1 Samuel 30:6 - Biblia Dc en Mixe de Quetzaltepec

⁶ David ojts wäänjaty tsyë'ëkë, jä'ä ko yë'ë ojts ja ja'ay tyukjoot'anpëkyë ko ënety jëtu'un të jyatë kyëpätë ja y'u'unk tyo'oxytyëjkëty. E ja David ojts ja jyot wyinma'any tmëktuny ets tu'ukyë ja Wintsën tuk'ijxpejty.

Biblia Mixe de Quetzaltepec

⁶ David ojts wäänjaty tsyë'ëkë, jä'ä ko yë'ë ojts ja ja'ay tyukjoot'anpëkyë ko ënäty jëtu'un të jyatë kyëpätë ja y'u'unk tyo'oxytyëjkëty. E ja David ojts ja jyot wyinma'any tmëktuny ets tu'ukyë ja Wintsën tuk'ijxpejty.

1 Samuel 30:6 ပူးပေါင်းရင်းမြစ်များ

Génesis 32:7

Ko jëtu'un tmëtooy yë Jacob ënät ojts ja tsë'ëkë tyuktëkëty ets tyëjkëy moonpë tujkpë. Ënet tyajnäywyä'kxyë mäjtskpëky ja jyä'äy, mëti'ipë ënety jam mëëtën; näjyëtu'un tyajwa'kxtaay ja jyëyujk, tsajpkaa, tsajppaxëty ets ja kyupixynyëty.

2 Samuel 17:8

Mijts wa'ats xynyijawë ko yë mteety ets jyä'äy jotmëk yë'ëjëty; tyam yajxon jam jyottoyëtë tä tu'uk yë uk'iinpën ko muum yë myëku'uk t'a'ijxnaxy. Ets näjyëtu'un yë mteety wa'ats yë tyäty nyijawë wi'ix yë tsip tyunyën, tyam m'a'ijxëp xyij jam myaanaxyë ma ja myëku'uktëjkënë.

2 Reyes 4:27

Tääts jam jyä'äjty ma ja kopkën ma ënety jam yajpaatyën ja Elisejë, tääts nyäjyijtakë ets mëk tmajtsta'tsy ja Elisejë ja tyeky. Ënätyë yë Guehazí myiiny ets tjajëwowany ja to'oxytyëjk, je'eyëp ko yë Elisejë ënätyë ojts y'ënë'ëmxëty: Këtii xyjyëwoy, ëxmats, mon tuk yowë mëk yajpaaty, tyam ka'apës yë Wintsën xytyuk'ëwaanënëm oy, tiijën myëët'ajtyp.

Job 13:15

Oy yë'ë jyatimy'ënaanpë koos xyaj'ooka'any, ëjts ka'apës yë n'ayuk ntukxi'ika'any, nëkoo ko n'ëktuk'ëwaanës wiinxë jëjpxë ko ëjts ka'apës tii poky të ntuny.

Salmos 116:10

Ëjts je'eyëmës ënety nmëëtëty ja mëpëjkën, oyës n'ëna'any ko mëj këjää ja n'amay njotmayës.

Salmos 138:3

Ko të nmëkäjpxy, tëës xy'ëtsoy ets tëës yë njot nmëjaaw xyajmëj xyajkëjääjë.

Salmos 18:2

Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Salmos 18:6

Maas ënety jotmayjoty nyajpaatyën, jääjës të nmëkäjpxy yë Wintsën, tëë yë Dios n'amëtoyës yë näypyutëkë. Tëë tmëtoy koos të nmëkäjpxy ma tsyajptëjkën. Koos mëk të nyä'äxy të njoky tëë tyatsk tuk'akonë.

Salmos 25:17

Yë njot nwinma'anyës ni'ikyë tyëkë moonpë tujkpë; yajpëtsëëmkës ma jëtu'unpë ma'ayën tajënën.

Salmos 27:14

Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

Salmos 31:24

Yajotkujk'atë yë mjot mwinma'anyëty miitsëty ninu'un yë Wintsën xytyuk'ijxpätën.

