1 Samuel 30:24 - Biblia Dc en Mixe de Quetzaltepec

²⁴ Mëti'ipë mnikajpxtëpën ka'ap pën t'oymyëtoy, jä'ä ko jëtu'un tä winë pyäätyën mëti'ipë ojts të tsyiptunyën, näjyëtu'un winë pyäätyë mëti'ipë të wyë'ëmtën xuumykwent'ajtpë.

Biblia Mixe de Quetzaltepec

²⁴ Mëti'ipë mnikajpxtëpën ka'ap pën t'oymyëtoy, jä'ä ko jëtu'un tä winë pyäätyën mëti'ipë ojts të tsyiptunyën, näjyëtu'un winë pyäätyë mëti'ipë të wyë'ëmtën xuumykwent'ajtpë.

1 Samuel 30:24 ပူးပေါင်းရင်းမြစ်များ

Salmos 68:12

Tam kyä'äktë ja yajkutujkpëtëjk mëët ja tsyiptuunpëtëjkëty. Jam tëjkwintum, yë to'oxytyëjkëty yë'ë jam pyëjkwa'kxtëp mëti'ipë ja mëtsiptëjk të yajtukniwojptu'utën,

Josue 22:8

Ets t'ënëmaay: tyam oy mwinpijnëtëty, mënëjkxtë ja mwit mmeenyëty, ja pu'ts pujxnën, poop pujxnën, tsuxkpujxnën ets ja juunpujxnëty; näjyëtu'un ja maywyit maytyujkxy mënëjkxta'atë ets yajwa'kxtë jam ma ja mjëëky mëku'ukëtyën mëti'ipë ja mëtsip të xypyëjkëtën.

1 Samuel 22:2

Tëkokyë ja ja'ayëty mëti'ipë ënety o'ktëy jajtëp këpäjtëpën ojts ja David tpuwa'këtya'atë ets mëti'ipë ënety jam ja nyu'kxëtyën ets näjyëtu'un ja mëti'ipë ënety ka'ap jyotkujk'atën, yë David yë'ë nikopk'ajtëtë. Ya'atë ja'ayëty mëti'ipë ja David pyuwa'këtyën, jä'ä nyiwinë'ajtë nimajktaxk mëko'px.

1 Samuel 25:13

Tä ja David ja jyä'äy t'ënëmaaytyääy: Tëkokyë pëjkjë'kta'atë mëti'ipë mëtsiptuuntëpën. Tääts ja yenypyujxnëty nyätyukmoxwë'ënëtyë ets ja David näjyëtu'un, nimajktaxk mëko'px ja ja'ay pyanëjkxë ets nimäjtsk mëko'px ojts wyë'ëmtë këwent'ajtpë ma ja y'ijtaknëtyën.

1 Samuel 30:23

E ja David tyaa ja y'ëtsooy: Këtii jëtu'unpë ja jot winma'any xypyaatë jëëkyëty mëku'ukëty. Ëëtsajtëm ma winë të npat të n'ijxëmën ets ko ja tsip të ntuknajxëmë, Dios jëtu'un mëj këjää të xypya'ëyo'owëmë. Paaty ja njuukyajtën'ajtëm ka'ap wi'ix të jyäty të kyëpety ets tääpë ja mä'tspëtëjk ëxëëk të ntu'unëmë mëti'ipë ënety ëxëëk näjyëtu'un të xytyu'unëmën.

1 Samuel 30:25

Jä'ä xëëw ojts jëtu'unpë tsyo'ontä'äky jam ma ja Israel ja'ayëtyën, ko tu'knax winë nyätyukpaatëtë ets tyampaat je'eyëm jëtu'un tyu'uye'ey.