myaank ojts jyakäknëtë, je'eyëp ko ënätyë ojts yajnajtspaatëtë, tääts ja filistejë ja'ayëty tyaj'o'ktë ja Jonatán, ja Abinadab ets ja Malquisúa.

1 Samuel 31:2 ပူးပေါင်းရင်းမြစ်များ

2 Samuel 1:6

Tääts ja ja'ay y'ëtsooy: Tyam ntuk'ëwaanëty, ëjts jamës ënety nëkoo njëtijtpë ma ja kopk jam txëëwatyën Guilboa, koos ja Saúl të n'ijxpaaty jam nyäkyëxmëta'äkyë ma kyu'umën e jam ix'am tam jyänty pyaminëtë ja myëtsip mëët yë pujxnwintëkäämpë ets ma mëti'ipë këwaaykyijxyën jawäänë kyayajnaspatënyë.

2 Reyes 25:7

y'ijx ja Sedequías ko ja y'u'unk y'ëna'k yajyo'kpujxtë ets y'o'ktë tyëkooytyë. E ja Sedequías ajuuky ojts tmënëjkxtë jam Babilonyë.

1 Crónicas 10:2

Saúl mëët ja myaank'ëna'k ojts jyakäknëtë, filistejë ja'ayëty ënätyë pyatso'onëtë, tääts tyaj'oktë ja Jonatán, Abinadab ets ja Malquisúa, nitëkëëk aakyë'ë Saúl y'ëna'k.

1 Crónicas 8:33

Ner yë'ë teety'ajtë Quis, Quis yë'ë teety'ajtë Saúl, e Saúl yë'ë teety'ajtë Jonatán, Malquisúa, Abinadab ets Es-baal.

1 Crónicas 9:39

Ner yë'ë teety'ajtë Quis, Quis yë'ë teety'ajtë Saúl, e yë Saúl yë'ë teety'ajtë Jonatán, Malquisúa, Abinadab ets Es-baal.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

1 Samuel 13:16

Saúl ets ja myaank Jonatán mëët ja tsiptuunpëtëjkëty mëti'ipë ënety pänëjkxëtëpën, jam ojts wyë'ëmtë Guibeá ma ja Benjamín ja nyaaxjotmën; e ja filistejë ja'ayëty jam ojts wyë'ëmtë Micmás.

1 Samuel 13:2

ko nitëkëëk mil twin'ijxy ja tsiptuunpëtëjk ma ja Israel ja'ayëtyën. Nimäjtsk mil ojts tmëwë'ëmy jam Micmás ets ma ja kopkjotmën mëti'ipë yajtijpën Betel. E ja nitu'kmil yë'ë ojts mëët wyë'ëmtë ja Jonatán jam Guibeá ma ja Benjamín ja jyä'äy tnitänën. E ja mëti'ipë ka'ap yajwin'ijxtën ojts ja yajkäjxta'atë ma jyëën tyëjkëtyën.

1 Samuel 14:22

E ko ja Israel ja'ayëty tnija'awëtyë mëti'ipë ënety jam të kyäktso'oktën kopkjotm ma ja mëti'ipë ja Efraín nyitënääpyën. Ko ja filistejë ja'ayëty nëkooyë kyäknëtë, ënät tnipëtsëëmtë ets tpajëtijtëjknëtyë, koonëm tnajtspatëtyääytyë.

1 Samuel 14:49

Yë y'u'unk y'ëna'k yë Saúl jä'ä xyëëwajtë: Jonatán, Isví ets Malquisúa. Ëpëky nimäjtsk ja nyëëx mëti'ipë xyëëwajtëpën: Merab ja mëjpë ets ja mutskpë mëti'ipë yajtijpën Mical.

1 Samuel 23:17

Tä t'ënëmaay: Ninu'un mkatsë'ëkëty David, jä'ä ko yë nteetyës ka'ap nijëna'a mpaatëtëty. Mijts kopkpëky ko jëna'a myajkutujkpë'atëty ma Israel kajpnën. Ëjts naxymyës nëjkx n'ity ma mkutujktaknën. Yë nteetyës, Saúl, wa'ats yë tyäty nyijawë ko jëtu'un jyata'any kyëpäta'any.

1 Samuel 28:19

Ëpëky näjyëtu'un yë Wintsën tkë'ëyakanë yë Israel kajpn ma filistejë ja'ayëtyën ets näjyëtu'un mijts. E jëpom mëët yë m'u'unk m'ëna'k tam ënety yajpatnëtë mëët ëjts. Yë Wintsën tëë näjyëtu'un tyajkutuky ko yë Israel ja'ayëty yë'ë mëmëta'akanëtëp yë filistejë ja'ayëty.