Salmos 42:11

¿Wi'ixës ko nkumon nkutukëty? ¿Wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Salmos 42:5

¿Wi'ixës ko nkumon nkutukëty, ¿wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Salmos 42:7

Yamëtoop yë mnëëtax ko kyëtä'äky jap wokjoty, yë nëëkom mëti'ipë të xykyexyën jam të nyajxta'ay maas yë nini'kxën.

Salmos 56:11

Tiosës ntukjotkujk'ajtyp, paatyës ka'ap ntsë'ëkë. ¿Wi'ixës yë naaxwiinyëtë ja'ay xy'ëktunëty?

Salmos 62:1

Jämyë ma Tiosën npaatyës yë jotkujk'ajtën; ets nitsokënës jam tsyoony ma yë'ëjën.

Salmos 62:5

Jämyë ma Tiosën npaatyës yë jotkujk'ajtën; ets yi'iyës tu'uk ntuk'ijxpejtyp.

Salmos 71:4

Dios, mëti'ipës nTios'ajtypyën, yajpëtsëëmkës ma kyë'ë y'aawën yë ëxëëk ja'ay, ma kyë'ë y'aawën yë yaja'ay'o'kpë ets mëti'ipë tsiptuump tsip kajpxpën.

Salmos 71:5

Wintsën, jëtu'unyëm mijts ntuk'ijxpety koos nmëxu'unk'ajty ets tyampaat maas të nmëj ja'ayënën, mijts n'a'ijxyp njëjp'ijxyp ets mijts näjyëtu'un ntukjotkujk'ajtyp.

Éxodo 17:4

Tä ja Moisés tmëpëjktsooy ja Dios ets t'ënëmaay: ¿Tiijës ënät ëjts tyam ntuunta'akëp mëët yë mayjyä'äy? Ko wäänë jyaak itëty, tsojkës je'eyë xy'ëkjaakuka'tsnëtëty.

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Isaías 25:4

Jä'ä ko mijts jëtu'un të mnaxy tä tu'uk tsoktaknën ma y'amin y'a'ookën yë ëyoopëja'ay, ma y'amin y'a'ookën yë ja'ay mëti'ipë winë yajmëyäjtypyën ets mëti'ipë mon tuk yajpatpën, ma ka'ap nitu'umëtyën ets ka'ap ni'a'anmëtyën. Ko xyäjtë yë ëxëëkja'aytyëjk jëtu'un tä jeexyë tyitykpyojyën, ko pyotm'aty.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jonás 2:2

ets y'ënä'äny: Maas nyajpaatyën jotmayjoty jää mëk të nmëkäjpxy mijts Wintsën, e mijts ojtsës xy'ëtsoy. Jap tsajpkëkjoty ma o'kën tëko'oyën y'ityën jap ojts nmëkäjpxy, e mijts ojts xymyëtoow'ity.

Mateo 21:9

Tääts ja ja'ay wintuuy jëxkë'ëy tyëjkëtyë yaxpë jojkpë: Hosana. Mëj jaanty yë yajkutujkpë David y'u'unk y'ok. Dios kënu'kxëtëp mëti'ipë të kyexyën yë Wintsën. Hosana. Mëj jaanty yë Dios.

Mateo 27:22

Ënet ja Pilato yajtëëwëtë: ¿E wi'ixës mtunëty yë Jesús, mëti'ipë yajtijpën Kristë? Tääts ni'ëmukë y'ëtsoowtë ja mayjyä'äy: Yajkruutspät.

Juan 8:59

Ënet ja tsaa tkoonë'ktë ets tjaka'atsantë ja Jesús; je'eyëp ko näyu'tsë ënätyë ets pyëtsiimy ma ja mëjtsajptëjkën.

Romanos 4:18

Ko ënety ka'ap tii ja Abraham t'ëkjëjp'ijxnë, jää ojts myëpëky ets jatëkok winë tjëjp'ijxy; jëtu'unts ojts nyäxy, teety ma ni'ëmukë ja naax kajpnën, jëtu'un ijxtëm ja Dios ënety të y'ënë'ëmxëtyën: Jëtu'un nëjkx ja m'u'unk m'ok myäyë.

Romanos 4:20

Ka'ap ojts tmëjot'amutskë ja Dios ja wyaantakën, wäänëni'ik jyaak timmyëpëjky. Ojts ja Dios tmëjjawë tjaantyjyawë,

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

2 Corintios 1:6

Pën ëyoowtëp ëëtsëty, yë'ëkyëjxm ets miitsëty xypyaatëty ja jotkujk'ajtën ets ja nitsokën; ets pën xyajjotkujk'ajtpës ja Dios, yë'ëkyëjxm ets miits mjotkujk'atëty ets amëk jotmëk xymyënax xyajnaxtëty ja ëyo'on mëti'ipë ëëts näjyëtu'un të nmënax nyajnaxtën.

2 Corintios 4:8

Oy ja ëyo'on jotmay npaatës, ka'apës nmaytyë ntajtë; oyës nkanijawëtë pën tiijës ntuntëp, ka'apës nmaytyë ntajtë.

2 Corintios 7:5

Je'eyës nja'ajtë jam Macedonia, ka'apës npo'kxtë, xii yaas ja jotmay npaatë. Aak tsip, wintuuy jëxkë'ëy ets xëmës n'aawjoty njootjoty ntsë'ëkëtë.

Hebreos 13:6

Paaty ëëtsajtëm jyëkyejpy n'ëna'anmëty akujk jotkujk: Yë Wintsën yë'ëjës xypyutëjkëp, paatyës ka'ap ntsë'ëkë. ¿Wi'ixës yë ja'ay xynyatunëty?

Jueces 18:25

E ja Dan ja jyä'äyëty tyaa ojts y'ëtsowtë: Këtii nëkoo ëxaty mtimy'ëna'anëty ix nimay ëëtsëty, këtiipë pën nitu'uk jyoot'anpëkëty ets mijts m'ëk'o'knëty ets ka'ap myijtsëty atu'uk, näjyëtu'un yë m'u'unk m'ëna'k m'u'unk mto'oxytyëjk.

Jueces 20:22

Paaty ojts jatëkok ja Israel ja'ayëty nyëjkxtë jam Betel ets twinjëëy twinyaxtë ja Dios mëët ko ënety may ja jyä'äyëty të y'ooktë ets jëtu'un tyimkutsu'ujëtyë ets jatëkok tyajtëëwtë pën y'ëwatsyp ja Wintsën ets tsyiptunëty mëët ja Benjamín ja'ayëty. E ja Wintsën ojts t'ëwa'atsy ets jatëkok tsyiptuntëty mëët ma myëku'ukëty, paatykyëjxm jatëkok jyotmëktaktë, komjëpom ojts jatëkok tninëjkxkojnëtëpë, ja myëku'ukëty Benjamín ja'ayëty ets mëët tsyiptuna'antë, jam ma ënety të nyäpyaatëtën.

1 Samuel 1:10

Ko yë Aná jyä'äjty jam ma tsajptëjkën, tääts tyëjkëy jëëpyë yaxpë, moonpë tujkpë ets kajpxtakpë, tmëpëjktsoy ja Wintsën.

1 Samuel 23:16

Tu'kxëëw tu'kjëmëjt ojts ja Jonatán tninëjkxy ja David jam Horés ets tjotmëkmo'oja'any ets yë'ë tu'ukyë tuk'ijxpätëty yë Dios.

1 Samuel 28:15

Tä ja Saúl y'ënëmaayë: ¿Tiijës ko nëkoo xy'atsip etsës yaa xyajminy? Tä ja Saúl y'ëtsooy: Jä'ä ko janty moonp janty tujkpës ëjts nyajpaaty, yë filistejë ja'ayëty yë'ëjës nëkoo xymyëma'ayëtëp e yë Wintsën tëëjës xy'ëxmajtsnë. Koos njamëkäjpxy, ka'apës xy'ëk'ëtsoownë, ni kuma'ayjoty ets ni yë'ë mëët yë tyuunpëtëjk. Paatykyëjxm mijts të nyajmëkäjpxyë etsës xytyuk'ëwaanëty tiijës mëpaat ntuny.